من الآخر مش فارقة مع حد !

ازاي بقيت كدا ؟! ازاي وصلت لهنا ؟! انا اللي طول عمري بتكلم عن الحلم ،عن التفاؤل ‘بنصح صحابي والناس اللي حواليا ‘بنصح اي حد يقع انه لازم يقوم يقف ويكمل ‘انا اللي كنت بؤمن ان مفيش نجاح بدون فشل ‘مفيش وصول بدون سقوط ‘وقعت ومقمتش ! ازاي بقيت كدا ؟! انا بقيت تايهة جوا نفسي اوي ‘[جد مش فاهمة ليه بقيت بخاف اتكلم عن حلمي !! حاجات كتير جوايا مدفونة مش قادرة اتكل عليها مع حد ‘ ولا حتى قادرة اقولها لنفسي !! يمكن لاني مش لاقية حد يسمعني ؟! او لاني فجأة لقيت نفسي الوقت جري مني ‘ونسيت ان كنت ايه وايه كان حلمي ؟! بع ما عشت حياتي دايما مبرضاش غير اني ابقى رقم واحد ‘لقيت نفسي ف الآخر ‘وناس كتير قبلي ؟!! دا فعلا اصعب اساس ممكن حد يحس بيه ‘انه يتهزم بعد ما انتصر ‘او انه يضيع حلمه بعد ما وصل !
كان حلم جميل بحلوبعد ما نفسي بالليل كدا برضه ! كانت امنية حلوة كبيرة عليا بس كنت واثقة في ربنا و في اني هقدر ‘ حولت حياي كلها ل اني اوصل ،قلت اوصل بس وبعد كدا كله هيتحسن ،وبعد ما ربنا ساعدني اتعب واسهر واوصل ، وصلت ! وفرحتي مكانتش سايعاني !! اهو دلوقتي بفتكر دا واتحسر ، لاني ضيعت حلم جميل حلمتعوحققته ! بس عرفت ان انا ربنا كان معايا ، كان مخليني حاسة ان في ناس كتير حواليا عيزني اوصل ،عايزني انجح ،حاطين املهم فيا ،فرحتهم من فرحي وانا كنت عايزة افرح ! يمكن مكانش في حدبس كان ربنا ، ربنا اللي خلاني احس بكدا !!
ودلوقتي وقعت ومش قادرة اقوم من تاني !! مفيش ايد اتمدتلي عشان تساعدني انجح تاني !! محدش ساعدني اقوم ،بس كلهم شافوني وقعت !! ازاي بقيتوا يا اصحابي كدا ،دا انا والله بفرح عشان بس شفتكوا ،وممكن اعيط عشان بس سيبتكوا !! دلوقتي في بردو ربنا بس انا عرفت ان في بس ربنا وان انا من الآخر مش فارقة مع حد !