بعد تغيير اسمها.. أماكن أداء اختبارات القدرات (كليات علوم الرياضة) لطلاب الثانوية العامة 2025    يتم تحديده فيما بعد.. «المحامين»: إرجاء تنفيذ الإضراب العام لموعد لاحق    في عطلة الصاغة.. سعر الذهب وعيار 21 اليوم الأحد 6 يوليو 2025    سعر الخوخ والموز والفاكهة بالأسواق اليوم الأحد 6 يوليو 2025    تغييرات جديدة بمركز البحوث الزراعية لرفع الكفاءة ودفع عجلة الإنتاج    وزير النفط الكويتي يجدد دعم بلاده لجهود أوبك لاستقرار الأسواق العالمية للطاقة    وكيل زراعة سوهاج يتفقد محطات الري بالطاقة الشمسية ومشروعات الأمن الغذائي    صدق أو لا تصدق.. ميسي يُهدي هدفا لمنافسه بتمريرة كارثية "فيديو"    استشهاد 4 أطفال أشقاء في قصف الاحتلال خيمة للنازحين غرب خان يونس    وفد إسرائيلى يتوجّه إلى الدوحة لاستئناف المحادثات حول المُحتجزين والهدنة    ريال مدريد يضرب موعدًا مع باريس سان جيرمان في نصف نهائي كأس العالم للأندية    الزمالك يجدد عقد عبد الله السعيد لمدة موسمين    «فخور بك.. والرحلة لم تنتهي بعد».. رسالة فينجاد ل شيكابالا بعد اعتزاله    إبراهيم صلاح: شيكابالا خرج من الباب الكبير    الأهلى يرفض ضغوط وكيل وسام أبو على للرحيل ويحدد شروطه لرحيل اللاعب    ريبيرو يدرس إعادة نظام الدور فى حراسة المرمى بالأهلى    تفاصيل ارتفاع عدد المتوفين بحادث الطريق الإقليمي ل 10 ضحايا.. فيديو    أجواء مضطربة على سواحل البحر الأحمر.. الأرصاد تكشف حالة الطقس اليوم الأحد 6 يوليو 2025    «تحوّل إلى مذبحة مفتوحة».. طلب إحاطة عاجل بالبرلمان بعد حادث «الإقليمي» الجديد    الهلال الأحمر المصرى يقدم خدمات الدعم النفسى لأسر ضحايا حادث الإقليمى    بعد ظهوره العائلي.. طارق الشناوي: الزعيم لا يزال في قلب الجمهور    الهواري: أغنية «خطفوني» هتعيش.. والهضبة دايمًا سابق بخطوة    أشرف زكى: أحمد الرافعى بخير وفى منزله    أسيوط تحتفى بختام فعالياتها فى المهرجان القومى للمسرح المصرى    آل البيت أهل الشرف والمكانة    العدس والفاصوليا.. أطعمة فعالة في الوقاية من أمراض القلب    ابتعد عنها في الطقس الحار.. 5 مشروبات باردة ترفع الكوليسترول وتضر القلب    مهمة لتفادي الأمراض.. الطريقة الصحيحة لتنظيف الفواكه والخضروات من الجراثيم والمبيدات    "أنا بغلط... وبأندم... وبرجع أكرر! أعمل إيه؟"    بالأسماء.. إصابة 14 شخصًا في حادث انقلاب ميكروباص بأجا في الدقهلية    بالصور نائب محافظ الغربية يتفقد مشروعات تطوير مركز ومدينة بسيون    محافظ الغربية يعقد اجتماعًا عاجلًا لتيسير إجراءات الكشف الطبي للطلاب الجدد    الثانية على التوالي.. أرنولد يواصل تقديم الهدايا في ريال مدريد    نادي أدب الإسماعيلية يناقش أعمال الكاتب الساخر محمد أبو العلا    بالصور| مصرع وإصابة 5 أشخاص حادث تصادم 3 سيارات بطريق الواحات    الصلح خير.. الكفن يُنهي خصومة ثأرية بين عائلتي «أبوسريع وأبو سته» بقليوب    محمود مسلم: العالم غاضب من أمريكا وإسرائيل.. ومصر لا تريد إدارة غزة بل الحفاظ على حقوق الفلسطينيين    7 مرشحين تقدموا بأوراقهم باليوم الأول لفتح باب الترشح لمجلس الشيوخ بكفر الشيخ    الأهلي يتمسك بضم ياسين مرعي.. ويفكر في شراء عقده حال تعثر الإعارة    قبل مناقشته غدًا.. تعرف على الجهات التي يسري عليها قانون تنظيم المهن الطبية    نشأت الديهي بعد توجيه السيسي بغلق الطريق الإقليمي جزئيا: حياة الناس أهم    يُكفر ذنوب سنة كاملة.. ياسمين الحصري تكشف فضل صيام يوم عاشوراء (فيديو)    زيلينسكي: أوكرانيا أبرمت اتفاقات للحصول على مئات الآلاف من الطائرات المسيرة    القليل من الإحباط والغيرة.. حظ برج الدلو اليوم 6 يوليو    أستاذ تاريخ يُفسر فيديو تقديم مدرب الزمالك الجديد: معجنة تاريخية كبيرة.. وعلمنا على البرتغاليين    وزيرا خارجية مصر والسعودية يبحثان تطورات الأوضاع الكارثية فى غزة    إقبال ملحوظ بأول أيام الترشح ل«الشيوخ»    مسيرة حافلة بالعطاء تدفع 8 سيدات لاقتناص جائزة «الإنجاز مدى الحياة» في نسختها الأولى    مظاهرات غاضبة في ليبيا ومطالب أممية بالتحقيق في وفاة ناشط حقوقي    مدير دار الافتاء بمطروح يجيب.. هل نصوم مابعد عاشوراء أم قبله؟    طهران: «لا مفاوضات» مع واشنطن بشأن «النووي».. وترامب: برنامجها تعرض ل«انتكاسة دائمة»    صيادو الضهرة ببورسعيد.. شِباك تُلقى فجرًا وتحمل خيرات البحر إلى الموائد    قرار الشعب وعودة الروح    حدث بالفن | أحدث ظهور ل عادل إمام وزوجته وعمرو دياب يشعل الساحل الشمالي    فيتامين الجمال، 10 مصادر طبيعية للبيوتين    أمينة الفتوى: "مقولة على قد فلوسهم" تخالف تعاليم الإسلام والعمل عبادة يُراقبها الله    إعلان نتائج كلية الهندسة بجامعة الإسماعيلية الأهلية وأسماء الأوائل    «محيسن وعبد الفضيل ومجدي».. أبرز مرشحي الفردي فى انتخابات مجلس الشيوخ ببني سويف    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



عزيزتى هيفا
نشر في الشروق الجديد يوم 07 - 05 - 2009

إلى العزيزة هيفا.. تحية طيبة وبعد.. تابعت أنا وغيرى من أبناء هذا الوطن أنباء زواجك الميمون ودخولك بيت العدل.. (أو قصر العدل بقى فالمقامات لازم تبقى محفوظة برضه)..
ولا تتخيلى يا أختاه كم كانت سعادتنا، ونحن نتابع هذا الخبر السعيد.. فعلا كنا سعداء.. دى سنة من أجمل السنين اللى مرت علينا.. مش بس سعادة دى سعادة مختلطة بالفخر لأننا قدرنا نحصل على واحدة من أعضاء مثلث الرعب الشهير (هيفا، إليسا، نانسى، وشركاؤهن) ونضمها لمنتخب جحافل الستات والبنات المصريات خاصة إننا بقالنا سنين بنحاول نوفر بديل محلى ليكى ولأخواتك الفاضلات ومش عارفين..
(روبى كانت عاملة اللى عليها والله لكن ما يقدر على القدرة غير ربنا ويكفيها على الأقل شرف المحاولة).. ده إحنا حتى بدأنا نطبق نظرية وحيد حامد فى عمارة يعقوبيان «كل واحد حر فى هدومه ياختى» وعشان كده بنرحب بيكى وبأذرع مفتوحة وقلوب صافية وبلا أى ضغائن من بتاعة زمان..
لكن دلوقتى وبما إنك بقيتى مننا وعلينا وقريب جدا هتيجى تستقرى فى مصر وستتكحل بك عين الوطن (حلوة مش كده) فخلينى أقولك حاجة بسيطة شايلاها فى قلبى أنا وقلة قليلة من المصريين.. إيه موضوع ال 9 مليون دولار ده؟..
أصل أنا عايزة أفهمك حاجة مهمة.. موضوع الملايين ده مش ماشى هنا قوى يعنى ده حتى الأستاذ «طارق علام» لما كان بينزل زمان الشارع ويسأل الناس المليون ده فيه كام صفر وحياتك إنتى ما كانوا بيعرفوا.. طب أقولك حاجة تضحك والله ولا ليكى عليا حلفان من كام سنة بس مصر كلها كانت بتدور على صورة جادون تحت كل غطيان الحاجة الساقعة عشان يكملوا بيها صورة عجلة ويكسبوها..
جادون يا هايفا..حلمنا القومى كان جادون.. تقوليلى إنتى 9 مليون؟.. مش هاقولك يا أختى إن مافيش حد فى مصر عنده ملايين.. لأ يا حبيبتى موجودين.. بس السيستم هنا إن الناس اللى عندهم ملايين مابيتكلموش كتير فى المواضيع دى قدام الناس التانيين اللى زينا عشان عنينا وحشة وحسادين وعندنا بقية أحقاد طبقية قديمة مش عارفين نتخلص منها..
وبرضه عشان الأمر ما يسلمش من إن واحد من الناس المغرضين اللى زينا اللى عينيهم تندب فيها رصاصة تطق فى دماغه ويلف حوالين نفسه حزام ناسف ويفجر نفسه فيهم والا حاجة.. يعنى واحد من ال4 مليون مصرى اللى تحت خط الفقر اللى ممكن يعدى عمرهم كله ما يشوفوش فيه حتة لحمة غير فى المتحف (يجييبوا كام كيلو لحمة ال9 مليون دولار دول يا هايفا؟)..
أو واحدة من ال9 مليون بنت اللى مش عارفين يتجوزوا عشان مش لاقيين تمن الجهاز (يجهزوا كام بنت ال9 مليون دولار دول يا حبيبتى؟)..أو دكتور محترم من اللى قضى فى التعليم 18 20 سنة واتخرج بتفوق عشان يلاقى نفسه متعين بمرتب 600 جنيه (ألا هم ال9 مليون دولار دول يطلعوا كام 600 جنيه يا روحى؟).. أو الملايين اللى قاعدين على القهاوى من غير شغل..
أو الملايين اللى مش عارفين يشربوا كوباية ماية نضيفة.. أو الملايين اللى مابيعرفوش يجيبوا رغيف عيش من أى فرن.. أو الملايين اللى عندهم سرطانات وفيروس سى وفشل كلوى وبيموتوا عشان مش لاقيين تمن العلاج.. وغيرهم وغيرهم.. هى دى الملايين اللى احنا نعرفها يا قلبى لكن ال9 مليون دولار دول وحياتك إنتى ما نعرفهم.. ولا عايزين.. مش هنمنعكم تصرفوا فلوسكم والله ولا يفرق معانا تصرفوها فين.. إنتو بس ماتبقوش تقولولنا عشان إحنا أعصابنا خفيفة حبتين.. إحنا هنودى وشنا الناحية التانية وانتى إصرفى اللى تصرفيه..
إصرفى 9 مليون.. 10مليون 11 (سورى ما باعرفش أعد أكتر من كده)، لكن نصيحة من أختك الصغيرة.. بلاش يعنى موضوع الكلام فى الملايين فى الجرايد والمجلات دى.. ماتفسروش فى وشنا.. خلينا عايشين وساكتين..9 مليون دولار فى ليلة؟.. و150 طيارة خاصة تنقل المدعوين.. دول كان ممكن يحرروا فلسطين.. هيفا يا روح قلبى.. دارى على شمعتك تولع.. بدل مانولع إحنا يا حبيبتى ربنا يخليكى ويهدى سرك ياااارب.. والسلام ختام.. إمضاء واحدة مش مضايقة ولا واخدة على خاطرها ولا مفروسة خاااالصصصص.


انقر هنا لقراءة الخبر من مصدره.