عمرو يوسف يكشف حقيقة مشهد انتحاره فى "هيبتا"

كشف الفنان عمرو يوسف عن حقيقة مشهد انتحاره خلال أحداث بفيلم "هيبتا: المحاضرة الأخيرة".
وقد نشر "عمرو" صورة له من كواليس الفيلم وعلق قائلاً: "بحكي الحكاية دي عشان اتسألت كتير عن المشهد ده واذا كان بجد ولا جرافيك، في الصورة اللي قبل دي في ونش وأنا مربوط بحبل في الونش ده والحبل مش مشدود عشان يسمحلي بحرية الحركة علي السور، بس في حالة الوقوع الحبل يتشد فنتفادي الموت بس ممكن شوية كسور، وفجأة قرر هادي الباجوري إنه عايز يصور شوت واسع بس لازم في الحالة دي نشيل الونش عشان ميظهرش في الكاميرا وساعتها الحبل بقي مربوط في دراع بني ادم بدل الونش".
وأضاف: "ده اسمه (اندرو ماكينزي) من أشهر الناس في الشغلانة دي.. ثقتي فيه خلتنى أحط حياتي في إيديه وبس، وكمان وده الأهم إن اللي بيحب شغله ممكن يعمل أى حاجة عشان يطلعه في أحسن صورة لأن حقيقي ماكانش في حاجة في الدنيا ممكن تخليني أعمل كده غير حبي لشغلي وإحساسي إني عايز أطلعه بأحسن شكل".