عن أنيس منصور .. أصل الفكره و المنطق والمعنى و المضمون

يمكن ده مش أوانه لا هى ذكرى ميلاده ولا ولافاته ، لكن الكلام أوانه أنا أوانه عندى،
تجربتى مع المفكر الكبير و العبقرى "أنيس منصور" يمكن متكنش تجربة شخصية بشكل مباشر
لكن هى تجربة فكرية ممتدة بالتواصل العلقى من خلال مقالاته و أشعاره و أحاديثه يعنى من خلال كونه ككاتب بصفه عامه،.. والحقيقه إنى لو جيت أتكلمت عليه مش هعرف أشرحه من خلال الكلام، مش هعرف أشرحه لإنه مصطلح بسيط الفهم شديد التمعن، لكن هحاول فى إيجاز بسيط جدآ تفسيره، الكاتب و المفكر والمبدع "أنيس منصور" من الأشخاص المؤثرين فى تكوين شخصيتى و حياتى وإدعاء أكتشافى لنفسى، يمكن أولى معرفتى بأنيس منصور كانت من خلال عمود "مواقف"
فى جريده الأهرام كنت بقرأ و أنا صغيره "جريده الأهرام" يوميآ لمجرد فقط أن نظرى يقع على عمود مواقف "لأنيس منصور" .
من خلال عمود "مواقف" فتح ليا بصيص من نور الفكر و التأمل و بداية الكتابه كنت أوقات بكون مش على قدر من المعرفة بما أقرؤه و فهم كلامه لصغير سنى و ركود تفكيرى لكن كنت أشعر بمعنى كلامه وأهميته، أنيس منصور من الأشخاص اللى بيعتمدوا فى توصيل منهجه للآخر على الصدق فى المعنى بيتعمد على أنتقاء أدق الكلام و أصل الفكرة و أستنباط القارئ، يعرف متى يخترق حدود تفكيرك و حقيقه مشاعرك، بيعتمد فى أفكاره على منبع العقل
و باطن الجنون، أسلوبه يبان معقد للعامه لكن الحقيقه أن أسلوبه أسهل و أبسط ما يمكن، أكيد صدفت فى يوم قرأت له مقالة أو مقوله أو قصه أو مجرد حكمه لهذا الكاتب الرائع أو أستوقفتك كلاماته،
يمكن الكاتب أنيس منصور من الكتاب اللى بيعتمدوا فى كتاباتهم على أنه يعمل حالة من المعايشة الحقيقيه والكاملة والصدق للقارئ يعنى لو قرأت لكتابات "أنيس منصور" هتصدقها تصديق تام و هتشعر أن الموقف ده حصله أى قصه أو كتاب أو مجرد مقولة بسيطه، و مش أى كاتب يتمتع بمدى المصدقيه دى،.. "أنيس منصور" كاتب أهم ما فى أسلوبه أنه بيتمتع بالمنطقيه العقلية
و الحيادية الإيجابيه فى توصيل مفاهيمه يمكن تختلف أو تتفق معكى فى مفهومى عن حقيقه الكاتب "أنيس منصور" لكن الأكيد أن كتاباته لن تمر عليك مرور الكرام .
دى كانت بداية حديثى عن "أنيس منصور" وليست نهايته!