تعتب علي مين مفيش عاقل بيعاتب حد ده اصحاب الدنيا انفاس تنعد ومحدش فاضي يركب حد المركب على كد صاحبها مسحوبة بسلاسل الدين ف بحور الهم يلم خيوط الليل يفتلها بخيط العمر ويدخلها في خرم الابرة مبتدخلش متستغربش لو عدي عليك اللى قاسمته العيش والحلم وقريتوا الحواديت مع بعض ملفوف ف همومه مطفيه ف عيونه الشمس فوق راسه جردل مخروم بينقط زيت وبيجري ف سباق الماراثون قدامه ارواح كتاكيت ورا منه كرابيج الفقر متقولش دة داسني زي عقب سيجارة مكتوم فاضي دة قانون الغاب مابيرحمش وعتاب الاصحاب كداب و الدنيا اضيق من خرم الابرة في عيون الخلق