«التعريفة الجديدة» تشغل بال المصريين بعد زيادة أسعار الوقود

يهتم المواطنون بالتعريفة الجديدة للنقل والمواصلات مع كل قرار للحكومة برفع أسعار الوقود، لتفادي الصدام مع سائقي سيارات الأجرة.
وبعد قرار الحكومة، صباح الخميس، برفع أسعار الوقود ضمن خطة رفع الدعم تدريجيًا عن المواد البترولية، بات هاشتاج «التعريفة الجديدة» ضمن الأكثر تداولًا على موقع التواصل الاجتماعي «تويتر».
وقال المهندس شريف إسماعيل، رئيس مجلس الوزراء، إنه سيتم التنسيق بين المحافظين وسائقي سيارات الأجرة للاتفاق على تعريفة جديدة مناسبة، ليتم التأكيد عليها ومتابعة تطبيقها وعدم زيادتها، موضحًا أن الزيادة ستتراوح بين 10 – 15%.
وكان المهندس طارق الملا، وزير البترول، قال إن الحكومة قررت زيادة أسعار الوقود؛ حيث زاد سعر لتر بنزين 92 ليبلغ سعره 5 جنيهات بدلًا من 3.50 جنيه، وارتفع سعر لتر بنزين 80 ليصل 3.65 جنيه بدلًا من 2.35 جنيه، ولتر السولار ليبلغ 3.65 جنيه بدلًا من 2.35 جنيه، وارتفع سعر متر الغاز للسيارات من 160 قرشًا إلى 2 جنيه، مشيرًا إلى دء تطبيق الأسعار من الثامنة صباح اليوم الخميس.
دي المفروض انها اسعار التعريفة الجديدة
بس للاسف محدش هيلتزم بيها لوجود زيادة بالقروش
— Ahmed Hussein (@ahmedhussein661) June 29, 2017
طب انا نزلت شغل النهارده ... ممكن التعريفه الجديده للبنزين و الاسعار الى هتكون وراها متجيش جنبى
— Ãħmêð Ȝaraby (@Ahmed88Araby) June 29, 2017
عشان اتعودنا يبقي المفروض قبلها بشهر انزل التعريفه الجديده بالاسعار السواقين تعرفها والمواطنين يعرفوها وقتها مفيش سواق هيقدر يزوج قرش زياده
— sahar ahmed (@ssaharaahmed) June 29, 2017
حلوة قوى حكاية جداول التعريفة الجديدة للمواصلات. ..التزام و حزم
— Ahmed Mousa (@AhmedMousa11) June 29, 2017
وكالعاده هيسيبونا اسبوع نتمرمط فيه مع السواقين وبعدين سياده المحافظ يتكرم علينا و يفكر يحط التعريفه الجديده حسبي الله ونعم الوكيل????
— Esraa Zowaid (@EsraaZowaid) June 29, 2017
التعريفه الجديده بتاعت البنزين فيها خراب بيوت ياجدعان والله دا الجامعه بتاعتنا شكلها هتزود الاسعار تاني وهتخربها ????????????????
— موصطفااه ???? (@moustafa2345) June 29, 2017
المواصلات زادت النص ????
كدا مش هننزل التدريب ????
— جهاد???? (@gehadesam5) June 29, 2017
ما حد يشوفلنا التعريفة الجديدة بدل ما اليواقين يشتغلونا هما كمان
— أحمد عبدالوهاب (@piique03) June 29, 2017
رغم الهدوء بس السواقين عالدائري زودوا الاجره 1 عالفرد والناس بتتخانق معاهم يقولولهم زودوربع زودو نصف انما مش جنيه مره واحده ومفيش ضمير عندهم
— sahar ahmed (@ssaharaahmed) June 29, 2017