محمد رشاد عن مي حلمي: «يارب يجمعنا تاني لو في خير بينا»

علق المطرب محمد رشاد، على واقعة إلغاء حفل زفافه من المذيعة مي حلمي، في 20 أكتوبر الماضي، قائلًا إنه رأى "شماتة" في أكثر يوم كان ينتظره مع أكثر فتاة أحبها طوال حياته.
ونشر "رشاد"، عبر حسابه بموقع "إنستجرام"، الصور الملتقطة لهما أثناء حفل الزفاف غير المكتمل، وقال إنه:"كان يشعر بأنها ابنته وحبيبته وصاحبته"، وإنه استفاد كثيرًا تلك الأزمة.
وأضاف: "أول هذه الاستفادات إن ناس كتير ممكن تبين فرحتهم وهما مش فرحانيين ليك من قلبهم، دا تمثيل ووقت المشكلة بيتحول الفرح لتصفية حسابات علي حساب أي حد"، مستطردًا: "تاني حاجة ناس كتير بالذات في مجالي هتبين أنهم أصحابك وبيحبوك وعايزين يفرحوك، ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس، حتى لو بكدا بيخوضوا في تفاصيل حياتك الشخصية".
واستطرد قائلاً: "في الأخر مش هيفضل غير اللي بيحبك وبيتمنالك الخير، الناس وآرائهم مش هيكملوا معاك، حياتك بس اللي بيحبك وعايزك معاه هوا بس اللي هيفضل".
واختتم المطرب محمد رشاد، قائلًا: "يارب لو في خير بينا يجمعنا تاني مع بعض، ولو النصيب مش خير يهدي كل واحد لطريق سعادته حتى لو مش مع بعض، اتمنولنا الخير ولكم المثل يارب".
يذكر أن حفل زفاف مي ومحمد، تم إلغائه قبل دقائق من بدايته، وتباينت الأقاويل حول سبب الإلغاء، حيث رجح بعض المدعوون أن السبب يرجع إلى نشوب خلاف حاد بين أهالي العروسين قبل ساعات قليلة من حفل الزفاف.

View this post on Instagram
أنا شفت شماته في أكتر يوم كنت بستناه مع أكتر بنت حبيتها فعمري كله و كنت بحسها بنتي و حبيبتي و صحبتي طبعا من وقت المشكلة اللي حصلت اليوم دا لحد النهاردة استفدت كتير من اللي حصل حواليا .. أولهم إن ناس كتير ممكن تبين فرحتهم و هما مش فرحانيين ليك من قلبهم دا تمثيل و وقت المشكلة بيتحول الفرح لتصفية حسابات علي حساب أي حد .. تاني حاجة ناس كتير بالذات فمجالي هتبين انهم اصحابك و بيحبوك و عايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم و يبقوا أوائل الناس حتي لو بكدا بيخوضوا في تفاصيل حياتك الشخصية حتي لو بالكدب .. فالأخر مش هيفضل غير اللي بيحبك و بيتمنالك الخير الناس وآرائهم مش هيكملوا معاك حياتك بس اللي بيحبك و عايزك معاه هوا بس اللي هيفضل اتمنولنا الخير و لكم المثل يارب #محمد_رشاد #mohamedrashad #بتاعت_الراديو
A post shared by Mohamed Rashad - محمد رشاد (@mohammedrashadofficial) on Jan 13, 2019 at 11:12am PST