اعترف ناصر فاروق حارس مرمى نادى غزل المحلة، بأنه زملكاوى ومشجع لنادى الزمالك مؤكدا انه يكون سعيد عندما يدخل مرماه هدف للنادى الابيض. وقال فاروق فى تصريحات لبرنامج كورة كل يوم " ببقى فايق ومركز دايما قدام الاهلى ، بس لما المحلة يكون بيلاعب الزمالك ببقى مبسوط لما بيدخل فينا جول ". واضاف حارس غزل المحلة فى تصريحات مثيرة للجدل " لما يكون الزمالك محتاج يكسب ، مافيش مشاكل لو جاب جول فى مرمى المحلة ". وتابع " انا مابتكسفش اقول انى زملكاوى ، واذكر عندما كان حسام حسن لاعبا فى الزمالك ، واحرز هدف فى مرمى المحلة ، قمت و خدته بالحضن من الفرحة ، حيث كانت مباراة هامة للزمالك فى وقتها وكان قد اقترب من درع الدورى ". وواصل " كان ممكن أصد هدف حسام حسن لكن قلبى ماطاوعنيش أطلع وأصد الكورة ".