ابتهال يارب انت عارف إنى كلى ذنوب وأنا طبعا زيى زى البشرمعيوب أيوه بشرخطاء بس نفسى أتوب وانت عالم بقلبى مانت رب قلوب بادعيك تنتصرلى أصل أنا مغلوب مظلوم وحقى وسط البشرمنهوب حظى م الهنا ويا القريب مسلوب وبختى أعيش وسط البشرمنكوب و ميزان العدل أصبح كده مقلوب الهم على قلبى شىء بقى مكتوب أبات على بكره م القلق مرعوب وأدور فى كل البشرعن المحبوب فرج يا كريم عنى وعن المكروب سلمتلك أمرى وانت علام الغيوب ومفيش غيرك انت ستار للعيوب رضاك بغيتى ولطفك بقى مطلوب اهديلى قلبى وارضينى بالمكتوب وسدد لى الخطى فى كل الدروب وارحمنى واغفرلى أوزار وذنوب يا من بإيدك كل شروق و غروب امنحنى قوة يتحقق بها المرغوب يمكن أروق ويتعدل بقى المقلوب