[ زوج غاضب جدا ] - الشعر الساخر

أنا كنت في حالي كده رايق
مين قلي بس أجوز ...
********************
متشيك عايق في هد ومي
وبأطقم في الجينز وأشوز ...
********************
وسجايري م .. النوع الغالي
بحبوح واد جنتل ومروش ...
********************
لا بفكر في الهم يا صاحبي
ولا بقعد مع حد مبوز...
********************
والقرش في إيدي بالزوفه
وبأحوش منه وبكنز...
********************
وفي مره شفتك قدامي
قعد ت أبحلق وأغمز...
********************
لأبوكي روحت أنا بسرعه
يا عمي أنا عاوز أتجوز ...
********************
حسد وني النا س ياما عليكي
خلوني أبخر وأ تعوز ...
********************
وآهوا تم جوازنا كده بسرعه
كان وزني ماليان ومقلبظ ...
********************
وقالوا لي جدعه ووفيه
لو جاعت بالملح تغمس...
********************
وأصيله هتربي عيالك
حماله ولا عمرها تتنؤز ...
********************
آتاريكي واخداني علي مالي
فاكراني محوش ومكنز ...
********************
ونزلت م الهم النص
كل اللي شافوني قالوا بيخسس ...
********************
وفي أقرب مشكلة بلقاكي
عايشة في الدور وبتتعزز ...
********************
طلباتك إنتي وعيالك
جبارة وقاسية يا كوماندز ....
********************
والصحه وياكي فينيتو
وعنيا ضاعت وبحسس ...
********************
ليه بس شاكه في سلوكي
وضميرك من عندي موسوس...
********************
لو هاخرج أتهوي شويه
نظراتك ليا كده تجسس ...
********************
أنا خلقي ضاق ليه وياكي
علي أتفه حاجة بتنرفز ...
********************
أنا كنت لوحدي وفي حالي
مين قال بس راح إتجوز ...