طز فى السياسة

انا ملاحظ ان السياسة واكلة دماغ الجميع اى مقال سياسى يفرقع اى حوار سياسى يشد الناس, اى سياسى بسهولة بيلاقى الف من ينشرله الغسيل و الف من يستضيفه و ياكله و يشربه ويهندسله المسائل, وكل ده عشان البشوات بيتاجروا فى أعضاء ونفسية الأخ المواطن اللى هو و أنا منهم برده بس البهوات بيتنافسوا على الفرقعة ونسيوا القضية وعارفين بالخبرة ايه اللى بيفرقع مش ايه اللى بينفع الناس و بيحسن الاوضاع وبيخدم المصلحة العامة البشوات بيتصارعوا وبقى هم ازاى اكسفه ابن اللذين واكشفه واركب عليه فى الحوار لما الاعلامى الفلانى بس يسضيفنى معاه والله لا اطرقعله واتريق عليه وابتسم ابتسامة صفرة عليه واتجاهله حبه وأعلى صوتى حبه ولحد ميعاد البرنامج هاحضرله الملف اللى هو وهاذله بماضيه ولو شوية ايحاءات تجريح شخصى مفيش مانع المهم يثبت ويعرف مقامه وطز فى الناس "لا يا حبيبى طز فى السياسه"