عقلاء المصريين في ميزان التقييم

تحيه طيبه وبعد
كلامي لكل مصري بدون القاب ولاشهادات ولا شو كلام كله عايشينه مبهدلنا
هدفي اني اثبت إن راجل واحد بس راجل بجد ممكن يعمل فرق وممكن حياه ودنيا تترسم وتتشكل على ايده زي كينيدي وغاندي ومانديلا والناس دي
والناس دي زيهم زينا بس هما امنوا انهم ممكن يغيروا في بشريه بحالها وشعوبهم مشيت وراهم لما صدقت ايمانهم ده وانا شايف اني زيهم وشايف اني مقصرتش في حق بلديلا قتلت ولاخربت و لا اي ضرر اتحاسب عليه قدام ربنا,و نفسي ولادي ان كنت هتجوز وهخلفهم يمشوا فخورين بالي قدمته ليهم وكمان ولادكوا واحفادهم يمشوا وهما مطمنين جوه مصر او براها انهم مصاروه بجد لاول مره من زمن بعيد قوي
الكلام ده حاولت اوصل بيه للحكومه الي معاها مقاليد الامور بس اكيد احنا في مصر فنعيما عليها
الدنيا بتبدء بربنا بمزاجنا وغصب عننا
1-الله احنا ربنا والدين عندنا في غيبوبه بإخوانه و بازهره والناس من كفرها وجحودها وقسوه قلبها بقت بتسب المولى نفسه عز وجل مش مجرد الدين بتاعه والناس دي هي شعبي وشعبك وبنتعامل معاها كل يوم و ربنا عمره ما هيرضى علينا طول ما احنا عدينا اليهود في افعالهم و تصرفاتهم لانهم مشركين واحنا بندعي اسلامناوانا مش شيخ ولا ملحد بس ربنا هو البدايه لو متفقين على المبدئ نفسه كنقطه صفر.
واحنا عند ربنا عدينا العبره والعظه و بقينا نتصف بالقوم الغافلين
بعد ربنا عباده
2-البشر مقسم لذكر و انثى عندك مخزون بشري عملاق مع الاسف زي قلته 80 مليون راس ماشين اونطه بين الشعوب ولا فاهمين يعني ايه راجل و لا ست
بنخلي واحده ست تمسك وزاره القوى العامله(ارزاق الناس تحكمها مره)عشان معندناش رجاله ومفهوم الانوثه او الامومه من بابه ضايع ومعدلات طلاق مهوله ونسوان بتحشش وبتشتم وبتسب الدين وبتخلف وترمي في الشارع و حياتنا من اساسها ميغه وادي الفرق في الحياه و قيمتها و طعمها واحد محترم زيي و زي غيري لمسها و مصر كلها لازم ترجع للإحترام ده عشان العيشه اساسها قيم و مبادء
عندنا في بلدنا البني ادم اساسا ملوش تمن و بيتقال هو ديته إيه,ففي خلل اساسي يعرنا و يعيبنا كمصرين
3-الاسلوب و الحياه و المعيشه و طرق التعامل *** حياتنا نفسها بجد خطر انت لو مواطن طبيعي ماشي في الشارع المشي نفسه مخاطره
ممكن تتقتل في خناقه او يتداس عليك او تموت في بلاعه ولامن شاف او من دري او تاخد رصاصه في راسك في مظاهره او فرح او هزار او او والرصاص عندنا كتير والبني ادمين اكتر
فالحياه نفسها سوداء مفهاش اساسا انهارده فاكيد متكلمش الناس على بكره و كمان الفوضى هي السيد و الصح بقى غلط و الحلال اختفى و الحرام مرطرط وكله بيلعب باسم البلد اوالدين اوالعرق اوالنوع
4-المياه من سنين و النيل ده هو سر و عظمه المصاروه لو فاكر كانو يقولوا الي يشرب منها هيجيلها يشرب تاني النيل لو انت شفته زمان اولو شفت بدايته و شفته حالا من فوق كوبري الجامعه مثلا حقيقي هتحزن وهتموت من الغم لانه كان زمان شفاف ليه طعم واصل لكل البيوت
النيل ده حاليا مليان جثث حيوانات و بول و براز بشر و زباله عشرات السنين و امراض مفيش في العالم زيها حاجات حصريه و لو حللت بس كوبايه الميه الي بتشربها كل يوم و شوفت انت بتشرب فيها سم قد ايه وشوف سيادتك بتشرب كام كوبايه ميه و كام كوبايه شاي و هتمرض قد ايه
مكلمتكش عن شعب مكلمتكش عن صناعات كامله قايمه على المستنقع ده
ده غير كوارث تانيه خد عندك بقه
5-التعليم **بيربي المصري انه ازاي يكون بهيم معتمد لا يرقى لترشيحه في زريبه محليه او دوليه
6-الطرق و المواصلات**بيثبت ان معدلات الوفاه في العالم خدعه جمب معدلاتنا اللحظيه و اليوميه
7-الكهرباء**اسلاك و محطات مهلهله بتعطل اكتر ما بتشتغل و اسعار فلكيه يعني ادفع 400 جنيه في الصيف عشان بس تكييف بدون بقه سخان و لا غيره و اساسا انا مرتبي كام 400 ولااكيد هسترخص واسرق من العمومي
8-البنيه التحتيه و المستشفيات** فيلم كوميدي ممكن تكلم اصحابك عليه في القهوه عشان حرام تبذل مجهود كلام في القصه دي
9- الجنيه**و قيمته المهلهله و هات مصري و امريكي يشتري حاجه تمنها دولار هو هيدفع واحد و المصري هيدفع 5 و المصري الشحات طبعاهيجيله اوسخ منتج وب20 ولوعاجبه
بجد كنت اتمنى اكملكوا باقي البنود و اضيف و ازود عليها بس حقيقي انا نفسي اتقفلت و انا بكتب و كمان اعتقد وصلكوا حلمي و هدفي و اتمنى اقابل حد يستعين بيا والي زيي اوتسيبوني اساعد في بلد محتاجه لمجهود البقيه الباقيه المحتفظه باقل جزء من عقلها و تفكيرها بدل مجلس الشعب و الهمج ده و ناس ولا الكلام ده في دماغهم من بابه و الدليل انهم مجرد كلامنجيه,وانا وانت ومعانا ملايين صاحيه نلحق سوا نرسم حياه برجولتنا لنفسناو نصنع هويه مصري نضيف نشوفها في عيالناو ننقذ ما يمكن انقاذه
اتمنى اقدر احقق الحلم