حديث المدينة

مفيد فوزى: اتحدث اليكم من حارة مصرية فى حى المطرية المطرية احد احياء القاهرة 90 الف نسمة اتحدث اليكم من حارة اسمها حارة سيد عودة حارة زى كل الحارات حارة ضيقة الى درجة غير عادية البيت نمرة 15 ده يسكن فية رجل اسمة احمد محمد وهو شهرتة سيد الخفيف يعمل سائق نقل ليه انا جاى هذه الحارة وليه جاى علشان اقابل سيد الخفيف لان سيد الخفيف متزوج من تسعة زوجات مطلق منهم 5 وعايش مع 4وعنده اكثر من 30 ولد بنات وولاد صورة غريبة فى المجتمع صورة سببها الحقيقى زى ما اعترف لى الجهل لانه العلم بيبقى نور العلم بيعلم الانسان ازاى يطبق حياتة ولكن جهل سيد خلاة يتزوج ويأخذ راحتة وتزوج واحدة والثانية والثالثة والرابعة لغاية التاسعة اولادة لا يستطيعوا ان يقفوةعند حده لان سيد نفسة ضحية المجتمع وضحية الجهل ولا احد من الستات متعلم غابة من الجهل وغابة ايضا من الفقرليه باقدم النموذج ده باقدمة لاسباب لان هذا النموذج موجود زية كثير فى المناطق العشوائية حتى لو لم اقدر اصل الية ده المثل العام بيقول على اد لحافك مد رجليك ولكن هذا الرجل مد رجلية وخرجت من السرير المثل بيقول انه على اد ما فى جيبك اصرف ومع ذلك رجل بيشتغل على باب الله ويزرب عيال ويقول ربنا يرزقهم حتى المعنى نفسة معنى خطير لا ينبغى ان يسود فى مجتمع يحارب هذه الكثافة السكانية السبب الثانى اللى خلانى اجى هذا المكان انى حبيت اعرف هذه الستات اللى من هذه النوعية بيتزوجوا ازاى وبزيربوا عيال ازاى فاكتشفت انه الجهل ايضا من هذا المكان حاولت ان افهم كيف يفكرمصرى غلبان سواق عندة كل هذا الكم من العيال منهم الكبير والصغير واللى بيشتغل على ميكروباص واللى فى الشارع مجموعة من المتناقضات الصورة افضيها لمن يهتم بمشاكل السكان لمن يهتم بمشاكل التعليم لم يهتم اساسا بالحياة الكريمة العادلة وسط هذا المجتمع الغريب المتناحر
التحقيق صوت وصورة فى حديث المدينة
مفيد فوزى: سيد الخفيف هو ده اسم شهرة ؟
سيد الخفيف : شهرة يا افندم اه
مفيد فوزى: امال انت اسمك ايه الاساسى ؟
سيد الخفيف : احمد محمد احمد
مفيد فوزى: جت منين سيد الخفيف دى؟
سيد الخفيف : شهرة كنت وانا صغير وكده كنت شغال سواق نقل سواق نقل ثقيل
مفيد فوزى: اه
سيد الخفيف : كنا هنا كان زمان يعنى من مدة 15 سنه كنا بنعمل كل يوم 3نقلات 4 نقلات
فى مدينه نصر
مفيد فوزى: اه انت يعنى اخذت شهرة الخفيف دى الرزق يحب الخفية كدة ؟
سيد الخفيف : اه مضبوط يا افندم
مفيد فوزى: انت بتشتغل سواق ؟
سيد الخفيف : اه
مفيد فوزى: سواق ايه ؟
سيد الخفيف :سواق نقل يا افندم
مفيد فوزى: فين دبلة الزواج؟
سيد الخفيف : لأ مش معايا
مفيد فوزى: مش معاك هو انت متزوج كام واحدة ؟
سيد الخفيف : ان تزوجت 9
مفيد فوزى: 9 مرات ؟
سيد الخفيف : اه
مفيد فوزى: تفتكر اسماء الزوجات ؟
سيد الخفيف : اعرف اسامى اللى طلقتهم يعنى والا اللى موجودين
مفيد فوزى: هو انت تزوجت 9 وطلقت كمان؟
سيد الخفيف : لأ
مفيد فوزى: يعنى اللى دخلوا فى ذمتك على سنة الله ورسولة كام؟
سيد الخفيف : 9
مفيد فوزى: 9 ؟
سيد الخفيف : ا ه
مفيد فوزى: طلقت كام ؟
سيد الخفيف : طلقت معايا انا دلوقتى 4 حاليا
مفيد فوزى: طلقت 5 ؟
سيد الخفيف : اه
مفيد فوزى: قولى اسماءهم كدة الاولانية مين ؟
سيد الخفيف اللهم صلى على النبى
مفيد فوزى: هو انت ناسى ظ
سيد الخفيف : لأ عندى نسيان
مفيد فوزى: انت عندك كام سنه؟
سيد الخفيف : انا مواليد 63
مفيد فوزى: اه
سيد الخفيف : مواليد 63يعنى
مفيد فوزى:47 سنه يعنى
سيد الخفيف : اه
مفيد فوزى:47
سيد الخفيف : ايوه يا افندم
مفيد فوزى:اخر زوجة تزوجتها وانت عندك كام سنه؟
سيد الخفيف : اخر زوجة لسه
مفيد فوزى: من كام سنه؟
سيد الخفيف : اخرواحدة
مفيد فوزى:اه
سيد الخفيف : لسة متزوج من قيمة يجى سنه بالضبط
مفيد فوزى: سنه ؟
سيد الخفيف :اه ما كملتش سنه
مفيد فوزى:مخلف اد ايه ولاد؟
سيد الخفيف: العيال اللهم صلى على النبى حوالى 22
مفيد فوزى: بتفتكر اسماء ولادك؟
سيد الخفيف :يعنى لما بشوف العيل ادام منى بعرفة يعنى
مفيد فوزى: اه الناس اللى قاعد ة تشوفنا دلوقتى بيسألوا بيتزوج كثير ليه ؟
سيد الخفيف : والله يعنى الظروف بتعتى دى
مفيد فوزى: يعنى هى ايه هى عافية ؟
سيد الخفيف : لألألأ
مفيد فوزى: امال ايه ؟
سيد الخفيف : لألألأ
مفيد فوزى: جدعنه ؟
سيد الخفيف : ابدا
مفيد فوزى: عنترية ؟
سيد الخفيف :لألألأ
مفيد فوزى: عايز تبقى شهريار يعنى قولى ؟
سيد الخفيف : مش ممكن
مفيد فوزى: انا نفسى اعرف بتتزوج كثير ليه؟
سيد الخفيف : ماشى هقول لحضرتك
مفيد فوزى: انت معجبانى قوى يا سيد
سيد الخفيف :قوى يا افندم
مفيد فوزى: وعامل شعرك كانيش ربنا يديك الصحة يا سيد
سيد الخفيف :ربنا يسترها معاك
مفيد فوزى: متزوج كثير ليه يا سيد ؟
سيد الخفيف : صلى على النبى
مفيد فوزى: صليت على النبى عليه الصلاة والسلام
سيد الخفيف : انا كان الاول صغير واخد بال حضرتك اول جوازة يعنى بالنسبة ليا انا والدتى كانت طبعا انا والدتى وزوج امى وكدة يعنى واخد بالك فا هى اختار ليا عروسه كنت انا لسة صغير عندى حوالى 17 سنه
مفيد فوزى: 17 سنه يا سيد ؟
سيد الخفيف : ايوه طبعا انا مكنش ليا فى الزواج ما اعرفش حاجة
مفيد فوزى: جابت لك عروسة كانت عايزة تصونك يعنى ؟
سيد الخفيف : اه
مفيد فوزى: من الزنا ؟
سيد الخفيف : اه من اى حاجة يعنى خايفة عليا طبعا الام فا قالت لى يا ابنى فيه بنت ناس وطيبة وغلبانه
مفيد فوزى: ولاحب ولا ..؟
سيد الخفيف : وما شفتهاش خالص
مفيد فوزى:وتزوجتها؟
سيد الخفيف : اه
مفيد فوزى: خلفت منها كام؟
سيد الخفيف :لأ انا هقول لحضرتك اهوانا تزوجتها يعنى انا غصبوا عليا
مفيد فوزى: تزوجتها؟
سيد الخفيف : جابت لى عمى ضربنى هنا ماشى ما انا هقول لحضرتك بردوا
مفيد فوزى: كان لسه عندك كام سنة ماهو دول 9 هنقد نتكلم للصبح
سيد الخفيف : تحت امرك ماشى وانا خدامك تحت امرك
مفيد فوزى:لأ تزوجتها؟
سيد الخفيف : ايوه يا افندم خلفت منها 3
مفيد فوزى: كويس وعاشت معاك بعد كدة
سيد الخفيف : اه
مفيد فوزى: عشان دى ام العيال؟
سيد الخفيف :اه
مفيد فوزى: اكبر ولد عنده اد ايه ؟
سيد الخفيف : اكبر ولد اللهم صلى على النبى محمد عنده ..
مفيد فوزى:انت هتسأل احنا بنصورك
سيد الخفيف :ماشى مش عارف والله
مفيد فوزى: اه
سيد الخفيف :اصل انا ما بعرفش اقرأ ولا اكتب اولا
مفيد فوزى:مابتعرفش تقرأ ولا تكتب ؟
سيد الخفيف :اه ماهى دى مشكلتى فى الحياة وسبب المشكلة اللى انا فيها دى قلة القرأة والكتابة
مفيد فوزى:يعنى امك بدال ما تجيب لك عروسة وتقولك تزوج ياسيد خلينى افرح بيك يا سيد كانت علمتك
سيد الخفيف : اه اه المفروض كانت علمتنى انا كنت فعلا فى المدرسة
مفيد فوزى: انت عندك مدرسة وفتها؟
سيد الخفيف : اناعايز حضرتك معلش انا تخدنى ايه بالراحة
مفيد فوزى: اه
سيد الخفيف :عشان اخرج كل اللى جوايا
مفيد فوزى: اهو اتفضل
سيد الخفيف : بصراحة مش هخبى عنك
مفيد فوزى: اه اه
سيد الخفيف :حاجة يعنى انا هقولك كل اللى جوايا
مفيد فوزى: تزوجتها
سيد الخفيف : بالضبط
مفيد فوزى: وعاشت معاك؟
سيد الخفيف : تزوجت اول واحدة وعاشت معايا
مفيد فوزى: الثانية ليه تزوجتها ليه؟
سيد الخفيف : الثانية بقى ما دى هى اللى ما كنتش عجبانى الاولانية ام العيال
مفيد فوزى: فتزوجت نمرة اثنين كويس؟
سيد الخفيف اه
مفيد فوزى: اسمها ايه الثانية؟
سيد الخفيف اسمها نوال
مفيد فوزى: اه تزوجت نوال خلفت منها كام ؟
سيد الخفيف 9
مفيد فوزى: نا طبعا قاعد وسط الزوجات زوجات سيد الخفيف وبأتكلم مع اول زوجة الاسم ايه؟
وسيلة :وسيلة يس عبد الحميد
مفيد فوزى: وسيلة انت تزوجتى الاستاذ سيد من كام سنه ظ
وسيلة : بقالى دلوقتى 25 سنه و اكثر
مفيد فوزى: واكثر ؟
وسيلة : دى بنت بنتى
مفيد فوزى: بنت بنتك ؟
وسيلة : اه بنت بنتى
مفيد فوزى:انت عندك اد ايه؟
وسيلة : دلوقتى عندى بتاع 45 سنه
مفيد فوزى: وخلفتى اد ايه؟
وسيلة : خلفت 3 ولدين وبنت
مفيد فوزى: اه لما جية سيد يتزوج الثانية كنت مرتاحة ؟
وسيلة :لأ طبعا لأ لما لقيتة بيتزوج قلت له خلاص براحتك
مفيد فوزى: يعنى ايه براحتك ؟
وسيلة : يعنى ما هو
مفيد فوزى: طلبتى تطلقى ؟
وسيلة :اه طلبت الطلاق فا جيت يعنى كدة ورجعت له ثانى ما طلقنيش وقعدت معاه
مفيد فوزى: عشتى معاه ؟
وسيلة :عشت معاه
مفيد فوزى: ولغاية دلوقتى ؟
وسيلة : اه لغاية دلوقتى
مفيد فوزى: اولادك اد ا يه؟
وسيلة : معايا محمد
مفيد فوزى: عنده كام سنه ؟
وسيلة : لأ 25 اه
مفيد فوزى: واكبر بناتك فين ؟
وسيلة :اكبر بناتى سمر احمد
مفيد فوزى: سمر
وسيلة : اه ومعايا اشرف بردوا شغال صبى ميكروباص
مفيد فوزى: اه
وسيلة :معايا ولدين وبنت
مفيد فوزى: انت ولادك ثلاثة
وسيلة : اه
مفيد فوزى: قليلين ؟
وسيلة :اه
مفيد فوزى: حضرتك الزوجه الثانية ؟
نوال : اه نوال ابراهيم
مفيد فوزى: نوال ابراهيم انت يا نوال تزوجتية ليه سيد حبك والا ايه كلمينى ؟
نوال : ده شئ طبيعى
مفيد فوزى: شئ طبيعى يعنى ايه شئ طبيعى؟
نوال : يعنى حبينا بعض وتزوجنا
مفيد فوزى: الله انت مش عارفة ان هو متزوج؟
نوال : عارفة
مفيد فوزى: انت خلفتى منه اد اية؟
نوال : تسعة
مفيد فوزى: كام تسعة ؟
نوال : تسعهههه
مفيد فوزى: تسعة وده اخرهم الله وده عندة كام سنه ؟
نوال : ده عند 11 شهر
مفيد فوزى: اه يعنى لسه مخلفة قريب
نوال : اه
مفيد فوزى: ايه اللى بتحبية فى سيد الخفيف
نوال : روحة
مفيد فوزى: روحة؟
نوال : روحة حلوة
مفيد فوزى: هو الراجل بروحة والا بجيبة؟
نوال : لأ بجيبة
مفيد فوزى: فهمينى ؟
نوال : لأ بجيبة لأ بجيبة يعنى انا اخذته وهو سواق وبيشتغل بس الحظ ملطش معاة
مفيد فوزى: اه الحظ ملطش معاه
نوال : وبعدين سحبين رخصتة والقرش يا دوب بيجى بس اكل وشرب ومية وكدة
مفيد فوزى: مين الزوجة الثالثة ؟
نوال : ناهد
مفيد فوزى: هو تزوجها ليه هو تضايق منك؟
نوال : هو طبعا كثرة العيال ضايقتة
مفيد فوزى: تسعة دوشة
نوال : جبت له عيال كثير اتدوش
نوال : اه وانت ما عملتيش يعنى وسائل منع الحمل سبتيها كده؟
نوال : انا بحب العيال
مفيد فوزى: هو انت كسيب يا سيد يعنى عندك فلوس تصرف على النسوان؟
سيد الخفيف : والله انا كنت الاول كسيب
مفيد فوزى:ودلوقتى ؟
سيد الخفيف :دلوقتى خلاص
مفيد فوزى: تقريبا اد ايه عدد العيال كلهم اللى عندك؟
سيد الخفيف : 22 عيل
مفيد فوزى: دى اورطه يا سيد كبيرة؟
سيد الخفيف :نصيبى بقى انا اتورط وبعدين انا غصب عنى
مفيد فوزى: بتصرف على 22 عيل؟
سيد الخفيف : انا منا هقول لحضرتك
مفيد فوزى: بيكلوا كام رغيف؟
سيد الخفيف :فيهم عيال بيشتغلوا على الميكروباص بيسعدونى يعنى معايا ولادى الكبار دول يعنى بيطلعوا على الميكروباص يشتغلوا
مفيد فوزى: خلينا نعرف مكتش يعنى فى مذاجك الثانية اتزوجتها الثالثة تزوجتها ليه ؟
سيد الخفيف :الثالثة اللهم صلى على حضرة جمال النبى كانت حصلت مشكلة مع نوال دى وغضبت وبتاع ومش عارف ايه ارجعى يا بنتى والحكاية والرواية قالت لأ مش هاجى خلاص طلقنى
مفيد فوزى: رحت للثالثة
سيد الخفيف : رحت متزوج الثالثة صحبتها
مفيد فوزى: اخذتها ؟
سيد الخفيف : صاحبتها
مفيد فوزى: تزوجت صاحبة نوال؟
سيد الخفيف : اه
مفيد فوزى: وبعدين
سيد الخفيف : اه
مفيد فوزى: دا انت ما بتضيعش وقت يا سيد
سيد الخفيف : دا على طول فى ثانى يوم
مفيد فوزى: الرابعة تزوجتها ليه ؟
سيد الخفيف : الرابعة بقى اللهم صلى على النبى
مفيد فوزى: انت بتنسى يا سيد
سيد الخفيف :اه
مفيد فوزى: انا عندى احساس انك انت لما بتنسى انت اسعد البشردا النسيان ده نعمة
سيد الخفيف : اه فعلا فعلا
مفيد فوزى: انت هتجننى انت شارى دماغك يا سيد
سيد الخفيف : اه اه
مفيد فوزى: لكن انت لما بتقعد على الدركسيون وانت بتشتغل
سيد الخفيف : اه اه
مفيد فوزى: النقل ده عاوز قوة؟
سيد الخفيف : اه طبعا ضرورى عاوز قوة
مفيد فوزى: انت بتعرق كثيرليه يا سيد انت لما بتتكلم عن الستات بتعتك بتعرق
سيد الخفيف : لأ والله ابدا
مفيد فوزى: هه
سيد الخفيف : عايز ا حكى لك بس
مفيد فوزى: نشفت ريقك والا ايه
سيد الخفيف : لأ والله
مفيد فوزى: طيب
سيد الخفيف :الزوجه الرابعة
مفيد فوزى: خلينا مشيين مش بتشتغل سواق
سيد الخفيف :ماشى انا خدامك
مفيد فوزى: زى يتربى فى عزو اللى طلع فى الدراما بتاع نور الشريف مش نور الشريف تزوج كذا واحده المسلسل بتاعة
سيد الخفيف : بس
مفيد فوزى: الرابعة بقى اللى هى صاحبة نوال بعديها حصل ايه الخمسة بقى ؟
سيد الخفيف :بعديها بقى الحكايات والروايات بقوا يغضبوا يعنى
مفيد فوزى: اللى تغضب منهم تعقبها
سيد الخفيف : اه اطلقك اطلقى يالله بالسلامه
مفيد فوزى:بالسلامة
سيد الخفيف :اروح متزوج ايه
مفيد فوزى: اقصر جوازة اد ايه وقت تقريبا
سيد الخفيف :اقصر جوازة
مفيد فوزى:اه شهور سنه
سيد الخفيف : لأ يعنى اقل من سنه يعنى اللى بتقعد معايا اقل من سنه سنه ونصف سنتين
مفيد فوزى: اه انما اول واحدة اللى هى ..
سيد الخفيف : ام محمد دى
مفيد فوزى: اللى هى ام العيال؟
سيد الخفيف : اه دول طلقتهم مرتين وردتهم عشان العيال
مفيد فوزى: اه طبعا كويس العيال دول فى مدارس
سيد الخفيف :كانوا فى مدارس وبعدين خرجوا
مفيد فوزى: بس يابنى دول فيهم مسجلين خطر
سيد الخفيف : ماهو هقولك اتسجلوا بسبب ايه العيال دى اتسجلت كانوا هما اساسا كانوا شغالين على الميكروباص يعنى على خط الميكروباص
مفيد فوزى: اه الحكومه
سيد الخفيف : الحكومه ما بتسبهمش العيل عشان يطلع يساعدنى يجيب 10 جنية يديها لامه والا 20 جنية والا حاجة فيطلعوا هب يروحوا مسكنهم
مفيد فوزى: اه
سيد الخفيف : خلاص العيل يروح بقى القسم اول ما وصل القسم سجلوهم
مفيد فوزى: اه
سيد الخفيف :يشوفوهم هنا يروحوا جايين تروح وخداهم
مفيد فوزى: انت عندك حد هنا متعلم
سيد الخفيف : فيهم عيال صنايعية شغالين بيشتغلوا حدادين هنا
مفيد فوزى: بيشتغلوا كلهم
سيد الخفيف اه معايا
مفيد فوزى: انا قاعد بين اولاد سيد الخفيف اللى هما الكبار
مفيد فوزى: انت مين
محمود احمد: ادهم اسمى الحقيقى محمود احمد
مفيد فوزى:امال ايه ادهم دى ؟
محمود احمد: ده اسم الشهرة
مفيد فوزى: ادهم ايه اسم الدلع
محمود احمد: اه
مفيد فوزى: والناس عرفاك باية بأدهم
محمود احمد: بأدهم
مفيد فوزى: لكن امك اسمها ام ادهم
محمود احمد: ام ادهم اه
مفيد فوزى: بتشتغل ايه يا ادهم؟
محمود احمد: انا فاتح بترينة كبدة
مفيد فوزى: كبدة كبدة ايه بتلو
محمود احمد: لأ كبده عادى كبدة مستوردة
مفيد فوزى: بتجبها منين ؟
محمود احمد: بجبها من الثلاجة هنا فى الكبلات
مفيد فوزى: بتكسب كام فى اليوم ؟
محمود احمد: يعنى 30 - 40 جنية
مفيد فوزى: بتدى لابوك اد ايه
محمود احمد: يعنى بادى لبويا 20 وانا 20
مفيد فوزى: بتعلم ايه بالعشرين انت
محمود احمد: بخليها معايا مصاريف
مفيد فوزى: بتدى لامك اد ايه فلوس؟
محمود احمد:بادى لامى عشرة واخلى معايا عشرة
مفيد فوزى: وانت اسمك ايه؟
سيد: سيد احمد محمود متولى
مفيد فوزى: سيد احمد محمود متولى عارف طبعا ان ابوك اسم الشهرة
سيد: سيد الخفيف
مفيد فوزى: سيد الخفيف اه بتشتغل ايه ؟
سيد : سواق
مفيد فوزى: ورثت عنه السواقة
سيد : اه
مفيد فوزى: بتسوق ايه
سيد : ميكروباص
مفيد فوزى: عندك كام سنه
سيد : 24
مفيد فوزى: بتكسب اد ا يه فى اليوم
سيد : يعنى 40 - 30
مفيد فوزى: بتدى ابوك اد ايه
سيد : بادى ابويا عشرة جنية كدة
مفيد فوزى: ووالدتك
سيد : ووالدتى بردوا اللى فيه النصيب
مفيد فوزى: انت اتعلمت؟
سيد : لأ
مفيد فوزى: وانت اسمك ايه
طارق: طارق احمد محمد
مفيد فوزى: طارق عندك عام سنه
طارق: 22
مفيد فوزى: اه انت تلميذ والا حاجة
طارق: لأ انا شغال مع اخويا تباع بنادى
مفيد فوزى: تباع
طارق: اه محدش فيكم راح مدرسة
محمود : لأ رحنا مدارس بس كلعنا منها
مفيد فوزى: ليه طلعت منها ليه
محمود : المصاريف وكدا بردوا يعنى ابويا كانت ظروفه مخبطة شويا وبتاع
مفيد فوزى:خلونا اكلم بس الوزير هه يعنى انا الحقيقة مش عارف يعنى اهم دول ولاد شباب اتعلمت يا ابنى لأ اتعلمت يا ابنى لأ بتعرف تقرأ وتكتب لأ وبعدين فى النهاية يقولوا لى ان هما راحوا مدرسة ولما كانت الدروس عليهم مكلفة والمدرسة مكلفة سابوا المدرسة وخرجوا اى انهم تسربوا من المدرسة سبب اساسى من تسربهم من المدرسة انهم عايزين يقفوا جانب ابوهم ما ابوهم عنده عيال كثير عنده ولاد ملهمش حصر وبالتالى لازم ياكلوا عيش فا الاخ بيشتغل مع اخوة تباع والحكومه تمسكة وبعدين تفرج عنه وتسيبة اتسأل هل هو الجهل يدعو للفقر والا الفقر يدعو للجهل مش عارف قولوا لى هو انتوا بتعرفوا اخوتكم انت بتعرف كل اخوتكم
محمود : طبعا باعرفهم
مفيد فوزى: بتعرف شكلهم من بعض تقدر تقولى 10 اسماء منهم
محمود : ابراهيم وطارق ومحمد واللهم صلى على النبى وتامر واحمد وخالد والبنات
مفيد فوزى: انتوا علاقتكم ايه ببعض انتوا الاخوات
محمود : يعنى كلنا فى ايدين بعض
مفيد فوزى: انت بتحن على حل
محمود : اه لازما كلنا بنحن على بعض
مفيد فوزى: ايه رأيكم فى جوازات ابوكم جوازات كثير متخفش
محمود : اهو هنعمل ايه طيب
مفيد فوزى: متخفش اقول اقول قول رأيك
محمود : طب هنعمل ايه نصيبنا كدة
مفيد فوزى: ايه رأيك انت انت متزوج هه؟
طارق: ايوه
مفيد فوزى: ايه رأيك فى جوازات ابوك الكثيرة
طارق: احنا بقى
مفيد فوزى: هو بعد البرنامج ما يطلع وهتقول رأي يروح رقعك كف يجيبك الارض
طارق: لألألأ
مفيد فوزى: متعرفش تخلف تانى رد على سؤالى ايه رأيك فى جوازات ابوك
طارق: حضرتك ما احنا كنا صغيرين بقى ومش عرفين حاجة
مفيد فوزى: ولما كنتوا كبار اديكوا كبار دلوقتى
طارق: ايوه
مفيد فوزى: تقدروا تمنعوه لو تزوج ثانى
طارق: لأ بردوا ده ابوناوما نقدرش نفتح بقنا فى اى حاجة
مفيد فوزى: فيهم حد قريب لقلبك قوى
سيد الخفيف : هما كلهم بصراحة يعنى معزة واحدة
مفيد فوزى: اه اه عندك كام بنت
سيد الخفيف : عندى اللهم صلى على النبى هقولك
مفيد فوزى: تقريبا
سيد الخفيف : قشطة وفايزة
مفيد فوزى: اسمها قشطة
سيد الخفيف : اه
مفيد فوزى: فشطة سيد الخفيف وفايزة
سيد الخفيف : وسمر
مفيد فوزى: وسمر
سيد الخفيف :اللهم صلى على النبى ودهب
مفيد فوزى: دهب اه
سيد الخفيف : ورحمة
مفيد فوزى: ورحمة
سيد الخفيف : وذكرى
مفيد فوزى: كل دول بنات والباقين صبيان
سيد الخفيف : اه صبيان
مفيد فوزى: الخمسة تزوجتها ليه
سيد الخفيف : الخمسة ماهو انا زى ما بقول لحضرتك كدة ماهى دى كانت تطلق كت اروح ايه متزوج
مفيد فوزى: اه
سيد الخفيف :القيها بردوا مش هى اللى فى دماغى يعنى مش الطلب
مفيد فوزى: قولى اللى فى دماغك انت رسمتها ايه
سيد الخفيف : عايز ست
مفيد فوزى: ايوه
سيد الخفيف :حنينة وكان نفسى انى الاقى واحدة اللى هى يعنى ست تعرف يعنى كلهم جهلة ما ختش واحدة متعلمة كلهم بيحبونى
مفيد فوزى: ليه
سيد الخفيف :بيحبونى عشان انا حنين معاهم
مفيد فوزى: انت حنين؟
سيد الخفيف : حنين فوق اللزوم
مفيد فوزى: ازاى يعنى يعنى ايه الحنية ؟
سيد الخفيف : يعنى لما حد يطلب منى حاجة ولو طلب الهدوم اللى عليا اقلعها واعطيها له وانا الدنيا هنا كلها بتحبنى
مفيد فوزى: يعنى لازم انهارده الراجل يكون يبقى حنين قوى مع الست
سيد الخفيف : اه اه لازم يبقى حنين بس مش فى كل الحاجات
مفيد فوزى: انا هسألك سؤال وبتعبيرجيد عشان احنا على شاشة التليفزيون
سيد الخفيف : ايوه يا افندم
مفيد فوزى: ما هو انا لازم اقولك كدة
سيد الخفيف : اتفضل
مفيد فوزى: ماهو لما اقولك الستات ما تمشيك معاك
سيد الخفيف : اقول صح صح
مفيد فوزى: فاهمنى ما تمشيش معاك
سيد الخفيف :صح يا افندم
مفيد فوزى: انت بتقول الحنية مش كل الاوقات
سيد الخفيف : اه
مفيد فوزى: يعنى فيه اوقات لازم فيها الراجل يبقى
سيد الخفيف : اه
مفيد فوزى: حمش
سيد الخفيف : مفيش كلام
مفيد فوزى: وانت بقى بتعمل كدة
سيد الخفيف : اه طبعا
مفيد فوزى: محبتش يا سيد حد منهم
سيد الخفيف :والله انا كلهم بعزهم يعنى عزية يعنى
مفيد فوزى: يعنى ايه عزية
سيد الخفيف : يعنى بردوا حب حب بردوا مش ما اقدرش ان انا ابيعهم او ان انا اسيبهم او كدة يعنى
مفيد فوزى: يعنى بتقلق عليهم
سيد الخفيف : ضرورى باقلق عليهم
مفيد فوزى: لما حد بيعيا
سيد الخفيف : لأ الحمد لله مفيش واحد بيعيا ولا عيل ولا بت ولا اى حد بيعيا
مفيد فوزى: ليه ؟
سيد الخفيف :ربنا بقى عايز كده العيل بيقع عندى من على السلم خامس دور ينزل تتفتح دماغة حتة صغيرة كده وخلاص خلص الكلام
مفيد فوزى: تحط عليه بن ؟
سيد الخفيف : اه وخلاص بن
مفيد فوزى: عنى ما رحتش لدكتورولا شيخ
سيد الخفيف :ولا اروح لاى دكتور
مفيد فوزى: معجزات؟
سيد الخفيف : وعندى عيل عربيه خبطتة كسرته كسرت حوض الميه عيل صغير فى الشارع بره بس داست عليه خالص
مفيد فوزى: داست على الولد؟
سيد الخفيف :اه على نصة خالص كسرت له النص ده
مفيد فوزى: الحوض ؟
سيد الخفيف : حوض المية انقطم خالص
مفيد فوزى: اه وبعدين
سيد الخفيف : قعدت فى المستشفى دى شهرين عملوا كشف عليه تانى عشان يعملوا ليه عملية وعملوا كشف تانىعشان يعملوا له عمليه لقوا الوادربنا الحوض لحم لوحدة قالوا لى خد انت فيه ايه خد ابنك وامشى العيل الثانى بردوا دوت لقوه مع شويت عيال من هنا بردوا وانت عارف المناطق الشعبية منا مش قادر اسيطر ليه عشان انا باسافر على طول باستمرا ر والام ايه يعنى الام بتحنن يعنى انا اه اأرس على العيل واضربة
مفيد فوزى: لكن امه الحنية
سيد الخفيف : الحنية تخدها زيادة ما هو انا بقى اللى بيغظنى كدة من الست
مفيد فوزى:اه
سيد الخفيف :واخد بال حضرتك
مفيد فوزى: اكبر سبب يخليك تطلق يا سيد ايه
سيد الخفيف :العند
مفيد فوزى: ا لعند
سيد الخفيف : اه اما تعاند
مفيد فوزى: هما الستات عندهم عند كبير
سيد الخفيف : اه بس اطلقهم اطلقهم بالرضا
مفيد فوزى: يعنى ايه بالرضا
سيد الخفيف : يعنى بالحب
مفيد فوزى: يعنى انت تقول لها مش عايزك
سيد الخفيف : اه خلاص فضلت معاها شويا بتاع
مفيد فوزى: انت بتدى للست لمرتاتك مرتاتك مش هقدر لا احنا فى التليفزيون لزوجاتك
سيد الخفيف : اه ماشى
مفيد فوزى: مرتاتك عشان تفهمنى قوى بتديهم مصروف
سيد الخفيف : ضرورى
مفيد فوزى: اد ايه فى اليوم
سيد الخفيف : يعنى صلى على حضرتك جمال النبى عليه الصلاة والسلام
مفيد فوزى: كام ؟
سيد الخفيف :انا بالنسبة ليا انا باطلع اشتغل ارزقى ارزقى على الله انا شغال اهالى ما باشتغلش فى شركات كان نفسى انا انى اتوظف فى شركه فا انا طبعا الوقت اللى انا فيه انا باطلع اشتغل واخد بالك باسافر يعنى اخذ باطلع اسوان
مفيد فوزى: بتقعد كام يوم
سيد الخفيف :اقعد 3 ايام ممكن اطلع ليلة اقعد 15 يوم
مفيد فوزى: طبعا انت بعيد عن العيال
سيد الخفيف : بعيد اه
مفيد فوزى: يبقى الامهات هى اللى بتربى
سيد الخفيف : الامهات اللى بتربى الامهات بقى ايه
مفيد فوزى: سابت
سيد الخفيف : اه الدنيا خربانه وانا تعبان اجى اتنرفز وبتاع واضرب والكلام ده مفيش بردوا اللى انا فيه باصبح ابات الاقى نفسى فيه
مفيد فوزى: في حد من ا لستات دى طلقتها ومرجعتهاش ؟
سيد الخفيف : لأ دول اللى ر جعتهم اللى هما كلهم
مفيد فوزى: اللى انت عايش معاهم دلوقتى 5 ؟
سيد الخفيف : لأ 4
مفيد فوزى: 4 اربعه بس
سيد الخفيف :اه اربعه
مفيد فوزى: لما بتسمع يا سيد ان الدولة بتقول ده عمل وزيرة
سيد الخفيف : اه
مفيد فوزى: دى ست وزيرة هقول لك اسمها
سيد الخفيف : نعم
مفيد فوزى: مشيرة خطاب سمعت عنها
سيد الخفيف : ايوه لأ
مفيد فوزى: ما سمعتش انت مش عندك تليفزيون
سيد الخفيف :اه مش بتفرج والله يا باشا
مفيد فوزى: لكن مش غاوى
سيد الخفيف :مش غاوى
مفيد فوزى: اه كمان ما بتقرأش ولا تكتب الست بقى دى وزيرة للسكان
سيد الخفيف : نعم
مفيد فوزى: الدولة عينتها عارف ليه
سيد الخفيف : اه
مفيد فوزى: عشان الناس عارف ليه تجيب ولد وبنت بس عشان كل ما كان عددنا قليل
سيد الخفيف : اه
مفيد فوزى: كل ما كانت المسأله على القد
سيد الخفيف : اه
مفيد فوزى: يعنى الراجل اللى بياخد 200 /300 جنية فى الشهر يجب ولد ولنت بس ونقفل
سيد الخفيف : صح
مفيد فوزى: انما انت يا سيد اخذت راحتك وجبت 3 كام
سيد الخفيف : انا اخذت راحتى عن جهل ما كنتش حد يا استاذ مفيد كان بيقولى ان ده اه او ده لأ
مفيد فوزى: معلش خلينى بس اكلم الست مشيرة ممكن
سيد الخفيف : اتفضل
مفيد فوزى: الراجل بيقول انا ما حدش قالى ابدا انا كنت من جهلى عمال ازرب عيال زى مصنع البسطرمه عمال يطلع عيال بقوا كام ؟
سيد الخفيف : 22 عيل
مفيد فوزى: يعمل النقلة سواء رايح اسوان سواء رايح ليبيا ويرجع القرشين فا اذن نمرة واحد فى قضية السكان يا معالى الوزيرة هى الجهل طب بالنسبة للستات ما بيعملوش منع حمل
سيد الخفيف : لأ
مفيد فوزى: مش في وسائل؟
سيد الخفيف :ما انا هقول لحضرتك هما بيغيظوا بعض هما قاعدين فى البيت فى بيت واحد بمعنى يعنى
مفيد فوزى: بيغيزوا بعض يعنى ايه
سيد الخفيف : يعنى دى تقول انا جبت انهاردة والثانية تقول انا هجيب بكرة كدة يعنى يعندوا بعض
مفيد فوزى: عناد اه المهم ان كل واحدة تبان انها حامل
سيد الخفيف: اه اه تمام يالله كله برزقة ربنا اللى بيبعت الرزق ما بقولش حاجة
مفيد فوزى: عايز اكلم معالى الوزيرة س اتفضل
مفيد فوزى: اصل انا
سيد الخفيف : انا خدامك
مفيد فوزى: معالى الوزيرة بيقول ان الستات بيغيظوا بعض دى تبقى حامل الثانية تبقى حامل زيها وخلاص المسألة اصبحت عيال فى عيال فى عيال فىعيال مفيش ابدا اى حسم للمسألة وقالى ببساطة ربنا بيرزقهم
سيد الخفيف :ربنا بيرزقنا طبعا ضرورى
مفيد فوزى: ده لازم من دعوة تخاطب العقل وتخاطب ايضا الوتر الدينى معالى الوزيرة عشان الراجل ده حاسس ان هو مش فاهم حاجة والستات كمان مفيش عندهم قواعد منع حمل فا بيغيظوا بعض عايزينك يا معالى الوزيرة نرجع تانى سيد انت يعنى متخيل العيال دى هيبقى لها مستقبل
سيد الخفيف : لأ
مفيد فوزى: دا انت امين شجاع يا سيد دا العيال دى ممكن يروحوا السجن
سيد الخفيف : ما بالفعل
مفيد فوزى: فعلا فيه عيال راحت السجن
سيد الخفيف : مشيوا بقى خلاص مشيوا كده والحكومه بقت تصطدهم على طول عمال على بطال المفروض يا استاذ مفيد معلش مع احترامى لسعتك
مفيد فوزى: اتفضل
سيد الخفيف :سبنى اتكلم برحتى عشان انا جوايا اللى انا بشوفه
مفيد فوزى: افتح
سيد الخفيف :اللى انا بشوفه يعنى ممكن النا س شيفاه ومش قادرة تتكلم
مفيد فوزى: افتح على الرابع انت مش سواق مش كدة
سيد الخفيف :انت بافتح على الساتت السريع هما 12 غيار فى العربية
مفيد فوزى: وليه وليه بس مش باجرى عمرى ما اجرى شفت الحوادث ا للى بتحصل نرجع لعيالك والجوازات
سيد الخفيف : ا تفضل
مفيد فوزى: اية المشكلة الحقيقية اللى بتحصل الحادثة اللى حصلت اول امبارح ؟
سيد الخفيف : ايوه يا افندم
مفيد فوزى: والعربية اللى اتدشدشت هل هو السواق دماغة مفوته ولا السرعة ولا ايه فهمنى ؟
سيد الخفيف : هقول لحضرتك
مفيد فوزى: من خبرة سواق كام سنه سواق يا سيد انا بقالى 23 سنه سواق على عربية يعنى سواق سواق
ايه بقى فى نقطة واحدة ايه السبب؟
سيد الخفيف :اتفضل هقول لحضرتك ممكن السواق يكون راجل كبير يعينى ويغمى عليه
مفيد فوزى: يغمى عليه ؟
سيد الخفيف : اه
مفيد فوزى: يغمى عليه فى السكه
سيد الخفيف : اه
مفيد فوزى: وهو راكب العربيه
سيد الخفيف : اه وممكن يموت يعنى كان معايا سواق زميلى واخد بال حضرتك قاعدين مع بعض وبعدين شربنا الشاى وكلنا واتغذينا مع بعض ونام شويه فى العربية قالى هريح شوية يا سيد قلت له ماشى بنخبط عليه لاقيناة السر الالهى طلع خليناة فى قلب العربية ودورت العربية وسبت العربيه بتعتى ورحت مروحة
مفيد فوزى:الله يعنى ممكن الواحد يموت على الطريق
سيد الخفيف : اه ضرورى
مفيد فوزى: دا من عند الله بقى
سيد الخفيف : ما هى دى ماهو ده بقى ايه
مفيد فوزى: لكن السواق ده نسيتوه السواق اللى بكلمك عليه ده نسيتوه
سيد الخفيف : اه
مفيد فوزى: ادشدشت العربيات ومات 5
سيد الخفيف : هو السواق صاحى
مفيد فوزى: اه امال
سيد الخفيف : السواق صاحى
مفيد فوزى: اه
سيد الخفيف :يبقى هقول لحضرتك بقى ده بيبقى خطأ خطأ فى العربية يا اما اصل شغلة العربيات دى عايزة مهندس فنى يكون راجل سواق وصنايعنى عشان يركب الاتومبلات ديت مش اى حد
مفيد فوزى: يعنى المشكلة فى الطريق ولا فى السواق ولافى العربية؟
سيد الخفيف :ما انا هقول لحضرتك اهو
مفيد فوزى: طب رد عليا
سيد الخفيف :ماشى المشكلة الطريق نفس الاسفلت دولت واخد بال حضرتك فيه ريجا فيه ريجا مع الحمولات الثقيلة
مفيد فوزى: الحمولات الثقيلة تعمل
سيد الخفيف :بتعمل ريجا السواق ياعينيىغصب عنه
مفيد فوزى: فهمنى خليك معايا فيه سواق يعمل
سيد الخفيف : ماشى
مفيد فوزى: يعمل ا يه
سيد الخفيف : وهو ماشى التارة بتحدف منه غصب عنه مش بارادتة ماهو ماشى اه غلط فى قلب الاسفلت
مفيد فوزى: شفت العربيات النقل فوق العربيات الملاكى
سيد الخفيف : ايوه يا افندم
مفيد فوزى: بتفتفتها زى البسكوته
سيد الخفيف : ماهو غصب عنه لية بقى البارة بتاعت التارة اصلا واخد بالك الاسفلت لما حضرتك هتبص فى الاسفلت هتلاقى حته عالية كدة وحته واطية الاسفلت غرز كدة
مفيد فوزى: عايز اقولك حاجة
سيد الخفيف :اتفضل خدامك
مفيد فوزى: العيال فى بعضهم الحكومه مسكته وهما بيشتغلوا على الميكروباص
سيد الخفيف :لأ بيشتغلوا على الميكروباص بينادوا يعنى واخد بال حضرتك ويجوا يمسكوهم اقف يا ابنى بطاقتك والحكاية والرواية يومين هنا والحكاية والروايه
مفيد فوزى: طبعا معهمش بطاقة ؟
سيد الخفيف : معاه بطاقتة
مفيد فوزى: معاه بطاقة اه
سيد الخفيف : يعنى
مفيد فوزى: انت عامل لهم بطاقة؟
سيد الخفيف : اه عامل بطايق
مفيد فوزى: بطايق ايه يعنى
سيد الخفيف :بطايق
مفيد فوزى: بيطلعوا منين ؟
سيد الخفيف :من هنا من السجل المدنى
مفيد فوزى: اه للعيال دى
سيد الخفيف : للاطفال
مفيد فوزى: انت اكبر ولادك اد ايه عنده كام سنه تقريبا ؟
سيد الخفيف : محمد عندة حوالى 22 سنه او 23 سنه
مفيد فوزى: واكبر البنات؟
سيد الخفيف : واكبر البنات عندها 17 سنه 18 سنه
مفيد فوزى: جوزت حد ؟
سيد الخفيف : اه
مفيد فوزى: كام بنت
سيد الخفيف :واحدة جوزتها وخلفت
مفيد فوزى: جوزتها وخلفت
سيد الخفيف : اه
مفيد فوزى: كام واحد
سيد الخفيف :جابت عيلة لسة والدة قريب
مفيد فوزى: بس
سيد الخفيف : اه
مفيد فوزى: وهتجيب ثانى ثالث ورابع
سيد الخفيف : الله اعلم بقى يا بيه
مفيد فوزى: لأ استنى طول بالك
سيد الخفيف : اه
مفيد فوزى: عشان
سيد الخفيف : ما انا ما اقدرش احكم على زوجها يعنى معلش كل واحد حر
مفيد فوزى: وانت الستات اللى عندك دى ما بتحكمش عليها
سيد الخفيف : ما انا بقول لهم بييقولوا
مفيد فوزى: ايه
سيد الخفيف : طيب وخلاص ههه
مفيد فوزى: ما يسألوش فيك
سيد الخفيف : اه
مفيد فوزى: الله هو انت شهريار يا سيد شهريار
سيد الخفيف : يعنى ايه
مفيد فوزى: شهريار ده راجل عنده ستات كثير ويجيبوا له تفاح وفاكهة ولحمه
سيد الخفيف : لألألأ
مفيد فوزى: امال ايه يعنى
سيد الخفيف : دا انا يعنى راجل مسكين على الله وبحب الناس مفيش حد هنا فى الدنيا الا لما بيحبنى
فاصل
مفيد فوزى: انت بقى الثالثة انت منين
ناهد : انا من هنا
مفيد فوزى: من فين
ناهد : من قنا
مفيد فوزى: من قنا صعيدية
ناهد : اه مش من قنا من هنا يعنى احنا اساسنا هنا
مفيد فوزى: اه وانت كنت عارفة ان هو متزوج
ناهد : اه
مفيد فوزى: انت ممكن الست تتزوج بس علشان تتستر والا ممكن جدا تبقى عارفة انه متزوج واحدة واثنين وبردوا تتزوج
ناهد : ارفة انا اصلا كنت هأخذة الاول حبيبى ورجعت له تانى يعنى
مفيد فوزى: اه يعنى سيد ده كان حبيب القلب الاول
ناهد : اه اه
مفيد فوزى: الحبيب الاولى
ناهد : هقدر اسيبه
مفيد فوزى: وبعدين رجعتى له
ناهد : رجعت له
مفيد فوزى:اتزوج وسيلة اتزوج ما اعرفش ايه
ناهد : اياك يجيب قردة بردوه متزوجاه
مفيد فوزى: الله يعنى انت كنت سعيدة وانت بتتزوجية
ناهد : اه حبيبى
مفيد فوزى: مخلفة منه اد ايه
ناهد : مخلفة منه اربعه نورا وشهدانه واحمد وادهم
مفيد فوزى: هو عارف اسماء العيال اللى عنده كلها
ناهد : لأ لأ بيطلخبط سعات يقول دى يا سكينه يا جملات
مفيد فوزى:ما يعرفش مين دى ولا مين دى اه والزوجة الرابعة فين امال
ناهد : معرفش واخده سكن بره
مفيد فوزى: انتوا بتغيروا من بعض
ناهد :لأ والله احنا كلنا اخوات
مفيد فوزى: بتغيروا من بعض
ناهد : هنغير ليه من بعض احنا كلنا اخوات واحسن من الاخوات
مفيد فوزى: لكن كل واحده عايشة فى
وسيلة : احنا كلنا عايشين فى اوده
مفيد فوزى: انت طبعا الاساسية
وسيلة : اة اة لقيته يعنى بيتزوج كدة قلت خلاص
مفيد فوزى:فا رضيتى بقى
وسيلة :مرضتش خلاص ما اعرفش عنه اى حاجة يروح يتزوج ما يتزوجش قاعدة بردوا مطرحى
مفيد فوزى: انت متزوجه؟
ابنه : انا لأ
مفيد فوزى: كلكوا ايه الوحش اللى فى سيد
ناهد : مفهوش حاجة وحشة
مفيد فوزى: لأ ما انا نسألك يعنى ايه
ناهد : لأ هو ما فهوش حاجة وحشة
مفيد فوزى: ايه اللى بتختلفى معاة امتى بتتضايقى منه امتى
ناهد : لما بيكون اوقات يعنى وانا لما بكون تعبانة اهو بامشى اقعد عندها يومين
مفيد فوزى: بتروحي فين
ناهد : عند اهلى
مفيد فوزى: عند اهلك يومين
ناهد : باقعد يومين وباجى بالعيال
مفيد فوزى: اكبر ولادك انت فين انت سمر:
سمر: اه
مفيد فوزى: انت يا سمر اكبر البنات
سمر: اه
مفيد فوزى: وانت يا سمر فى مدرسة
سمر:لأ
مفيد فوزى: عندك كام سنه ؟
سمر: عندى 21
مفيد فوزى: متزوجة طبعا
سمر: اه معايا بنوته
مفيد فوزى: وما دخلتيش مدرسة ليه
سمر: نصيبى عشان ابويا على قد حالة
مفيد فوزى: على قد حالة الولاد بالمناسبة يعنى ليهم شهادات ميلاد
ناهد :اه
سمر:انا ليا شهادة ميلاد
مفيد فوزى: وانت بتروحى مدرسة
بنت : لا
مفيد فوزى: وانا قاعد فى غابة جهل والا ايه انا قاعد فى غابة جهل ايه الجهل ده
ناهد : الجهل ده الواد ده ما عملناش له شهادة لدلوقتى
مفيد فوزى: انهون ليه
ناهد : ما الشهادة ب 150 جنية وانا معييش اعملها مش عارفة اعملها له
مفيد فوزى: الشهادة ب 150 جنية ومش عارفة تعمليها له وعندة 11 شهر
مفيد فوزى: وهو سيد هيكفى ايه والا ايه والا ايه شهادات ميلاد والا
ناهد :ودون عاوز عملية معوق
مفيد فوزى: دهو ماله
ناهد : معوق
مفيد فوزى: ده ماله ده
ناهد : رجلية الاثنين دول عايزين له عملية
مفيد فوزى: يا معالى الوزيرة الست بتقول انها معرفتش تسج ابنك ابنها لانه المشكلة انه لازم تدفع 150 جنية رسوم التسجيل
ناهد : بنت ابنى ما اتكتبتش عشان رسوم التسجيل
مفيد فوزى:نفس الشئ
ناهد : اه
مفيد فوزى: ويخشى انه هذا المبلغ يبقى ببساطة شديدة حائل دون انهم يسجلوا اولادهم ويعملوا لها شهادات ميلاد
من حق الدولة تعرف هى بتعامل ايه ومين وعندنا ايه اطفال فى ايه واولادهم فى ايه يعنى احصاء ده مهم جدا
فى حياة الناس من اجل التنمية من اجل من اجل اى حاجة وانا سمعتك بتقولى انك فى مؤتمر حتلغى هذا الرسم عشان خاطر يتسجلوا الاولا د مازال لغاية دلوقتى لسة
ناهد : لسة بنت ابنى وابنى ما استجلوش بنت ابنى عندها 3 سنين وزياد عنده 11 شهر
مفيد فوزى: مين فيكم حامل
ناهد :لأ مفيش 000
مفيد فوزى: لحمد لله
ناهد : الحمد لله على كده
مفيد فوزى: ايه وقفت العملية ؟
ناهد : لأ ما انا لسة
مفيد فوزى: انت لسة جايبة اه
ناهد : اه
مفيد فوزى: والست الثانية
ناهد : دى فى الجيزة حامل هتولد
مفيد فوزى: الجديدة الاخيرنيه دى
ناهد : اه اه
مفيد فوزى: اسمها ايه ؟
ناهد : سعاد سعدية
مفيد فوزى: عندها كام سنه سعدية
ناهد : عندها 23 / 43 / 43
مفيد فوزى: مين اصغركم ؟
ناهد : مش عارفة
مفيد فوزى: انتوا ما بتحبوش تقولوا ؟
ناهد : انا عندى 42 سنه
مفيد فوزى: انت عندك 42 سنه؟
ناهد : اه
مفيد فوزى: وحضرتك
وسيلة : 46 سنه
مفيد فوزى: وحضرتك
نوال : انا عندى 44
مفيد فوزى: والصغيرة دى كام سنه هو ما بيحبش يتزوج غير ال الاربعينيات
وسيلة : ربنا يهدية هو بخته كدا هنعمل له ايه بقى هو نصيبة كده ونصيبة لازم يجيب العيال دى كلها ان ماكنش يجيب العيال دى كلها اما ل هيجيب العيال دى كلها منين يعنى هيجبها يعنى
مفيد فوزى: طولى بالك محدش فى الدنيا بيجيب العدد الضخم ده طولى بالك محدش فى الدنيا بيجيب العدد الضخم ده وبعدين ما تقولي ليش ان ربنا بيدى كل واحد برزقة ما تتقلش كده يعنى والا انت رأيك ايه
ناهد : لأ طبعا
مفيد فوزى: بتسمعى طبعا ان ..؟
ناهد : يعنى ايه مش فاهم يعنى حاجة بتاعت ربنا العيال دى العيال احباب الله حاجة بتاعت ربنا
مفيد فوزى: يا معالى الوزيرة الست بتقول وهى تعيش فى المطرية فى قلب القاهرة وليس فى قنا ولا فى اسوان
وسيلة : فى احد اطرا ف هذه البلد مصر بتقول الاطفال احباب الله وكل حاجة بتاعت ربنا كيف ندخل عقول هؤلاء البسطاء لنغير هذه الخطة التفكير العشوائى منطقة عشوائية تحيا بهذا العدد من الاطفال اخاطبك من قلب دلوقتى الست الاولى بالنسبة له بالنسبة لابوهم
وسيلة : اه
مفيد فوزى: لو كنت مريحاه مش كنت السبب ا نت
وسيلة : لأ انا كنت مريحاه وكده وبعد كدة قالى انا عايز اتزوج تزوج ام ابراهيم عليا فا قلت له طبعا انا رحت لبيت اهلى قعد ت مده طويلة
مفيد فوزى: زعلانه
وسيلة : اه طبعا اه فا جيت لقيت ام ابراهيم قاعدة هنا وجيت يعنى لقيت ام ابراهيم
مفيد فوزى: لقيتى ام ابراهيم
وسيلة : اه
مفيد فوزى: وبعدين ام مين
وسيلة : ام ادهم جيت لقيت ام ادهم وبيتزوج كثير كده دلوقتى خلاص
مفيد فوزى: دخل عليها ايه دخل عليها مين ام ادهم
نوال : ايه
مفيد فوزى: مين دخل عليكى انت ؟
نوال : واحدة ثانية
مفيد فوزى: اللى هى مين ام ايه
نوال : اللى هى ماجدة
مفيد فوزى: حافظ اسماء الستات
نوال : هو تسألة يقول لك والله انا ناسى اساميهم ايه عيالى بينسى اساميهم ايه يعنى معندهوش ذاكرة لما يشوف سيف ما يقولش له سيف
مفيد فوزى: العيال دى يعنى امانه
نوال : امانه الحمد لله
مفيد فوزى: هو مدين له سعادة هه
نوال : اه
مفيد فوزى: مين اكثر واحدة فيكم فهماه بصراحة ؟
نوال : كلنا فاهمينه فى واحدة تعيش مع جوزها وما تفهمهوش لأ معلش
نوال : هو حنين هو حنين يعمل اللى يعملة هوحنين
مفيد فوزى: الحنية تدوب اى حاجة
نوال : ايوهاااا
مفيد فوزى: وتغفر اى حاجة
نوال : انشاالله يجيب دلوقتى
فاصل
مفيد فوزى: الا قولى يا سيد لقيت اللى تريحك
سيد الخفيف : لغاية دلوقتى بصراحة
مفيد فوزى: اة
سيد الخفيف : لأ
مفيد فوزى: سيد
سيد الخفيف : ايوه
مفيد فوزى: اذن انت لسة عندك مشاريع جواز ثانية
سيد الخفيف: ثانى
مفيد فوزى: اه
سيد الخفيف: خلاص بقى
مفيد فوزى: الله ماهو لسة ماحدش
سيد الخفيف : انا رضيت كدا بقى كدا
مفيد فوزى: يعنى اللى مريحاك لسة ما جتش
سيد الخفيف : اه ما جتش بس انابردوا رضيت غصب عنى راضى ليه راضى عشان العيال صعبان عليا بقى خلاص يعنى حسيت انا لما لقيت ان بنت عندى تزوجت وبقيت انا جدحسيت انى ما كنتش فى وعيى يعنى مفيش حد قالى مثلا لأ اللى انت بتعملة ده مش عارف اية انا اللى ربانى انا مشكلتى امى وابويا اللى ربانى زوج امى
مفيد فوزى: زوج امك
سيد الخفيف : اه كان راجل الله يرحمة الف رحمة ونور عليه عندى كان اعز من ابويا الله يرحمه مفيد فوزى: اخواتك كلهم عندهم اكثر من زوجة
سيد الخفيف : لأ مفيش الا انا بس
مفيد فوزى: انت بس
سيد الخفيف : اخ تانى متزوج واحدة ثانية
مفيد فوزى: اه لكن مش زيك
سيد الخفيف : لأ
مفيد فوزى: انت قلى انت بتقدر تقعد مع الاربعة اللى عايشين معاك دول فى حتة واحدة
سيد الخفيف : اه يا افندم كلهم بيقعدوا
مفيد فوزى: يعنى كلهم بيقعدوا حواليك
سيد الخفيف : كله بيقعد معايا وعيالى
مفيد فوزى: وتسلمهم ودنك بقى
سيد الخفيف :لأ مفيش حد عندى بيشكى لى فى حاجة
مفيد فوزى: بيغيروا من بعض
سيد الخفيف : بيغيروا بس ما بيبينوش لبعض
مفيد فوزى: سؤال اخر
سيد الخفيف : اتفضل
مفيد فوزى: انت بتقسم بينهم ازاى بايام الاسبوع
سيد الخفيف :لأ والله الحياة كدة بظروفها كدة يعنى مثلا هنا هنا كل واحد ياخذ حقة كدة
مفيد فوزى: اه يعنى نوال
سيد الخفيف :اه ابات ليلة عندها
مفيد فوزى: والثانية ؟
سيد الخفيف :ابات ليلة عندها كدة يعنى
مفيد فوزى: وهما كلهم ساكنين عندك هنا
سيد الخفيف :اه هنا فى البيت
مفيد فوزى: ده انت متخصص بقى يا سيد بقى
سيد الخفيف :متخصص ازاى
مفيد فوزى: تجيبهم هنا انت مطرحك العربية وده
سيد الخفيف : اه والسرير
مفيد فوزى: والسرير ده
سيد الخفيف : طب ما بلاش العربية يبقى السرير