اصحى يا مصر واتبسمى

شايفه
الشمس جايه عليا وعليكى
لابسه توب الحريه ومتعطره
بعطر النصر
نورت كل مكان فيكى يا مصر
كل مكان فيكى
كان لابس سواد وبيبكى عليكى
و الحزن مالى قلوب الكل
ارهاب اسود كان حاكمنا
ظلم واستبداد
خونه
عملاء تجار دم ودين
فى الكرسى كانوا طمعانين
شعارهم دايما دم فى دم
خلاص يا مصر اطمنى
ابنك السيسى قال كلمته
نادى علينا
وحط ايده فى ايدينا
كلمه واحده اتجمعنا عليها
لا للارهاب
لا لنقطة اى دم مصرى تسيل
من تانى
على ترابك يا مصر
دم المصرى غالى اوى علينا
يا امى
دم المصرى بس فدا ليكى
يا اعز ما لينا
بايد ولادك بجيشنا البواسل
حنرجعك من تانى مرفوعة الراس
رغم انف الكل
حلمك وحلمنا واحد
لازم
حنحققه
وعد منا ليكى يا مصر
حقك حناخده من كل واحد
اتمدت ايده عليكى
سرق ونهب فيكى
ومنك اخد ولادك لطريق الدم
شهداء راحوا على ارضك بالغدر
دم ولادك عزيز علينا اوى يا مصر
كل ارهابى وكل دخيل وعميل
وخاين ليكى حيكون
مصيره الشنق
حقك ولازم يرجع ليكى
تارك حناخده ليكى
ده احنا ولادك
يا امى
اصحاب شهامه
وعزه وكرامه
مش عند اى حد
ليهم فى كل مكان
حتلاقينا
واقفين صامدين
بندافع عنك
حالفين
نرجعلك حقك وحق ولادك اللى
سال دمهم لاجل ما ترجعى من تانى
لينا يا مصر
حنخلصك من ارهابهم
ونرفع فوق ترابك من تانى
راية النصر راية الحريه
رايتك يا مصر
الفرحه شايفاها
طايره بترفرف فى السما
من يوم 30 يونيو يوم
ثورة شعبك يا مصر
و يوم ما نادى السيسى
وقال
ميعادنا الجمعه يا ولاد مصر
26 يوليو
يوم تفويضكم ليا
لاجل ما يخلصنا ويخلصك
من ارهاب جماعه شعارها الدم
ده احنا اصحاب اراده مش عند اى حد
الاصاله بتجرى فى دمنا
ده انت بتجرى فى دمنا يا ام كل
مصرى وام كل شهيد
مات فدا ليكى لاجل ما تعودى من تانى
لينا يا مصر
احنا المصرين اصحاب اراده
وكلمتنا دايما بتمشى على الكل
ما تخافيش على ولادك يا مصر
وعدنا ليكى دين فى رقابنا
وليكى حنوفيه ولو كان التمن
ارواحنا لاجل ما تفضلى
دايما مصر