جوزي محشش

جوزي محشش وحاله ملطش ولا على باله وده بقي عيبه
بينضف جيبه ولا دارى بحاله من شرب الكيف
من ضمن عيوبه مفيش في جيوبه ولا حق رغيف
ضيع ف فلوسه والكل يدوسه يقوم يضربها وعايز يشربها
لو قلتله ماله وأهو مسطول دايما علي طول من اللي جراله
وانا مفروسه وأسكت وأهرى وأنكت وأندب علي حاله
دايما أزمه مفيش ولا لقمه ومالوش لازمه لو ضيف جاله
ماشى مع شله تجيب العله ونهاره وليله قالبين حاله
ليلاتي يخدوه الصبح يجيبوه وماهوش دريان ودي أحواله
لو قلتله فوق أو أصحى وروق يعمل فيها كمان عيان
وأحكى وأقول علي طول مسطول ولنص الليل بايت سهران
على حظه بيندب حاله أتشقلب بقت بوليكه مش زي زمان
باكون حاسه لو عامل طاسه وجاي معمر وما أكلمهوش
نهاري يكون طين لو بصيتله بعين أوما سألتوش
أبقي أنا حسباها وأهي جته معاها وروحها مفيش
يبص بعين يشوفني أتنين لو لسه ف راسه ف المخ حشيش
لو قلت له كلمه يقلبها لضلمه يركبه عفريته ويقلب لشاويش
وانا لازم افضل ومسيره ح يعرف بيته من غير الست مفيش
مع تحيات / شاعرة البحر