أقف في الصف

أقف في الصف
قوم خطي
واعزف
حلمك الوردي
وغني غنوة
الأجيال
كورال الحب والموال
جميل جدا
خلاص الفجر
اهو بيدن
وغنوة وطني مسموعة
وصوتها
في الفضي رحال
جبال الظلم مداسة
وصوت أحلامنا نفاسة
في سما بكرة
وفيها الضي
قام بيبوس
خدود الفجر
سلامة عليكي
يا طاهرة
دموع الغدر
ضميرك حي
والثورة
علي الأفعال
ده صوت الماضي
كان عورة
كفايا لف ومناورة
علي الفاضي
ده صوت العدل
في بلادي
ضمير شادي
بأجمل حس
بلدنا بتبكي موجوعة
عذاب الأمس
ومش معقول
نسيبها لخونه بتهرج
وفي المعلب
نقف ساكتين بنتفرج
وحلمنا كورة تتبدل
في رجل فلول
نظام بائد
يشوط فينا
لطريق مجهول
يبيع أمانينا للعادي
بتمن كان بخث
تعالي نشد م الماضي
حضارة أمس
ونرمي الخوف
ونتسابق
في عين الشمس
نقول الحق
والانجاز
يكون بالفعل
بلدنا كانت الإعجاز
وليه نبقي
في قصيدة شعر
مجرد صورة
مكسورة ونبقي مجاز
وكلمة باهته ع الصفحة
مجرد لمحة
أو نظرة علي البرواز
هتعرف أن
كان أصلك عريق
والفن
كان أصلك
وفضلك
ع الجميع لو بس
تشوف الصورة
محفورة
بآمال مش يأس
هتلقي حضارة منقوشة
ومفروشة
لحد الشمس
بصلها
وقوم اتوضي من نيلها
وبوس الأرض
وصلي الفرض رتلها
قوم ادعي لها
ومد الأيد ودوس
كابوس الصعب
بصوت الحب غنيلها
دي مش هتهون
وكون الحارس
الواقف
يحارب ذلها المسكون
وفارس
حلمها اللي غاب
أقف علي الباب
وحنيها
بدم الشوق
واطلع بيها
فوق الفوق
وخدها ودوق
جمال الحضن
دي هيه الأم
وانت الابن
بتنهدلك عشان تبني
تهد السجن
تعالي نشتري نهارها
ولو بالدم
تعالي نبني أفكارها
نطهرها
دي حيض الغم
نجسها
بقالوا دهر
ولو كان
عمري او عمرك
تمن علشان
في يوم نتلم
قليل المهر
في سبيل
أن ترجع مصر
===========
رابط القصيدة على اليوتيوب
http://www.youtube.com/watch?v=s6kkVfMDBrw&feature=related
-------------
بريد الشاعر
mabouzeid87@yahoo.com