ريم العدل تدعم صناع الأفلام القصيرة

وجهت الاستايلست ريم العدل رسالة تدعم فيها صناع الأفلام القصيرة من الشباب، من خلال منشور عبر حسابها بموقع فيسبوك قائلة :" أنا بكتب البوست ده عشان اطلب من الناس ياريت ماحدش يتكلم باسمي..عشان دي تانى مرة بيجيلي ان في حد كان عايزنى معاه في فيلم قصير او مشروع تخرجه و حد نصحه او خوفه يكلمني و قال له مش هتوافق عشان مفيش فلوس".
وأوضحت:" أنا بحب اعمل افلام قصيرة و بستمتع بيها جداً و هي من غير فلوس المهم يبقي الفيلم حلو .. انا عملت افلام قصيرة كتير مع اساتذة مخرجين كبار و صغيرين منها (اوضة الفيران - استاذ كريم العدل، خلقة ربنا - استاذة كاملة ابو ذكري، مريم - استاذة ماڤي ماهر، حار جاف صيفاً - استاذ شريف البنداري، سيدة - استاذة نسمة زعزوع، ندي - استاذ عادل احمد يحي، تمت 10 - استاذة چيلان عوف ، رسالة الي صديقي في فرنسا - استاذ اكرم البزاوى".
واختتمت: "أي حد عنده فيلم قصير و عايزني اعمله انا ماعنديش اي مشكله بالعكس هبقي مبسوطة .. انا حتي مشاريع المعهد بحب اعملها جداً و مخزنى موجود لاي لَبْس تحتاجوه من غير فلوس برضه".

انا بكتب البوست ده عشان اطلب من الناس ياريت ماحدش يتكلم باسمي.. عشان دي تانى مرة بيجيلي ان في حد كان عايزنى معاه في فيلم...
Posted by Reem El Adl on Saturday, July 18, 2020