دلوعة!

قدام مرايتي واقفة بالساعات ، أشوف وأبارك انوثتي ولا شايفة حد غيري ياسيدي ع الجمال!
مكان ما أدب رجلي يقع ستين شهيد
بيغيرو وهيموتو مني كل الستات والبنات
وكل ثانية يجي ولا عشرتاشر عريس
وانا ابتسم واقول :الله أمال ايه العنوسة ومافيش جواز يا بنات!
وانا بارمي بالشمال وتحصلها اليمين
فرحانة وعاجبة حالي وأهي مرت السنين
‏ وقفت في يوم لاقيتني في حالة مش تمام
كأني عاملة (ميش) قوام سألت نفسي دي قسوة السنين؟
مرت من غير ما احس وضاع مني الجمال؟
أخرتها ايه يا دنيا ؟
أخرتها متر*متر
مش عيب اني غلطت ولا عيب أقول سماح ولا عيب اعود للرب
العيب اني اواصل لعبة الحياة
وكفاية غرور يا دنيا كفاية ضحك علينا
يلا قوم انت وهى نركع للإله
دا طريق الاستقامة كله كلابيب شيطان
وستاير لونها بمبي وراها نار وعذاب
خد بالك اصحى فوق
دا مهما طالت بينا مسيرنا هنلاقيها اما حفرة نار
او روضة م الجنان