( أه م الجنيه )

ابن الجنى
لخبط حياتى
وجننى
أطبقه يلويلى بوزو
أبوس إيديه يبعد
عنى
أجمعه جنب إخواته
يستعجبوا ويضحكوا
منى
يا خلق حد
يفهمنى
سعادته ليه زعلان
منى؟!
رد عليه سيادته فى يوم
وقال لى إيه
تطلب منى؟!
أنا قلتله وبصوت
مخنوق
ياريت سعادتك
تسترنى
وتكون حنون وتخف
جنون
ولأخر الشهر
تكملنى
بص لى من تحت
لفوق
وقال يا عم صحصح
فوق
لو كنت عارف حالى
فى السوق
مكنتش تطلب كدة منى
دا أنا حالى يصعب ع
الغلبان
وعيشتى سودة وحالى
عدمان
وليعدلوش حتى
الجنى
وقروشى حالهم ع الرحمن
إيه إللى مستنظره منى ؟!
أنا إللى كنت وكان يا
ما كان
كان ليه قيمة وليه
مكان
بقيت لبانة على كل
لسان
ودمعتى فرت
منى
بذمتك منتش
مكسوف
وإنته بتطلب كده
منى
باين عليك عقلك
مهفوف
ولا إنته ناوى
تجننى
وع العموم ربك موجود
هوالكريم وأكرم
منى
قادر فى يوم يعدل
حالى
وأتنصف
وتعيش منى