يعني ايه؟!

يعني ايه لما تتوه
تنخطف من غير ميعاد معلوم
يعني ايه لما تلاقي فكرك شارد ومن ارادتك مسلوب
يعني ايه تشتاق لروح مجرد روح
من غير ملامح ورتوش
يعني ايه في كلمة تدوب
وتجري تجري ع الحروف
يعني ايه قلبك يخون العقل
وروحك تنسرق وتطير لفوق
يعني ايه سماك الخالية
تتملي بالنجوم
يعني ايه تكون مدفون
وفجأة ترد فيك الروح
يعني ايه بعد الهم
تترسم بسمة بالدموع
لا تقولولي في عز هم مصر قلبك دا مجنون
ايوه مجنون
فللقلوب أحوال واصول