القارىء موسي عريقات يكتب : كله دخل الفرح

زاطت و كله دخل الفرح
إلي رقص و إلي أكل
و إلي في الزحمه سرح
و الكل ناسي صاحب الفرح
إلي عشان عيون عروسته
ياما إنضرب و ياما إنجرح
و الكل بقى عاوز ياخد على كتفه لفه
مطربين..ممثلين..مثقفين
سياسيين و كل كدابين الزفه
و الحرامي إلي بيسرق كحل العيون بزوق وخفه
كله عاوز يبقى بطل و هو إلي يقود الدفه
حتى السوابق البلطجي عزوز أبو شفه
كله فتح كرشه خلاص و ناوي يهبش هبشته
و صاحب الفرح نايم جريح ما إقدرش يقوم من فرشته
و مؤمن بإن عروسته وافيه مش حتنسى عشرته
يا ولاد بلدنا بقلكم حاسبوا ياما من العقارب
ما تفكروش فيهم طيابه أو تاخدوا منهم أي صاحب
و خله إيمانكوا بربكم جوه في قلوبكم هو إلي غالب