قوللى

مين لسه على حاله
قوللى
مين فينا ما تغيرش
ناس كانت بتسأل علينا كل يوم
دلوقت بقت مابتسألش
وناس كانت عينيها تشبع نوم
دلوقت صاحيه مابتنامش
و ناس كنا احنا بنهمهم
دلوقت وجودنا معاهم زى عدمه
بقت ما بتفرقش
و ناس كنا بنقسم وياهم اللقمة
غدروا بينا ما تستغربش
وأقرب الناس لينا اتغيروا علينا
وعايزنا احنا ما نتغيرش
وأحب الناس لينا خلو بينا
دنيا حالها ما بيدمش
وناس انكتب عليها تعيش تعبانه
طول عمرها ما ترتحش
ادى حال الدنيا و أحوالها بقولك
ايه ما تستعجبش
قوللى
مين لسه على حاله
قوللى
مين فينا ما تغيرش
====
كلمات نبيل زيدان
كاتب وشاعر مصري