أنا جندي مصري علي الحدود

أنا جندى مصرى سايب أهلى ...
ع الحدود ساكن تملى....
واقف بحمى أرضى وعرضى ...
وسلا-;-حى صاحى تملى ....
يحمى رمال بلدى ....
مصرى مجدع مش خايف ؟؟
أنا قلبى ميت وفى الحديد بفوت ....
ياجدع دا أنا تربيه أسود....
فى العسكريه علمونا مبدأ ....
الجدع ع الجنه يسبق ...
فى العريش زميلى مات وأندفن من سكات....
وأنا دورى أكيد فى يوم جاى.....
أمى هتبكى شويه وأبويا هيعيش مهموم ...
وأختى هتبكى لما تبص لسريرى ....
وتلا-;-قى بياده وبدله بدمى غرقانه......
وأخويا هيحزن لما يجى فرحه وانا مش جنبه زى ماوعدته....
وحبيبتى هتخاف تظهر دمعها ....
ويسألوها مالك معقول ....
تقول مات اللى كان بيحبها.....
كان أمير وساكن قلبها ....
كان حالف يعيش عمره جنبها....
سامحونى كلكم ......
مش بأيدى سبتكم ....
بلدى نادتنى مقدرتش أسيبها وحدها....
مين يسهر فى عز بردها ....
يدفي بسلا-;-حه أرضها ...
وبالبارود يغطى رملها ....
أمى هتلا-;-قى اللى يواسيها .....
وأبويا هيلا-;-قى فى دهره أخويا...
وأختى جوزها عن الدنيا هيغنيها ...
وحبيبتى ربنا يبعتلها اللى يحافظ عليها....
لكن بلدى مافيش غيرى يحميها ....
وأنا أكتر واحد أعرف اللى يرضيها....
ما هى البحر اللى ببرمى سرى فيها ...
وهى القلب اللى بشتكى همى ليها.....
وانا وقت الخطر احمى أراضيها .....
هى حبيبتى ...
ودمى مهرى ليها ...
اموت أنا وتعيش بلادى حره ومرفوعة الراس أمام اعاديها ...
حمدى السعيد سالم
صحفى ومحلل سياسى