بتسألينى

تسألينى
****
بتسألينى محتاجلك ؟؟
أه محتاجلك
وبتسألينى محتاج إيه
وهأرد إزاى ؟؟
وهأقولك إيه ؟؟
يمكن أكون محتاج حنانك
رقتك .. دفئك .. أمانك
أو حتى كلمة من شفايفك
أنسى وياها الأهات
الى حاصل
والى جاى
والى فات
انسى زمانى
مع كيانى
وافتكر بس انى عايزك
كل ده ....
ويعود سؤالك يتسأل
محتاجنى ليه ؟؟!!
وارجع أفكر من جديد
ليه بابقى وياكى سعيد ؟؟
ليه لما باسمع ضحكنك
قلبى يدق
ويفضل يدق
وألقانى مش قادر اقولك
أى لأ
وان قلتى حاجة
اى حاجة
يبقى ردى
آه معاكى ألف حق
كل ده
وتعودى تانى تسألى
محتاجنى ليه ؟؟
محتاج أقولك
النبته لما تكون بتدبل
بيقولوا محتاجه مياه
والطفل لما دموعه تنزل
بيكون فى حاجة لامه
تاخده فى حضنها
ويسعد معاها بالحياه
والشاب لو أحلامه عنه
فى مره ترحل
يكون فى حاجة
لحد ياخده لسكته
ويعلمه ما يقولشى آه
والكهل لو أيامه تتمايل وتبخل
يكون فى حاجه
لحد يؤنس وحدته
ويوصله بر النجاه
محتاج اقولك
انا زى دول
انا ...كل دول
بس احتياجى ليكى انتى
محتاج اقولك يا حبيبتى
اوعى تانى تسألى
محتاجنى ليه
شعر /مجدى الصفطى
http://www5.0zz0.com/2011/11/26/13/815565323.jpg
[url=http://www.0zz0.com][img]http://www5.0zz0.com/2011/11/26/13/815565323.jpg[/img][/url]