الحكاية أيه..

الحكاية مش حكاية وزير و مشير
ولا مجلس على أكتافه دبابير
الحكاية أكبر من كدة بكتير
الناس دى
فاكرانا شوية شباب فرافير
ويمكن تكون
فاكرانا شوية بهايم وحمير
كانوا بيصطادونا
فى الميدان ذى العصافير
اللى يقع مننا يجروه
على الزبالة وكأننا جيفة حمير
كأننا مش بشر ولا منهم
هوه أحنا أيه يا مشير؟
انتم جايين لينا ولا بتحموا الكبير
الكبير ربنا
وهو على كل شىء قدير
مرة تقولو
قلبه وقف ومرة مرضه خطير
أيه ..بتستعطفوا
قلب الشعب الفقير
ما هو بسببه
الشعب كله بقى فقير
حتى المحاكمة بطبخوها يا وزير
حد يدخل متهم على قاضى
ورجله في وشه؟ وكمان على سرير.
عجبت لك يا زمن
الله يرحمك يا جحا يا ملك الحمير
احنا عارفين ..بكرة يطلع براءة
وتجبرونا نعتزرله ونقوله
حقك علينا يا ريس يا أمير
يا أخوانى الحكاية مش حكاية مشير
كلهم خايفين لسة من الكبير
أكيد ماسك عليهم زلة
ويمكن مصورهم شوية تصاوير
ويمكن يكون بينهم أمر خطير
ما تتكلم يا سيادة المشير
ولا لسة خايف تطير
خايف من أيه ؟
أعقلها وتوكل على ربك القدير
ما ضيعش حبنا لرجالتك يا مشير
والشعب اهلك
وعمرهم ما كانوا حمير
كفاية تلاتين سنة هتعملوا
ا يه فينا اكتر من اللى عملتوه
تلاتين سنه والحق
ضايع وحقنا بتنهبوه
تلاتين سنة نقول
نعم بس والباقى بتكتموه
ان حد فينا صرخ وقال لا
تقولوا حرامى وارهابى
وفي السجون ترموه
أمن دولة وأمن مركزى
هوه فين الامن .. ما انتم سرقتوه
بعتوا كل حاجه الأرض والسكن
مش ناقص غير الهرم تبيعوه
مش كفاية عليكم كدة..ارحمونا
خلى عندكم شوية دم وفارقونا
منتصر
..