قصيدة بتسألو عن أيه

عايزين تسالو يا أهل الشهامة عن مين
إسألو عن حال الغلبانين يا مرشحين
إسألو عن حال الملايين يا مثقفين
إسألو عن أب عنده كوم لحم جوعانين
أسألو عن الشباب بعد التخرج هتروح فين
بناشد كل وزير أومسؤول أو رئيس بالدول العربية
كفاك تبجح باللغة والتفصح بالابجدية
أنظر حوليك شوية وشوف الناس الاكثرية
عايشة إزاي دول محرومين وهمهم كاتمين
مش زيك كل يوم بياكلو أكل السلاطين
هما مش عايزين غير الستر واللقمة الحلال
لازم تأمنو العمل للعمال حتى يأكلو العيال
هما مش شحاتين هما ناس مظلومين
ضايع حقهم بين الناس المرتاحين
بتتكلمو وبتسألو عن اللي بالقصور عايشين ؟
دول عايشين عيشة الملوك والسلاطين
إسألو عن البنات اللي في بيتهم مستورين
هن أشرف من الشرف دول نفسهم صاينين
لا تسألو عن اللي بقصورهم عايشين
ولا تسألو عن اللي بسياراتهم راكبين
إسألو عن الناس الليماشين حافيين
حتى أبسط شيئ الحذاء مش لابسين
ليه كدة يا مسؤولين هنوصل بتخلفنا لحد فين
مش حرام أصبحنا بقرن الواحد وعشرين
وليسا عندنا بوطننا العربي ناس لقمة مش لاقين؟
بتسألو عن مين والله مش عارفين لحد فين واصلين