زلزال بقوة 5.5 درجات يضرب أفغانستان    إغلاق عدد من المقار الانتخابية بالخارج مع استمرار التصويت في انتخابات الشيوخ    ترامب: أولويتنا الآن إيصال الطعام والمساعدات إلى غزة    مقتل 4 أشخاص في إطلاق نار داخل حانة بولاية مونتانا الأمريكية    يونس: محمد شحاتة قادر على التطور.. وأول 10 مباريات فاصلة للزمالك في الدوري    محافظ سوهاج: إحالة واقعة مشاجرة عمال محلات العصائر لنيابة العامة    تشيع جنازة عريس لحق بعروسه بعد ساعات من وفاتها بكفر الشيخ    عمرو دياب يشعل العلمين في ليلة غنائية لا تُنسى    بكفالة 50 ألف جنيه.. إخلاء سبيل منظم حفل محمد رمضان بالعلمين    استشارية أسرية: الزواج التقليدي لا يواكب انفتاح العصر    علي معلول يعلن انضمامه ل الصفاقسي التونسي (صورة)    مصر ترفع رصيدها إلى 91 ميدالية متنوعة في دورة الألعاب الأفريقية للمدارس بالجزائر    تضاؤل فرص لحاق وافد الزمالك الجديد ببداية مشوار الدوري    تنسيق المرحلة الأولى 2025.. تحذير لطلاب الثانوية العامة غير مسجلي الرغبات: «لن تدخلوا كليات القمة»    ما هي واجبات أعضاء مجلس الشيوخ؟.. القانون يجيب    محافظ سوهاج يطمئن على مصابى حريق مطعم بميدان الشبان ويوجه بدعم طبى عاجل    بينهم طفل.. إصابة أسرة كاملة في انقلاب دراجة نارية بالوادي الجديد    سقوط مروع لطفل من دراجة نارية في الوادي الجديد    عيار 21 يفاجئ الجميع.. أسعار الذهب اليوم السبت 2 أغسطس بالصاغة بعد الانخفاض الكبير    استشهاد 3 فلسطينيين في قصف إسرائيلي استهدف خيام نازحين شمال خان يونس    وزير الزراعة: أسعار الدواجن في انخفاض مستمر.. والأعلاف تراجعت 2000 جنيه للطن    حيل مذهلة لتحضير فنجان قهوة تركي لا ينسى (كلمة السر في الثلج)    قرارات عاجلة من محافظ سوهاج بعد حريق المطعم    كما كشف في الجول – النجم الساحلي يعلن عودة كريستو قادما من الأهلي    بيراميدز يستهدف صفقة محلية سوبر (تفاصيل)    أبرزها رفع المعاش واعتماد لائحة الإعانات.. قرارات الجمعية العمومية لاتحاد نقابات المهن الطبية    روسيا ومدغشقر تبحثان إمكانية إطلاق رحلات جوية بمشاركة شركات طيران إقليمية    كواليس من محاكمة صدام حسين.. ممثل الدفاع: طلب جورج بوش وتوني بلير لهذا السبب    عبدالمنعم سعيد: الدمار الممنهج في غزة يكشف عن نية واضحة لتغيير هوية القطاع    رسميا الآن بعد الانخفاض.. سعر الدولار مقابل الجنيه المصري اليوم السبت 2 أغسطس 2025    مقتل 4 أفراد من أسرة واحدة في سيوة    «الجو هيقلب».. بيان مهم بشأن حالة الطقس اليوم: أمطار وانخفاض درجات الحرارة    إسماعيل هنية كشف خيانة الثورة المضادة فباركوا قتله .. عام على اغتيال قائد حماس    الإخوان : وقف نزيف الحرب على غزة لن يمر عبر تل أبيب    الشباب المصري يصدر تقريره الأول حول تصويت المصريين بالخارج في انتخابات مجلس الشيوخ    محمد ممدوح عن «روكي الغلابة»: «كان نفسي اشتغل مع دنيا سمير غانم من زمان» (فيديو)    تحبي تكوني «strong independent woman» ماذا تعرفي عن معناها؟ (فيديو)    عمرو دياب الأعلى استماعا خلال شهر يوليو على أنغامي (صور)    حدث بالفن| كارثة بسبب حفل محمد رمضان ومطرب يلغي حفله في الساحل حدادًا على المتوفي    "ظهور نجم الأهلي".. 10 صور من احتفال زوجة عماد متعب بعيد ميلاد ابنتهما    نجم الزمالك السابق: فترة الإعداد "مثالية".. والصفقات جيدة وتحتاج إلى وقت    الزمالك يحسم صفقة الفلسطيني عدي الدباغ بعقد يمتد لأربع سنوات    حسام موافي ينصح الشباب: مقاطعة الصديق الذي علمك التدخين حلال    منها «الذهاب بكثرة إلى الحمام ».. 6 علامات مبكرة تدل على سرطان البروستاتا يتم تجاهلها    وصول دفعة أطباء جديدة من عدة محافظات إلى مستشفى العريش العام    رئيس أركان حرب القوات المسلحة يشهد فعاليات اليوم العلمى ل«الفنية العسكرية»    ترامب: نشرنا غواصتين نوويتين عقب تصريحات ميدفيديف "لإنقاذ الناس"    الشيخ محمد أبو بكر بعد القبض على «أم مكة» و«أم سجدة»: ربنا استجاب دعائى    2 جنيه زيادة فى أسعار «كوكاكولا مصر».. وتجار: «بيعوضوا الخسائر»    للرزق قوانين    هل يشعر الأموات بما يدور حولهم؟ د. يسري جبر يوضح    أمين الفتوى: البيت مقدم على العمل والمرأة مسؤولة عن أولادها شرعًا    هل أعمال الإنسان قدر أم من اختياره؟ أمين الفتوى يجيب    الأسهم الأوروبية تتكبد خسائر أسبوعية بعد أسوأ جلسة منذ أبريل    فريق بحثي بمركز بحوث الصحراء يتابع مشروع زراعة عباد الشمس الزيتي بطور سيناء    مصر تتعاون مع شركات عالمية ومحلية لتنفيذ مشروع المسح الجوي للمعادن    وزير الأوقاف يؤدي صلاة الجمعة من مسجد الإمام الحسين    إدارة مكافحة الآفات بالزراعة تنفذ 158 حملة مرور ميداني خلال يوليو    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



باسم يوسف يخرج عن صمته
نشر في النهار يوم 18 - 09 - 2015

نشر المؤلف والسيناريست "عمرو سمير عاطف"، رسالة مطولة من الإعلامي الساخر باسم يوسف، عبر حسابه الشخصي على موقع التواصل الإجتماعي "فيسبوك"، يرد فيها الأخير عن معظم التساؤلات التي يطرحها كل أصدقائه وجمهوره العريض عن أسباب عدم عودة "البرنامج".
وجاء نص رد باسم يوسف علي عمرو سمير عاطف كالتالي:" سعيد انك افتكرتني مع انه مش بالخير قوي. انا باحترم اعمالك و آراءك و شايف انك من الناس اللي رايها يحترم و ده شيء نادر الأيام دي. عزيزي عمرو حضرتك بتقول اني عادي لو اتهموني اني عميل و خاين.و انا مع احترامي شايف ان دي مزايدة كان ده شئ عادي. حضرتك الاتهامات دي مش سهلة اليومين دول . معادتش حاجات فارغة في ألهوا. دي ممكن تأذي بل و يصدر عليك احكام بسببها و كله بالقانون .منهم قانون 87 اللي طلع السنة اللي فاتت او قانون "الأشياء الاخرى" اللي ممكن عادي يلبسك تهمة خيانة عظمى لو ما قلته او فعلته "يسيئ للوطن" و دي تهمة فضفاضة جدا. طيب هل انا خايف على نفسي؟ هو ده مش عيب بس يا سيدي انا مشهور و الدنيا حتتقلب و مش حيهمني. مع اننا شفنا ناس و معاهم جنسيات تانية بتتحبس عادي. بس قول انا بره و آخرهم يحطوني على قوائم الانتظار (قال يعني ده شئ بسيط) او يمنعوني من تجديد الباسبور زي أيمن نور آللي عملوا فيه كده (كل ده عادي ايه يعني ما تستحمل يا خرع) طيب انا بره مصر و مش هاممني. طيب اللي جوه مصر؟ اخويا اللي لِسَّه عايش هناك؟ مراتي و بنتي اللي لِسَّه بيزورا مصر عشان أهل مراتي. أهل مراتي خالي ، عمي خالتي ، الخ؟ بابالغ؟ طيب من خمس ايام الصحفي محمد ابو الغيط اللي شغال في تلفزيون العربي الجديد في لندن و مش بيعمل فيديوهات بيتفرج عليهاملايين قبضوا على ابوه في بيته بتهمة التحريض على الارهاب. كتب على ده ممكن حضرتك تتاكد. طيب بعد المزايدة اللطيفة دي لو حصل حاجة لاهلي. حد منكم حينفعني؟ طيب انا بعد البرنامج ما وقف السنة اللي فاتت رحت اتكلمت في مؤتمر في ألمانيا . ما خبطش قوي. تاني يوم أتعمل كبسة مصنفات على شركة الانتاج اللي كانت بتنتج البرنامج و بعدين صلتنا اتقطعت. التهمة "نسخ ويندوز غير اصلية" اتقبض على ناس و اتصادرت كاميرات و اجهزة ولولا صاحب الشركة يعرف ناس كان زمانه اتحبس. و اتقاله بالحرف "خللي باسم ألمانيا تنفعه" بعدها بشهر رحت أوسلو اتكلمت و ما خبطش قوي. بعدها بأسبوع اتخبطت اوسخ حكم تحكيم في تاريخ الإعلام المصري بميت مليون جنيه و سبت مصر كأني تاجر مخدرات او كأني بعت الغاز بتاع البلد. و مش عارف ارجع حتى أدفن ابويا لما مات.
حضرتك بتقول اني "نخيت من اول تهويشة" طب نفتكر مع بعض؟
بعد تلاتين ستة عملت الحلقة إياها في سي بي سي. و اتمنعت و بعدين اترفعت قضايا تحكيم . فضلنا اربع شهور ما اشتغلناش غير الأربعة شهور اللي بعد تلاتين ستة. كنّا بنصرف على ايجار المسرح و مرتبات الطاقم الضخم من جيوبنا. حرفيا انا فلست و شركة الانتاج كانت حتقفل. بس "ما نخيتش" رجعنا تاني على أم بي سي. اتشوش علينا مرتين بطريقة ما حصلتش قبل كده. اتبعت صيع و بلطجية كل أسبوع يحاصروا المسرح. سيبك من الهبل بتاع "خمسة مليار يا باسم" فيه فيديوهات لبلطجيك بتتوعدتي بالقتل عادي جدا. و ناس تانية مسجلين خطر كنّا بنشوفهم بره. و في طل الظروف دي كملنا و فضحنا الاعلام و الكفتة و غيره. ايه اللي حصل بعد كده. اتوقفنا. حد عملنا حاجة؟ نفعنا بحاجة؟ بالعكس ناس صدقت اني خدت خمسة مليون جنيه و اقعد في البيت. عادي ما جتش على دي. طيب قوللي يا أستاذ عمرو. ايه فايده اني اعمل فيديوهات دلوقتي؟ عشان انتقد الهبل اللي في الاعلام و التناقض اللي قي البلد؟ طيب انا سيدي الفاضل فضحت نفاق الأعلام و خيبتنا في سد النهضة بعد تلاتين ستة و التسريبات و نظرية المؤامرة و عمهم كلهم جهاز الكفتة. قوللي يا أستاذ عمرو: الناس عملت حاجة؟ حاجة اتغيرت؟ و لا انت عايزني استمر في عمل فيديوهات عشان الناس تتقلب على قفاها من الضحك و دمتم. و لما يحصل حاجة لحد من اهلي حينوبني مصمصة شفايف و كام تويتة. انا مش حعرض اهلي للخطر عشان ناس سلبية بتزايد على ناس تانية انهم مش بيدوهم الافيونة بتاعتهم. انا أسف. تعبير قاسي بس سامحني. حضرتك فيه واحدة اسمها أية حجازي محبوسة من سنة. تهم ارهاب و هي أصلا جاية من برة تساعد أطفال الشوارع. حد نفعها. و غيرها كتير. عشان أقولك بس انهم ما بيهمهمش حد و الناس اخرها فعلا كام تويتة.
اسمحلي أفكرك بحاجة. ليلة تصوير اول حلقة رجوع على السي بي سي و حتى قبل ما تتعرض راحوا لبيت ابو المنتج بتاعي و قبضوا عليه. بتهمة الاٍرهاب و التمويل و التحريض. و قعد في السجن سنة. راجل عنده سبعين سنه عنده قلب و ضغط و الذي منه . و قبليه قبضوا على اخوه عشان كان في مكتب مرسي و قعد في السجن سنة و نص. من غير تهم و من غير ادلة. و اتقالهم صراحة انه بسببي و مع ذلك استمريت في الام بي سي. انا طلعت مع يسري فودة و قلت الكلام ده. فرقت في حاجة؟ بالعكس ثبتوا عليا تهمة الآخونة.
انا مش خايف على نفسي. انا خايف على ناس مالهاش ذنب. كل ما بأكتب حتى تويتة ناس من مصر من عيلتي و أصحابي بتكلمني و تترجاني اسكت عشان ما يتأذوش
أستاذ عمرو. حضرتك بتقول عليا اني كنت قائد ملايين . انا عمري ما قلت كده و رفضت اني أصنف كده. الناس حطتني في الموقف ده لفشل ناس شغلتها السياسة بس انا عمري ما طلبت كده.
انا مع احترامي "ما نخيتش" انا قاومت على قد ما اقدر. و اللي يقولك اني ما عملتش في النظام الحالي زي ما عملت في نظام الاخوان فكره ان وقت الاخوان الاعلام غير الاسلامي كله كان ضده و كان لبانة في بق الجميع. بعد تلاتين ستة ما حدش كان عارف يتنفس حضرتك. و ارجع لأجواء تلات شهور بعد تلاتين ستة . نسبيا احنا كنّا ضد التيار و اتبهدلنا لمجرد التلميح. لكن يطهر اني عشان ارضي الناس لازم أكرر النكت بتاعة مرسي أو آلبس برنيطة او أسب ام السيسي .
أستاذ عمرو انا في حل اني أقولك انا اتعرض عليا ايه و الفلوس اللي اتعرضت عشان اعمل حاجات كوميدي و خفيفة و مقالب في وقت انا ماعنديش فيه مصدر دخل. انا مش محتاج اني أقولك انه اتعرض عليا ارجع بس "بتفاهمات" و رفضت. بس مضطر أقولك كده عشان المزايدات. انا يا سيدي الفاضل على دماغي لعنة اسمها البرنامج. و لا عارف اعمله و لا عارف اعمل حاجة غيره. هل ممكن أقول اللي عايزة من خلال دراما او تمثيل؟ بافكر في كده فعلا بدل حالة اللاشئ اللي انا فيها دي. بس مش حيبقى برضة في مستوى البرنامج. و اللي يخليهم يقطعوا عيش بلال يخليهم يعملوا كده تاني .
أستاذ عمرو سهل قوي تزايد على حد.بس لو البرنامج بحجمه كان خللى الناس تتحرك كان زمان الفيديوهات اللي انت عايزني اعملها كان فيها أمل. لو كان البرنامج بحجمه كان حماني و حمى الناس اللي حواليا كان ممكن أفكر في الفيديوهات" .
طول ما الناس سلبية و مش عايزة تساعد نفسها فانا مش مستعد أضر حد حواليا. و انا هنا مش بالوم الناس. انا بقولك ان الظروف قاسية على الكل فما تطلبش من غيرك انه يحارب عشان الناس . لان زي ما انت شايف كله بيتفرم و ما حدش له دية.
انا مقدر ان ممكن يكون فيه عشم و حسن نية مع اني كنت أتمنى بما انك عملتلي تاج يعني كان ممكن توصلي و تسألني مباشرة بدل ما تشرد ليا على البروفايل. انا ححاول أرد على حضرتك على الانبوكس و سامحني لو راح "ال others" اني أرد عليك على الوول.
ومن جانبه قال عمرو:" انا باعتذر لكل محبي باسم وباعتذر لباسم يوسف وبأقول لكل الناس اللى استنتجوا انه كان لعبه وانه خاف وانه مش عارف ايه انتوا كمان غلط جدا:"
وتابع:"ده رد باسم عليا فى الانبوكس وانا استأذنته وهو وافق انى اشيره عندى ..مره تانيه انا باعتذر انا فعلا ماكنتش عارف كل ده ولو حصلي واحد فى الميه منه مش ها استحمل".


انقر هنا لقراءة الخبر من مصدره.