لسانك قالوا إنه بذيء

كنت بجد واحد مننا
كل همومك على همنا
والثورة اللي في كل حروفك
من دمك ومن أجلنا
عمر الضحكة ما لمست خدك
عمر الفرحة ما زارت قلبك
حتى النكتة بتعكس ألمك
طول ما الدمعة فوق خدينا
هموم الناس وياك في جيوبك
وفي حلمك وفي كل دروبك
أحوالنا ألامك تكتبها
تعكس حزنك على حزننا
لسانك قالوا إنه بذيء
وأنا شايفك يا نجم بريء
بتنور في الدنيا طريق
أملك يظهر فيه حلمنا
بين جدران السجن كتبت
هابوك وإنت ما عمرك هبت
ولا عمرك في نيشانك خبت
على كل اللي نهب حقنا
جندي شريف داخل معركتك
كل الشعب عاشق جدعنتك
إلا الخونة اللي خانونا
واللي باعونا وباعوا أرضنا
وأهب عمرك للغلبان
بحروفك تقتل غربان
خلوا الدنيا من أملاكهم
خلوا بيوتنا تكون سجننا
------------------------
waleed_elwasef@yahoo.com