شفت نفسك فى المرايا

شفت نفسك فى المرايا
عرفت منها أيه الحكايه
النفس هى البدايه
وهى النهايه
عادل معاها
ولا بتظلمها
جيت فى مره كلمتها
أنبتها
بتحبها
كرهتها
شفتها من قريب
من يعيد
قالتلك مره انت شرانى
انت أنانى عنيد
ولا طيب
عارف أيه جواها
فاكرها ولا بتنساها
ياترى انت قادر عليها
ولا ماشى على هواها
ياترى قادر تحكمها
ظلماك ولا بتظلمها
فاكرها ولا بتنساها
بتكلمك ولا مخاصمها
عارف ايه هو دواها
ساعات نكون
لابسين هدومنا
وقدام نفسنا
بنبقى عرايا
شفت نفسك
ساعتها شكلك أيه
فى عنيك
وفالمرايا
شفت صورتك كويس
ياريس
شفتها من كل الزوايا
أوعا تهرب منى
وخليك معايا
نور نفسك م الضلمه
وانسى النفس الظلمه
اتعب نقى الكلمه
واعرف أيه معناها
النفس ساعات
نقرف
منها لمه بتمشى
على هواها