بالصور .. أكثر 5 عربيات "كوول" في العالم

يعني إيه عربية "كوول" .. ؟! هي العربية اللي تزيد من هدوئك وانسجامك مع نفسك ومع الناس من حولك .. يعني " بتظبط لك الموود " ، العربيات الكوول مش بنشوفها في الشارع طول الوقت يعني مش منتشرة،
وممكن تخرج مع حبيبتك فيها وتلفوا في الشوارع.. هي كمان العربية اللي ممكن تميل دماغ أي حد يشوفها، وتخليك البرنس في وسط أصحابك .. من الآخر العربية الكوول هي العربية اللي ليها جاذبية جامدة جدا.. وهي اللي تخليك واثق من نفسك مش ومهتم بالناس هتقول ايه.. دلوقتي تعالوا نشوف ايه اكثر 10 عربيات كوول في العالم:
1- فيراري FF : بتجيب 100 كيلو متر في 3.5 ثانية وقوتها 651 حصاناً وثمنها 300000 دولار .
مش هتلاقي أحسن من كده .. عربية أول ما تشوفها تبقي عايز تكون أول واحد يسوقها مش تاني واحد.. مش مهم انت بتفكر فيها ازاي لانها هتفاجئك بنوعية من الأداء ما يعرفهاش غير الملوك.
2- سبايكر C12 زاجاتو: بتجيب 100 كيلو متر في 3.8 ثانية وقوتها من 500 الي 650 حصاناً وتمنها 648000 دولار .
العربية متميزة بجمال لا مثيل له وكماليات وقوة.
3- جاجوار :XKRS بتجيب 100 كيلو متر في 4.2 ثانية وقوتها 550 حصاناً وثمنها 132000 دولار .
أول ما تشوف العربية هتلاقي استايلها مش ملفت للنظر، لكن لما تشوفها بتجري علي الطريق هتحس كأن وحش بينقض علي فريسته وساعتها هتغير رأيك فورا لأن الاستيل بتاعها ملوش علاقة بالشكل لكن بالأداء.
4- أودي R8 بتجيب 100 كيلو متر في 3.6 ثانية وقوتها 525 حصان وثمنها 114200 دولار .
شكلها مميز جدا وممكن تميل دماغ أي حد عشان يركبها أو يشتريها وممكن لما تشوفها تحب تاخد صورة معها.
5- أستون مارتن وان – 77: بتجيب 100 كيلو متر في 3.5 ثانية وقوتها 750 حصاناً وثمنها 1400000 دولار .
أستون مارتن حصلت علي لقب أكتر شركة عربيات "كوول" في انجلترا، وكمان هي العربية اللي بيركبها جيمس بوند في أفلامه، وأكبر سرعة لها هي 322 كيلومتر في الساعة.