يا هداك البحر

شتك فرحت ‘ قربت منك ضحكت تأملت فيك سرحت مشيت حداك تشليت بفكري و بكيت دخلت فيك برجلي ضربتني الرعده البرق حرقني في قلبي اه , و مالي و مالك يا هداك البحر علاش من لمستك بيدي مشيت طار عقلي كالنورس مشيت رجعت و حنيت اه يا البحر اه يا البحر اه يا البحر خليني نضرخ خليني نعلي صوتي وا سمعني و ا سمعني يا هداك البحر عي سمعني ………………………………………………………………
كولي يا هداك البحر الزاخر يا لي مواجك عنيفه تايره يا لي زرقتك غامقه و غريبه غامضه كولي يا هداك البحر يا لي عمرك ما هديتي و لا رتحتي و لا فكرتي في شي حد كولي يا هداك البحر شحال غرقت فيك من سفينه و شحال ديتي في قلبك من روح مشات بالكيه و الكعيه الحزينه كولي يا هداك البحر شحال ضحكتي لي شي حد وصل البر التاني و اش ودعتيه بالحب و بالفرحه و لا رمتية جته هامده مقطوع الراس و لا مسكين مهول وحيد بلا ناس حنينه , قاطع البحر ليه عي الله و هاديك الارض الجديده كولي يا البحر , شحال كتمتي من سر و شحال بحتي بيه للغريب و لي تعرف و لشواف العين الزرقه بين الامواج البيضه واه واه واه يا هداك البحر جيت نشكي ليك همي و هم ولاد بلادي واه واه واه واه يا هداك الغدار و يا هداك الحنين التايه جامع الدموع بالملحه ‘ غاسل القلوب بالفرحه و لا بالدمعه اه يا البحر اه دروك يا البحر سرك راه في بير و البير عميق في العماق ما توصلوا حد ليلك غريب , ريحك هايج تصفر تغني , تقبر و تشطح تلسع و الأمواجك تضحك و تبكي مع غروب الشمس و الله يا البحر ما عرفتك حتى قربت منك و الله يا البحر ما فهمتك حتى لمست رملتك و الله يالبحر ما حنيت ليك حتى بعدت منك و ما كرهتك حتى شفت بعيني اولاد بلادي راكبين الزودياك هاربين من الفقر و يا خساره مشات ارواحهم غبينه كولي يا هداك البحر كولي و حكيلي حكيلي الروايات عليك و على ولاد بلادي كولي يا البحر الزاخر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الصبر فيك بدا و لا تقاضى الملحه فيك زادت و لا نقصت الفرح فيك بدا و لا تكمل و الدموع فيك تطمن و لا تتخوف كولي و حكي ليا يا هداك البحر كولي كولي و لا تسكت و لا تخمن لا تسمعني أمواجك لا تهملني و لا تخليني و لا تبعد عليا و لا تكسر أمواجك على ضخور الرمله لا تكرهني , لا تحبني عي كولي يا هداك البحر يا لي امواجك عنيفه تايره يا لي زرقتك غامقه و غريبه غامضه
يا هداك البحر
زجل مغربي من القلب