السعادة المفقودة

لما يضيع منك طريقك
وتحتفى معالم إسمك وتاريخك من سجل الخالدين
وتصير فى سجل المفقودين
لما تختفى إنت من خريطة الزمان والمكان
لما تتنفس أهاتك.......
لما تكظم غيظك وسط بحور الهم
لما يستحيل الكلام على الشفايف
لما الصمت يصبح سلاح
تقتل بيه كل الكلام الجميل
لما النور يصبح ظلام
لما تتمنى المستحيل
لما تغيب البسمة
وتغيب نظرة الحنين
لما يصير الحب ذكرى
والأيام الحلوة ذكرى
والسعادة تبقى ذكرى
لما نحلم بالسعادة
نبحث عنها فى الأوراق القديمة
فى الأدراج فى الدواليب
نبحث عنها فى جيوب الماضى
فى جيوب المستحيل
لما تصبح سعادتنا ذكريات
كل ما نشتاق لها نسرح فى اللى فات
أفتكرها لما كانت إيدى فى إيدك
لما كنا نتبادل النظرات
لما كنا نتبادل الضحكات
أفتكرها لما كنا صغيرين
لما كنا بنًكبر ليلة العيد
لماكنا نلبس الجديد
لما كنا نصلى صلاة العيد
لما كنا ناخد العيدية
ونخرج للملاهى والمراجيح
كانت لحظات السعادة
لما نضحك من قلوبنا
فى لمة الأصحاب
لما كنا متجمعين
قبل ما تفرقنا السنين
قبل ما تخاصمنا الفرحة والسعادة
الأن هما فين ؟!
الفرحة والسعادة ....!
أصبحوا مفقودين....!