شهيد الحق - قصيدة بالعامية

الشاعر سمير احمد القط
ياشهيد اشهد عليا
انى مش ناسيك
ده انت فى قلبى وعنيا
وروحى بتناديك
مش ناسى انك قريبى
ولاناسى سهرك عشانى
تفدينى ياحبيبى
وتحمى بلدى ومكانى
ولاناسى انك سابقنى
فى الحب والعطاء
ضحيت باغلى شئ
لاغش ولا رياء
ورويت بالدم ارضك
لجل شعبك وناسك
تفدى والعرض عرضك
دايماً للحق ماسك
يامثال لكل قيمة
يامنارة للشرف
ياما فى ناس عديمة
واوسخ من القرف
خانوك من قبل بيعها
لادين ولاضمير
ونهبوا خيرها وريعها
ونسيوا السعير
بالخسة طاحوا وداسوا
على كل شئ جميل
وسجدوا للايد وباسو
اوسخهم بالدليل
وعبدوا كل زائل
خميصة او فَرج
وقالوا دى شريعة
وزادوا فى الهرج
والدم سالوا فيه
والفتنه دى دروبهم
ودينا خاضوا فيه
يحِلو اللى عاجبهم
لاقيمة ولاشرف
ولاعهد و انسانية
شيطانهم مابينصرف
اخوانه مِية مِيه
لكن حقك ده باقى
لاغش ولا كلام
لانك اعظم فدائى
ولك تعظيم سلام
من النيل وم الهرم
لك اعظم تحية
والدم ماينهزم
وراجع الفين ف مِيه
لانك ابنى واخويا
وشفيعى يوم القيامه
فديتنى وفديت ابويا
الف مليون سلامة
ياشهيد اشهد عليا
انى مش ناسيك
ده انت فى قلبى وعنيا
وروحى بتناديك