لوثة الاسعار

لمن يتابع سوق الخدمات يجد أن كل فواتيره .عالية جدا.وهذا يوم يمر بى ضرب الغلاء فيه بعقلى .وأمامكم النتيجة الطبيعية توقف التفكير حتى عن أعداد قائمة غداء .وسألت أحدهم يسعفنى ماذا أقدم اليوم بأعتبارى الراعى الرسمى لطبق اليوم.الراتب محدود والسوق فوق طاقة المواطن العادى .يا دى النيلة أعمل أيه.أحمر لحمة .أشوى سمك.أعمل كشرى الميزانية خرمت .يا دى النيلة أعمل أيه؟سعر اللحم ..وسعر السمك خرج عن طاقتنا وأصبح فوق أحتمال الدخل.طيب ناكل ايه .واحد خفيف هيقولى خس وجزر.هرد أقول له كل يوم خس وجزر!! ده التغيير مطلوب حتى للمائدة!!الواد نزل جاب عيش أتأخر عن المدرسة.. .شخص ما هيقولى ما فيش مدرسة النهاردة يا مطيعة أصحى!! قطيعة نستونى .من يوم التطبيع وهم بشاركونا الجاز والفولاذ وشوية الاسمنت !.وأحنا بنشاركهم أجازتهم . وتم توزيع حصص السبت على باق الاسبوع واليوم الدراسى اصبح أطول وممل واالتلاميذ بيفقدوا التركيز وأحيانا الوعى - .يا دى النيلة برضه ما حدش شار عليا .أطبخ أيه..- الصبح قلت أروح السوق أشوف فردة كارع أعمل عليها أنجر فتة وأهوو أخبى فيها المدعم "العيش أياه والارز المجروش".وناكل فيه طول الاسبوع ..رحت ما لاقيت كارع ولا حتة حافر حتى الراجل لامم القرون بتاع العجل قدامه..وقالى :جاءتى متأخرة متبقاش غير ده .وشاور على ده وطبعا بخبث ..يا دى النيلة لغاية دلوقتى محدش قالى ..أعمل أيه.-بيقولوا أن أ/عيسى بتاع الدستور أقالوه من يوم ما أتكلم عن الاوطه وعمل لها برنامج على لونها.وقال ديه حمرا .يعنى ناس قالوا يقصد الاشارة وناس قالوا يقصد العين وناس قالوا يقصد البنية التحتيةللنزاهة والشفافية. وناس قالوا أتكلم فى حق المعونة الامريكية.وحقوق القرود العاطفية .-أهوو كلام الناس كتير ..يا دى النيلة محدش شار عليا أعمل أيه.-شوية تعب كانوا فى الاورطى وكان عندى أستشارة للطبيب بالقاهرة .رحت المحطة أخد توك توك لاقيت السواقين عاملين أعتصام!! قال أيه .هم كمان عايزين يرفعوا الأجرة ..قلت بلاها أستشارة ورجعت .يا دى النيلة محدش قالى أعمل أيه!! الوادأبنى الصغير كنت طلبت منه بعض الطلبات بعد ما يخلص عند الحلاق.جانى الواد حالق كابوريا .وخالى الوفاض! يا بنى مجبتش الطلبات ليه؟ قالى من فين يا ست أنتى .الحلاق رفع الاجرة والفلوس خلصت أعملك أيه!نظرت إليه بغيظ طيب يا ابن أمك الحلاقة ديه مش عجبانى .قالى أزاى ديه كابوريا..صرخت لبقية القبيلة لقزقزة دماغه ..أخيرا لاقيت أجابتى .يا دى النيلة دماغ الواد صغيرة هتكفى الجيش ده أزاى .
مطيعة بدون تسعيرة