قصيدة : الشعب قام

كلمة للقارئ : القصيدة لنسب الثورة للشباب وليس لأي حزب أو جماعة , ثورة مصر قامت على أيدي شباب واعي لا يرضى بالعنف أو البلطجة , الشعب الذي استطاع أن يجعل العالم يشاهد معالم الثورة الحضارية المسالمة التي حاول أن يشوهها بعض الحاقدين ومحاولة خلق فتنة بين الشعب المصري , لكن الشعب واعي لما يحدث. شكراً لكل شاب تظاهر سلمياً وطالب بحقوقنا.
الشعب قام وقال كلمته ... هيحاسب كل اللي كتم ضحكته
ثورتنا ثورة شعب ساكت ... دلوقتي قامت قيامته وصحوته
الشعب خلاص داق طعم الحرية وحَبها ... وعمره ما هيسكت حتى لو هيموت تحتها
راسنا هتبقى لفوق واحنا بنتكلم عنها ... حريتنا عملت لينا قيمة ,لازم نبات في حضنها
إحنا شُهداء الثورة اللي موتنا عشانها ... بنقول يا عالم ! احنا اللي رجعنا مصر لشعبها
إحنا في سما تانية ودمنا هيفضل على أرضها ... متخلوش الحاقد يخربها ويقعد على تلها
الحاقد مش واحد, دول كتير نهبوا من مَصرِنا ... خربوها وقالولنا أنا "حبيب"ها و"عز"ها
الثورة شعبية مش ثورة حد من " وفد"ها ... الثورة ثورة مصر مش واحد من " إخوان"ها
كلنا مصريين إيد واحدة هنعيش تحت اسمها ... لا شعارات ولا أحزاب هنمشي وراها
كفاية ذل وفقر وهم وغم , إحنا زهقنا بقى ... كفاية , مش هنسكت , الثورة هو ده وقتها
الشعب قام وفاق من غفلته ... الشعب خلاص رجعتله حريته
ثورتنا ثورة شباب ساكت ... دلوقتي جه الوقت وقال كلمته