عيد ميلاد زوجه

الى زوجتى الحبيبه الطيبه
كل سنه وانتى طيبه
وبدعى ربنا يخليكى
ويبعد عنك المرض و يحميكى
ده احنا مش حنعيش بعديكى
كنتى معايا فى كل الاوقات
فرح كرب سعاده ممات
كنتى عيونى فى وقت العتمه
كنتى اعصابى فى وقت الصدمه
كنتى عقلى فى وقت الحكمه
كنتى قلبى فى وقت المحبه
كنتى دايما بتدفعينى للامام
وبتحرسينى من الشيطان
وبتفوقينى وقت التوهان
وبتهدينى لحظة الفوران
ومحسسانى دايما بالامان
وعايزانى فى الارض اعظم سلطان
وفى الاخره ادخل اعلى الجنان
عمرى ماشوفت معاكى بهتان
كله حلو زى المرجان
الحمد لله لانك نعمه
لانك اعظم سمعه
ويارب ماشوفش ليكى دمعه
يارب يكرمك بحسن تربية الاولاد
وتكبرى و تبقى من احلى الاجداد
ومتشوفيش ابدا فى حياتك يوم سواد
واكون ليكى فى اى طلب سداد
ونفضل احبه دايما منتحولش لجماد
امين يارب يا مجيب دعاء العباد
كامل محمد حامد