هو احنا مش بنى ادمين ؟

بلد النيل نهر الجنه فى عصرك بقيت تنزل فيه البهايم تتحمى
شعب غلبان مسكين مظلوم مطحون ومش بيقول غير بس امين
تلاتين سنه اشغال شاقه عيشنا فيهم فى مشقه غم وهم وفقر وجهل وكل الوان الطين
ليه هو احنا مش بنى ادمين؟؟؟؟
ميا ملوثه وزرع مهرمن وفراخ فاسده ومباني واقعه وعباره غارقه وطياره واخده ولادنا واقعه وامراض شتى
وعيشة عبيد مش احرار مصريين
ليه هو احنا مش بنى ادمين ؟؟؟؟
وقاعدين مش لاقيين ولا شايفين ولا فاهمين ولا عارفين
جهل استحكم فينا احنا اللى منا اعلام فى كل الميادين
دي الناس بتكح ف عز البرد رزاز واحنا برد ودفا بنكح تراب
وف عصرك كنا مغيبين سجلونا ع الخريطه حضور واحنا معاك مش موجودين
ومن الكبير والصغير منداسين
صممت الجهل على مقاسنا وخليت الفقر بقا لباسنا
بسكوتك عن حقنا خليت اللى مالوش لزمه بقا سيدنا وعمنا
ليه هو احنا مش بنى ادمين ؟؟؟؟
كانت ام الدنيا مصرنا واتطاولت علينا بلاد شبر فى شبرين تقف على قمة الجبل تجعر وتقول انتم فين
طيب جايين لك يابلد مقصوف الرقبه بس اصبري علينا يومين
هنرجع تانى لنفسنا ونلم شتاتنا وشملنا وهنعرفك احنا مين وفين
ماهو عصرة خلاص انتهه وهنصحى وهنفوق لمصرنا ومرارة عصرة هتروح من حلقنا
وخلاص خدنا بطارنا وصل لنا حقنا
طبعا حقنا
ليه هو احنا مش بنى ادمين؟؟؟؟
دا احنا اهل حضارة ومش فقارا
ولنا تاريخ وعندنا عقل وعلم ودين
بس عيبنا اننا عشريين يبقا حاكمنا وبيظلمنا نقول اهو منا
ونفضل ساكتين
يمل ويتعب يزعل ويذهق مننا يقول هو انتم ليه متحملين
تعبنا كتير ودوخنا كتير وكنا مسالمين هاديين ساكتين
لما فاض الكيل وانقطع الحيل وانفجر الضغط وفاض النيل وطار الخيل وشوطنا الكل صغير وكبير
وساندنا الجيش يارب يعيش
ماهو حقنا ده مننا ابونا واخونا وعمنا طبعا حقنا
هو احنا مش بنى ادمين؟؟؟؟