هي الدنيا يا صاحبي كده

هي الدنيا يا صاحبي كده
ما تعتبش على عدوك فيها
إذا كان حبيبك بخونك
تعتب على زمانك ليه ؟؟
وإنت يا صاحبي مش عارف
مين اللي بحبك فيها
هي فاضل فيها الدنيا إيه ؟؟
لو معرفتش تأمن غدر
اللي عايشين جوه حياتك
تبكي عليها طيب ليه ؟؟
وبكره ياما الدنيا تفوتك
إوعى تفكّر تبكي جراحك
إوعى تقول كل الناس مرتاحة
وإنت لوحدك عايش بالقهر
لا يا صاحبي لسه ما شفتش حاجة
دنيا غريبة مليانة غدر
أوعى تفكر الغير فاضيلك
لا ياصاحبي إبكي لوحدك
ده القلوب اللي فيها
والله اللي فيها مكفيها
وأنا قلبي خلاص فاض فيه الكيل
كل ما أقول بكرة ياصاحبي تتعدل
ترجع تاني أكتر و تميل
ماشيين غريبين والله بدروبها
مهما إتصاحبنا كتير على الناس
كل واحد ليه في النهاية سكة
فقير أو غني أو ليه حراّس
كله لما العين بتنام وتغفى
مين فيهم ضامن الرمش يرتد؟؟
هي الدنيا بتخليك تجري وراها
تنسى أمك تنسى إبنك والجّد
لو سمعت ياصاحبي كلامها
عمره ما يسمعلك أبدا حّد
دنيا غرورة وملهاش صاحب
تبكيك وإنت تبكي عليها
بس هي بكاها والله كذب
وبعدها تسيبك وكأنك مش صاحبها
ولاعشت لحظة بأحضانها بجد
إوعى تبكي على اللي يصيبك فيها
دنيا غدارة وملهاش
أبدا آمان ياصاحبي لحدّ
والله لو عشت فيها
قد اللي عشته فيها
برضو هي الدنيا
ماحدّش يفهمها
مرة غدارة ومرة مليانة ودّ
أحسن لك إمشي ياصاحبي غريب وياها
تلقى حالك صاحبها بجدّ
وهنيال اللي بصاحب الدنيا
وهو عارف إنها بنت ستين غدر
على الأقل تمنع بلاوي كتير
تفاجئك ياصاحبي فيها
وبتعّد خطواتك ..خطوة ..خطوة ..عدّ
وياوليك لو تهت في بحورها
سكتهّا الندامة اللي مابترجعش حدّ
يا غريب كون أديب أفضل فيها
وخليك ماشي يا صاحبي صّح
حال ما إحتار عدوك منك
تأمن غدر أصحابك بجدّ
أنا عن نفسي لاعاوز شهدك
و بخاف من قرصتك يادنيا بجّد
إيه اللي عاجبك يا صاحبي فيها
وهي سؤال مش محتاج للرد
الدنيا يفّضل كل اللي فيها
بيد الواحد القهّار الفرّد
يبقى سيبك من كل اللي عليها
للزوال بإذنه ماشي كله وللهدّ
******