القارىء مينا ممدوح يكتب: الاخوان و الوطنى ايد واحدة كلام عن التعديلات الدستورية .

الاخوان و الوطنى ايد واحدة
ومصر لازم تقطعها
الاخوان بقوا عاملين زى العصفورة الحولة اللى بعد ما فتحو لها القفص و خلاص مسموح تطير بحرية رحعت تانى القفص و قفلت على نفسها مابتشفوش اصلها حولة
الاخوان بيلبعوا بنفس المنطق القديم العتيق اللى هو مصلحتى اولا فا شوية مع القوى السياسية و المعارضة لكن مع اول رنة او مسيد من مسئول فى الحزب الوطنى نسيب الائتلاف الوطنى و اهلا بالصفقات و فالحين بس يقولوا احنا اكتر ناس اتاذينا من النظام
و كالعادة الاخوان يؤيدون التعديلات اللى هما اساسا حطينها و اللى مش فاهم كلامى ممكن يدور على اسامى اللجنة و مواقفهم و تواجهتم اللى معلنة
فالتعديلات باختصار هى مقدمة لدولة الاخوان ليه
اولا نفى دكتور زويل
باعتباره الشخصية التى تحوذ اعجاب الجميع و ملوش معارضين تقريبا ( يمكن نتفق او انختلف حوالين البرادعى لكن زويل لا خلاف ) و تم نفيه عن طريق المادة 75المعدلة اللى بتقول
"يشترط فى من ينتخب رئيسا للجمهورية ان يكون مصريا من ابون مصريا و ان يكون متمعا بحقوقه المدنية و السياسية و الا يكون قد حمل اى من والديه جنسية دولة اخرى و الا يكون متزوجا من غير مصرية و الا يقل سنه عن اربعين سنة ميلادية
و هى فكرة مغلوطة لانه ليس هناك قانون يمنع المصرى من حمل جنسية اخرى و بالتالى من حق اى مصرى يحمل جنسية اخرى انه يرشح نفسه مثل دكتور زويل على سبيل المثال
ثانيا نفى المرأة
المادة بتقول انه الا يكون متزوجا من غير مصرية على اساس ان المراة مش من حقها الترشح ليه ؟ لان لا ولاية للمراة على الرجل ؟
و كل هذه الافكار هى افكار دينية و توجهات اخوانية واضحة
لكن كل ده كوم و اللى جاى كوم
مجلس الشعب و الشوى هو المكلف بعمل دستور جديد ؟
هاتحصل انتخابات تشريعية كمان شهرين و بما ان الحياة السياسية فى مصر لسه مش ممهدة و لسه مافيش احزاب جديدة ظهرت و الاخوان معاهم شارة الكبتنة فى قصة الانتخابات دى و يا ما كسبوا فيها بطرق كتير منها المشروع و منها اللى مش مشروع فالوضع ممهد قدامهم و قدام المتحولون من الجزب الوطنى عشان ينزلوا الانتخابات و يكسبوا و يحطوا دستور جديد للبلاد لان اللجنة المفروض هما يشكولها هايشكولها منهم و تبقى خلصت على كده
ده غير ان العملية الامنية مش جاهزة عشان تامن انتخابات مجلسى شعب و شورى و اللى فكلام كتير انه هايتلغى فى الدستور الجديد يعنى هانتخبه و ناس تموت بعض و ملايين تتصرف و بعدين نجى نعمل دستور جديد نقول ان المجلس الشورى ده صورى و مش مؤثر بالمرة نلغيه كمان نلغى فكرة الفلاحين و العمال و الفئات لانها فكرة قديمة و متخلفة طب اللى نجج عاى ناه عمال او فئات تسقط عضويته و تعاد تانى الانتخابات بالذمة ده كلام !!!!!!!!!!!
احنا بنبى عمارة و الدستور هو الاساس لازم يمون كامل واضح و على اساسه نبنى المؤسسات التشريعية و القائية و التنفيذية
كيف يرشح الرئيس
لو مستقل يدور على 30 الف صوت من 15 محافظة لو عضو فى المجلس يبقى يدور على تصويت من 30 عضو لو حزبى و له كرسى فى مجلس الشعب يبقى يرشح نفسه
يعنى باختصار اعضاء المجلس لهم كلمة كبيرة فمن يرشح للرئاسة و المجلس دورته 5 سنين و الرئاسة بقت 4 يعنى المجلس يتحكم فى رئيسين مرة واحدة لمصر
صلاحيات الرئيس
صلاحيات الرئيس القادم لم تحدد بعد يعنى هو يجى و بعيدن نناقش الدستور و هو موجود و من صمن هانناقش تتخصاصاته يعنى تجيب واحد يشتغل و تقوله اهتعمل ايه بعد ما اشتغل طب ماهو الساحة فاضية دلوقتى نحط الدستور اللى على مقاس الشعب مش اللى على مقاس الرئيس زى ما عمل قبل كده عبد الناصر و السادات و حسنى
قررات اللجنة المشرفة على الانتخابات لا يجوز الطعن عليها
يعنى لو حصل قلق او تزوير و رحت و اللجنة ده قالت امسى العل بعيد تبقى تروح تلعب بعيد و انسى يا عمر
اخيرا
هل من الوطنية شق الصف و الموافقة على التعديلات الدستورية اللى رفصتها كل الجهات و كل الشخصيات العامة زى البرادعى و عمرو موسى و عمرو حمزواى و نادى القضادة و فقهاء الدستور و رؤساء المحاكم و الاحزاب الوفد و التجمع
اللى وافق بس الوطنى و الاخوان لان دى مصلحتهم الشخصية
الاخوان و الوطنى ايد واحدة و مصر لازم تقطعها
لا للتعديلات مرقعة مصر اللى ضحت تستاهل دستور مدنى ديموقراطى راقى
مصر مش ترعة عكرة عشان الاخوان و الوطنى يصطادوا فيها