حديث المدينة

التقديم : عفوا نحن لا نبغى لاثارة ولانقصد على اى حال اثارة الفزع انما يهمنا عررض الحقيقة بكل جوانبها خصوصا عندما يتعلق لامر بصحتك وبحياتك سأدخل مباشرتا فى الموضوع هناك هواجس وبقول هواجس حول استخدام البلاستيك فى حياتنا نبعث نجيب الفول المدمس فى كيس بلاستك واللبن فى كيس بلاستك والعيش فى كيس بلاستك ولعب لاطفال بلاستك والبالونات اللى بيحطوها فى فمهم بلاستك والميه المعدنية فى اكياس بلاستك ونخزن الفاكهة فى كيس بلاستك زمان كنا ناخذ الفاكهة فى قرطاس ورق اختفى الورق ودخلنا عصر البلاستك وبدات التحذيرات ولاتهامات لاستخدام البلاستك الغير امن ببساطة انه بسبب سرطانات ويسبب عقم بسبب المادة اللى بتتحلل وبتهاجر من البلاستيك للمادة الغذائية فى الميه فى العصير فى الفاكهة فى اللحمة فى الفول المدمس بدأت الحكومات تنتبة وتحرم تمامااستخدام البلاستيك واهتمت بالطبع مراكز البحث
العلمى عبر عواصم العالم فى فهم ابعاد الموضوع كان من المهم ان اطلب لقاء ناس متخصصة لان المصداقية تنبع فى نهاية لامر من المتتخصصين وفى سلامه الغذاء او فى تكنولوجيا او سواء لمن يتعامون مع البلاستك المهم ان المعلومات اللى بيقولوها هؤلاء يبقى لها مصداقية عند البيت المصرى عند حضراتكم واستخدامكم فى حياتكم اطرح الموضوع لاهميته فى حديث المدينه
فاصل
مفيد : انت استاذ متخصص فى سلامه الغذاء بعيدا عن التفاصل العلمية الناس عايزة تفهم اللى بيشفونا ايه مخاطر البلاستك لما اقرأ انا عنوان شديد لاهميه احذروا من وضع الفول المدمس فى اكياس بلاستيكية انا شخصيا مش كونى انا بحاورك حتى فى حياتى الشخصية تساءلت لما فهمت ان فى محازير من استخدام البلاستيك هل احط الجبنه فى بلاستيك هل ابعث اجيب الفول فى بلاستيك هل اللبن احيانا ممكن نجيبة فى بلاستيك
الناس تحب تفهم بقى
أ د / صلاح عبد الفتاح : هو طبعا بالنسبة للبلاستيك فى مركبات عديدة لصناعة البلاستيك بيدخل فىا كلها مركبات وchemicalsوهذه المركبات لها نسب سواء فى التصنيع وسواء من هجرة هذه العناصر الى المادة الغذائية نفسها مفروض قبل اختيارى فكرة هجرة يعنى حضرتك المادة العبوات البلاستيكية دى مصنعه من مجموعه من موادكيميائية فا نتيجة حفظ الموادالغذائية فىا او تعبئة المواد الغذائية فىا فا يحصل فىا عملية هجرة هذه المكونات اللى هى نوع منها الوعاء البلاستك المادة الغذائية طبقا لعوامل عديدة مش هنخش فى تفصيلها حضرتك لكن هعطى لك مثل هى انتقال هذه المواد ال chemicals
مفيد فوزى : فاهمة يا هالة هالة دى مديرة البيت فاهمة اللى بيقوله د قال هجرة فاهمة هو قصدة ايه بيقول هجرة هل هو التحلل ؟
أ د / صلاح عبد الفتاح : لأ يا افندم
مفيد فوزى : هل هو المواد البلاستيكية بتذوب فى الفول المدمس وفى اللبن نفسى افهم ؟
أ د / صلاح عبد الفتاح :اه اللى هى هجرة المواد اللى بتتصنع منها العبوات البلاستيكية الى الغذاء دى لها عوامل بتتوقف عليها
مفيد فوزى : طول بالك طول بالك الكيس البلاستيك اللى فية الفول فى حاجة بتخرج من الكيس البلاستيك تذوب مه الفول المدمس تذوب مع الجبنه او تختلط باللبن فى ..؟
أ د / صلاح عبد الفتاح : ايوه اتفضل يا افندم
مفيد فوزى : فهمنى ؟
أ د / صلاح عبد الفتاح : فى وحسب مدة التعرض
مفيد فوزى : يعنى دية هل انا احط الفول ده او اللبن او الجبنه فى الثلاجة فترة طويلة يعنى نخزنها اكثر يبقى ده عرضة اكثر الى انها تتحلل؟
أ د / صلاح عبد الفتاح : شوف حضتك العوامل بتتوقف على لاتى مدة الحفظ درجة حرارة الحفظ نوع المادة اللى انت بتحفظها واخد بال حضرتك
مفيد فوزى : طبعا الناس اللى قاعدة تشوفنا تقول لى ايه ما تسأله يعنى ايه حفظ مين ؟
أ د / صلاح عبد الفتاح : درجة حرارة الحفظ
مفيد فوزى : مين يفهم يا دكتور درجة حراة الحفظ بترجاك يا دكتور وارجو تفتح لى قلبك
أ د / صلاح عبد الفتاح : ايوه
مفيد فوزى : كل لاساتذة المتخصصين فى هذه لامور عندكم درجة برمجة كذا وكذا وكذا اكاديميا ولكن التخاطب مع الجمهور الذى يرانا نحن لسنا برامج ثقافية نحن برامج يخاطب الناس كل الناس اللى حضرتك شايفينك دلوقتى بيبعتوا العيال يجيبوا فول لبن جبنة وبنشرب الحاجات السائحة فى البلاستيك وبدؤا دلوقتى لاحظت انا ان بقى فى دلوقتى زجاجات ماء زجاج وزجاجات حاجة سقعة زجاج فهمنى
أ د / صلاح عبد الفتاح : بالنسبة لان انا اضع فىم فول ساخن فى كيس نايلون هذا يتوقف هل الكيس ده مطابق للاشتراطات ولا مش مطابق طبعا محدش عارف انه مطابق ام مش مطابق لكن نصيحة احنا بنقولها اذا احنا احضرنا كيس نيلون وفى فول يبقى من لافضل اننا ننقل الفول الى اناء اخر افضل من الكيس البلاسيتك
مفيد فوزى : دكتور انت بتخاطب هالة 00 هالة دى رمز لاى احد فى البيت فاهمنى قول لهم اى بلاستيك انا ابعث فى انا مثلا انا على طول شلت الجبنه اللى فى اكياس بلاستك وعنتها فى الثلاجة العيش اللى فى بلاستيك حبيت احطة فى ورق مش احنا زمان يا دكتورصلاح كان يبيعوا لنا اللحمة فى الورق اياه الخشن ده
أ د / صلاح عبد الفتاح : ايوه
مفيد فوزى : وكنا ناخذ الفاكهة فى هذا الورق الخشن ما عاد هذا الورق كل حاجة دلوقتى بلاستيك
أ د/ صلاح عبد الفتاح : ايوه
مفيد فوزى : هل ده صحى ؟
أ د/ صلاح عبد الفتاح: سياتك طالما تحفظها عند درجة حرارة منخفضة مفيش حاجة
مفيد فوزى : يعنى ايه درجة حرارة منخفضة ؟
أ د / صلاح عبد الفتاح : فى الثلاجة جوا الثلاجة
مفيد فوزى : ايوه فى الثلاجة احطها على درجة كام يا دكتور صلاح؟
أ د / صلاح عبد الفتاح : درجة الثلاجة معروف من خمسة الى عشرة طالما حضرتك حتطها فى درجة حرارة منخفضة فى شك موضوع انتقال المواد لاوليه دى اللى بيطلع منها البلاستيك الى الماده الغذائية بتبقى شبه معدومه بس انا عايز اشرح لحضرتك حاجة مش كل انواع البلاستيك ضار هما ثلاث انواع وبترجع للمادة لاولية المصنوع منها البلاسيتك ؟
مفيد فوزى : لو سمحت تفهمنى اية النوع اللى الناس تفهم منه تعرف ده ضار او مشا ضار انصحنى ؟
أ د / صلاح عبد الفتاح : حضرتك انا بالنسبة لى وبالنسبة لحضرتك انت بتيجى
مفيد فوزى : انت في بيتك بتعمل ايه؟
أ د / صلاح عبد الفتاح : بتشترى البلاستيك بتدخل السوبر ماركت بتشترية وبتقرأ تعليمات ده بيستخدم للسندوتشات ده بيستخدم لتعبئة الخضار مين بقى بيستخدم الكلام ده حضرتك بتقرأ التعليمات
مفيد فوزى : فين حتى الكلام ده؟
أ د / صلاح عبد الفتاح : انا بقرأها وشايفها
مفيد فوزى : فين فين ؟
أ د / صلاح عبد الفتاح : فى السوبر ماركت بتشترى الباكيت الباكيت بتاع البلاستيك فى مجموعة خضرتك ما اروحش اشترى باكت مخصوص اساسا باستخدم فى بحط حاجات الويس اللى انا باتخلص منها ولا استخدمها لاغراض غذائية
فاصل
مفيد فوزى : عايز اسالك يعنى انت معلومات الصحة العامه انت بتعرفها ازاى هل من الجرائد التليفزيون لاذاعة
بشكل عام يعنى ؟
مواطن : طبعا من التليفويون
مفيد فوزى : ازاى فهمنى ؟
مواطن : لانى انا باتابع جميع البرامج الصحة التموين
مفيد فوزى : يعنى انت بتستفيد من معلوماتك عن الصحة من التليفزيون؟
مواطن : اكثر
مفيد فوزى : لما تتقال مثلا ان البلاستك خطر على لانسان
مواطن: فيى بعض حاجات مفيد وبعض حاجات مش مفيدة
مفيد فوزى : ازاى؟
مواطن : انا هقولك ازاى يعنى لما نيجى نتكلم الورق انا عامل لك حاجة اقول لك دى فىا ضرر ودى مفيش ضرربعدين الحاجة اللى هى مفىاش ضرر الحاجات دى بتيجى الشركات بتعملها فى المصانع مش معقول هتنزل حاجة مش مضبوطة وبعدين انا لما هنزل حاجات مش مضبوطة
مفيد فوزى : احيانا ممكن البلاستيك ده يبقى من مواد معمولة تحت السلم انا مش باتهمك لكن انا بحاول
افهم منك ومش بالضرورة يبقى كلامى منصب على محلك انا باكلمك على استخدام البلاستيك بشكل عام
مواطن : بشكل عام
مفيد فوزى : انت معاه ولا ضده؟
مواطن: انا ولا ضده ولا معاة لان هو ده بتاع العصر هو ده اللى ماشى انا كان زمان بنشتغل بأية
مفيد فوزى : بالكارتون وبالورق ؟
مواطن : وبالورق انا عايز اديك اوريك الحاجة الصحية والحاجة اللى هى مش صحية انا عايز اوريك عملى يعنى عايز اوريك عملى مش مهم عندى
مفيد فوزى : انا مش مفتش تموين
مواطن : لأ انت مش مفتش تموين
مفيد فوزى : انا بكلمك على لا ستخدام لاكثر امانا
مواطن : لاكثر امانا كل البلاستيكات وحشة كل البلاستيكات طب قولك على حاجة
مفيد فوزى : كل البلاستيكات زى ايه يعنى ؟
مواطن : الكرسى البلاستيك ده وهما انهاردة بيعملوة بيخففوة فا ما يعملوهوش ثقيل ليه علشان النسبة بتعتة تبقى واطية يعنى انت بتتكلم مثلا عن البلاستيك بس والكارتون طب والكانز ماهو ا لكانز ده فى شئ من الضرر يعنى فى ايه هما بييقولوا لك صلاحية ثلاث شهرو هو المفروض شهر واحد فا لما تيجى تفتحها بعد ستين يوم وتقورها وتشوفها من تحت هتلاقيها مصدية
مفيد فوزى : اه
مواطن : انا مليش دعوة بالشركات دا جميع العالم
مفيد فوزى : اذن هنا المشكلة مشكلة التخزين
مواطن : التخزين ده بالنسبة لايه اللى هو لمؤاخذه ده الصاج لان هما بيعملوة على اد ما تقدر رقيق ليه علشان ما يعملش صدأ
مفيد فوزى : استاذ دكتور مجدى مطاوع حضرتك ليك كتاب واضح انه كان ايام أ د الراحل سمير سرحان كان هو رئيس مجلس لادارة والكتاب يحمل اسم البلاستيك وتأثيراته الصحية والبيئية وانا اعلم ان لك خلفية فى بحوث البترول واخشى ان وانت بتكلمى عن البلاستيك ومخاطرة ان تنحاز كليا الى بحوث البترول ان البلاستيك باعتبار ان البلاستيك من احد مستخرجات البترول هل هذا الحذر اننى على حق
د / مجدى مطاوع : هذا حذر لكن لم يحدث لان البترول له ابحاثة والبلاستيك له ابحاثة ولامر اينعم له ان يثبت الجد بتاعة هو البترول او مشتق من البترول احد انواع الطاقة البلاستيك احد انواع الطاقة ان هذه نقرة وهذه نقرة اخرى فلا انحياز فى العلم العلم ليس فى انحياز
مفيد فوزى :خلينا ندخل فى الموضوع
د/ مجدى مطاوع : نعم
مفيد فوزى : مدير التصوير لانه اب فسألنى قالى حضرتك ما سألتش عن لعب لاطفال اللى مصنوعة من البلاستيك والواد بيحطها فى فمة وبيمضغها وبلاوى كثيرة والبيت المصرى لا يعلم تماما خطورة هذا الشئ واستاذ سلامه الغذاء قال لى انه المخاطر او لاضرارتأتى بتأثير تراكمى ما اعتقدش ان احنا هنفضل نستنى 3 4 5 6 سنين لغاية الولد ما يحصل له rementary retaird ويروح مدارس المعوقين والبلاوى دى كيف تحذر البيت المصرى من لعب لاطفال البلاستيك ده سؤال انا لية باكلمك باقول لك البشر اللى معايا المخرج قال لى يا افندم ده فى احيانا ناس تملء مياة لزجاجة بلاستيك خلصت ميتها المعدنية وتملاها من الحنفية وتحطها فى الثلاجة هل ده خطر انا سألتك سؤالين هنجاول وعلى واحد واحد اتفضل ؟
د/ مجدى مطاوع : اول امر سعتك اتكلمت فى هو لعب لاطفال هو له حق ان يخاف فا لعب لاطفال من اخطر ما يكون العمليات اللى بتحصل فىا دلوقتى يعنى كثيرا جدا جدا ما تجد فى لاسواق عديد من العلب او لعب لاطفال او اطباق لاطفال لا يجوز ان يستعملوها لانها دخلت مصر تحت اى مسمى الجهة الرقابية عليها الصادرات على الواردات بتطلع نوع بلاستيك لطيف شيك شكلة لونه جميل او مغرى انا احب اجيبة لطفلى كعادتى ولكنة غير مصنوع اصلا لهذه اللعبة لعبة لاطفال لابد ان تكون من نوع من ا نواع البلاستيك او المطاط لامن
مفيد فوزى : اعرف ازاى؟
د/ مجدى مطاوع : سعتك ما تعرفش ولكن ا للى بتشتريه منه عارف العبوه او البزازه او اللعبة او البلونه مازلت موجودة من شركه لها ماركة كعتمدة فا تبقى تحت اشراف الترخيص والتموين والرقابه على الصناعات والتوحيد القياسى فى كذا رقابة كل يوم بيفوت عليهم واحد
مفيد فوزى : ما حضرتك بتقول ان فى ببرونات - وفى لعب بتدخل من منافذ
د/ مجدى مطاوع : ايوه
مفيد فوزى : تهريب انا اعرف منين دول؟
د/ مجدى مطاوع : دا اللى انا بأتكم عنه دى نقطة مهمه جدا لان انا لاحظت ان انا احب البالونات للاطفال وانا جايبها لهم وجدت فى بالونات فى لاسواق رخيصة صينى او تايوهنى او من احد البلاد خطيرة
مفيد فوزى : انت بتبيع ؟
بائع : انا وهو
مفيد فوزى : بيقولوا ان كل الحاجات اللى بيخدوها الولاد ..
بائع : مالها
مفيد فوزى : للاطفال مضرة لانها بلاستيك عندك معلومات بتفهم ؟
بائع : لأ والله
مفيد فوزى : عندك ما تفهمش
بائع : يعنى انا مفهمش
مفيد فوزى :عندك كام سنه؟
بائع : عندى 15
مفيد فوزى : انت اللى بتبيع؟
بائع : ا ه
مفيد فوزى : انت عارف ان البلونات اللى بيخدوها الولاد خطر؟
بائع : معرفش
مفيد فوزى : متعرفش ؟
بائع : لأ ما اعرفش
مفيد فوزى : يعنى العيال يقفوا هنا امام لاخ ده وينبسط من المشهد ويشتروا ويروحوا فى داهية فى ستين داهية خسارة خسارة لا فى رقابة ولا اى حاجة
بائع : اعمل تنبية فى التليفزيون
مفيد فوزى : حاضر نعمل تنبية حاضربتجيبى للاطفال الصغيرين بالونات
مواطنة :اه
مفيد فوزى : ده بيقولوا انها مضرة جدا
مواطنة : ماهو للاسف احنا عرفنا ده بعد ما بقينا نجيب كنا لاول بنجيب البالونات بتاعت العيد التفاريح بتاعت اعياد الميلاد والكلام ده كله بعد ما عرفنا المادة اللى فىا ما بقناش نجيب
مفيد فوزى : ما بقتيش تجيبة
مواطنة : اه
مفيد فوزى : بطلتيه
مواطنة : اه الحمد لله
د/ مجدى مطاوع :الحقيقة بقى احنا بنحب نوعى الناس انت مش بسهولة ان انت تجيب كل ما يقع تحت ايديك وبعدين تحرى عنه تحرى عن اصلة
مفيد فوزى : انصح الناس
د/مجدى مطاوع : ما انا بانصح الناس
مفيد فوزى : لانه لانه البرنامج يا دكتور مجدى هدفة الحقيقى هو لاحاطة
د/مجدى مطاوع : هذا حقيقى
مفيد فوزى : انا مش طالع معاك علشان خاطر اتمنظر دا صورة وبعدين احنا مش قاعدين فى استديو مكيف
انا جاى لك مكانك فى مكانك فى بحوث البترول علشان خاطر نفهم والبيوت تعرف هل هذا استخدام امن ولا لأ
د/ مجدى مطاوع :هذا البرنامج وحضرتك قلت لان شئ خطير طبعا هذا الوضع انا الحقيقة يعنى مش بعمل يعنى ثقافة للمجتمع فى نواحى كثير جدا فى هذه الخطورة وفى هذا الموضوع الوم على القنوات الفضائية اللى هى ما بتدعوش الى هذا فى كثير زى واحسن منى وعندهم ثقافات كويسة ولكن اجد برنامج زى برنامج سعتك مثلا زى البرنامج الثانى بتاع منى الشاذلى زى البرنامج بتاع محمود سعد ليه ما تجبوش الناس يتكلموا فى هذا الكلام يقولوا فى احسن منى يجيبهم يكلمهم ويقولوا وينصحوا الناس اقول لست البيت يحطوا فى الثلاجةايه بعد ما تطبخوا يحطوا لاكل فى ايه ما تلبسيش ايه ما تلبسيش طفلك اية
مفيد فوزى : طب ما تقول انت يا دكتور؟
د/مجدى مطاوع : اقول انا تحت امرك اريد ان اقول اول حاجة
مفيد فوزى : انا ودنى بتسمعك والناس بيسمعوك
د/ مجدى مطاوع : الحقيقة انا سعيد جدا جدا وأ مفيد بيسمعنى لان اذن أ مفيد فوزى لما بتسمع بتسمع شئ له اهميته
مفيد فوزى : شكرا
د/مجدى مطاوع : انا بتكلم عن اولا لازم ان انا المحلات الصغيرة بعض لاطباق البلاستيكية احد انواع البلاستيك ما بقولش طبق بلاستيكى طبق من البلاستيك ماهو عاد انواع كثيرة لكنة رخيص الثمن حاجة رخيصة هتيجى تتعمل فى لاطباق دى وتيجى على لارصفة تتباع بملاليم اجد الطبق
بائع : 50 قرش ادخل المحل اجيبة يقولى ب 3جنية ونصف الله ازاى اقول انما لأ دا معمول من خامة نظيفة وهذه من خامة رديئة رخيصة الثمن ما هو ممكن ب 0000 1لاف او ب 15000جنية اجيب ماكينة بلاستيك احطها فى حجرة النوم مش عايزه مكان جانب السرير واجيب شكاير بلاستيك اللى هى معاد تدويرها من الزبالة بتتباع بالشكاير تيجى لى كل يوم شيكارةا نهارده عايز اعمل شوية كبايات اعملهم على دخول المدارس اعمل شوية زمزاميات اعملهم
مفيد فوزى : ليه اتمنعت اكياس الزبالة السودا اتمنعت ؟
د/ مجدى مطاوع :اول حاجة قبل ما اقول لسيادتك اتمنعت ازاى وانا عارف اتمنعت ليه كان البلاسيتك رخيص فى المنزل بدون رقابة
مفيد فوزى :هو فى ناس عندها مكن بلاستيك فى البيوت ؟
د/ مجدى مطاوع : ممتلئة فى البيوت بيها لانها كويسة مكسب كويس اجيب شيكارة البلاستيك عندى انزلها اطباق انزلها زمزاميات
مفيد فوزى : بتجيب مكسب كويس؟
د/ مجدى مطاوع :طبعا
مفيد فوزى : يعنى فى ناس بتعمل البلاستيك فى البيوت ؟
د/ مجدى مطاوع : طبعا
مفيد فوزى : يعنى كأنها مصانع تحت السلم ؟
د/ مجدى مطاوع : نعم تحت السلم وفى غرف النوم كمان لانها رخيصة بتتعمل فى السبتية بنصنعها اوفى المنصورة حاجا ت زى كدا ونبتدى المشروع نصف المسكب كدا ماكينه
مفيد فوزى : الدولة عارفة كده؟
مواطنة : والله الدولةاصل الدولة الحقيقة انا عايز ا لوعى
مفيد فوزى : معلش فى رقابة عليها ؟
د/ مجدى مطاوع : يعنى اكيد لو مسكوا الماكينة دى فى بيت هيقولوا انت اخذ ترخيص وا لا لأ
مفيد فوزى : بتشترى حاجة فى كيس بلاستيك ؟
مواطنة : كيس بلاستيك اسمر لأ
مفيد فوزى : الكيس البلاستك ماله؟
مواطنة : لاسمر
مفيد فوزى : اه مالة ؟
مواطنة : مش صحى
مفيد فوزى : مش صحى؟
مواطنة : مش صحى
مفيد فوزى : ليه عرفتى منين ؟
مواطنة: ما انا عارفة بيتلم من الزبالة ويرجعوا يصنعوه نخلفات الزبالة
مفيد فوزى : اه
مواطنة : بيلموه ويرجعوا تانى يصنعوه مش صحى
مفيد فوزى : اة يعنى الناس بحذرهم يعنى
مواطنة : اه غلط والخلق مليانة امراض لوحدها
مفيد فوزى : طيب لاكياس العادية تحط فيها اللبن مثلا ؟
مواطنة : لأ احنا بقينا نفضل نأخذ لبانة او اى حاجة وكمان لاحسن لاستلس
مفيد فوزى : لاستنلس تيل ؟
مواطنة : اه اه
مفيد فوزى : بتجيبى للاولاد انت عندك اولاد صغيرين؟
مواطنة : اه
مفيد فوزى : بتجيبى لهم بالونات بلاستيك ؟
مواطنة : ما بأفضلش اجيبها
مفيد فوزى : والله برافو عليك انا معجب بيكى لانك مفتحة ومنورة
مواطنة : يارب يخليك يا استاذ مفيد انا كان نفسى اشوفك من زمان
مواطن : لو برضه ماشى اوكية لكن لو سخن مش هنقدر نحط حاجة
مفيد فوزى : ليه ليه ؟
مواطن : بتتفاعل مع الساخن لكن مع البارد باسمع انها ما بتتفاعلش هما بيقولوا كدة
مفيد فوزى : انا بكلمك هل انت تعرف ان البلاستيك لما تحط فى الكشرى ضررعلى الناس ؟
مواطن : دا لو قعد فترة طويلة لكن لو الزبون اخذه نصف ساعة مفيش مشاكل خالص
مفيد فوزى : يعنى انت عارف ان هذا الكيس البلاستيك لما يقعد فترة طويلة فترة طويلة ايه فى الثلاجة مثلا ؟
مواطن : لأ انا مثلا مستعجل وعاوز علبة كشرى نصف ساعة باكلها وبارمى كل حاجة وخلاص وانتهى كلى شئ
مفيد فوزى : هل فى زمان طريقة ان ناس تأخذ فىا الكشرى غير لاكياس البلاستيك ؟
مواطن : لأ مفيش ماكنش فى
مفيد فوزى : طول عمرها البلاستيك
مواطن : اه طول عمرها البلاستيك
مفيد فوزى : انت بتعرف معلوماتك الصحيحة منين من التليفزيون ولا من الجرائد ولا من الراديوولا منين ولا كدة
مواطن : لأ ازاى
مفيد فوزى : طب قولى طب قولى
مواطن : معلوماتى باخذها من التليفزيون ومن الجرائد بقرأ وبكتب وعارف كل حاجة يعنى
مفيد فوزى : مش لما الناس تقول لك ان الكشرى ممكن يبقى فى احيانا مشاكل صحية
مواطن : من ناحية
مفيد فوزى : من ناحية انه مش متنقى او لارز فى بلاوى؟
مواطن : هقول لحضرتك حاجة
مفيد فوزى : رغم ان انا عارف ان الكشرى وجبة الشعب المصرى
مواطن : ايوه ايوه
مفيد فوزى : هو ايه بقى غلى ولا بكام ؟
مواطن : لأ هو الكشرى على حسب سعر السوق على حسب المكرونه بتغلى الكشرى بيغلى
مفيد فوزى : يعنى ايه على حسب سعر السوق ؟
مواطن : يعنى مثلا المكرونه بتغلى الكشرى بيغلى
مفيد فوزى : هو عملة اجنبية ؟
مواطن : لأ مش عملة
مفيد فوزى : سعر السوق دولار مثلا؟
مواطن: مش دولار يعنى انا هقول لحضرتك حاجة كان من فتره كيلو المكرونه كان بجنية ونصف
مفيد فوزى : ده ده بتملاه بكام كشرى ؟
مواطن : دى بتتملى من 2 جنية 2 ونصف 3 كده
مفيد فوزى : الله يعنى العيلة لما تكون بتأخذ كل واحد واحد من دول بتاخد ايه؟
مواطن : على حسب ما هو عايز بقى
مفيد فوزى : خمس عيال؟
مواطن : خمس علب فى 2 جنية العلبة ذى دى مثلا بانبه على الزبون
مفيد فوزى : انت بتنبة الزبون؟
مواطن : اه بنبة الزبون
مفيد فوزى : تقول له ايه ؟
مواطن : بقوله سياتك العلبة دى ما تقعدش معاك اكثر من ساعة حتى لو هو نازل سخن طازة ما يقعدش اكثر من ساعة لانه عارف بقى البلاستيك
مفيد فوزى : انت عارف اضرار البلاستيك
مواطن : ايوه عارف اضرار البلاستيك عشان كده براجع على الزبون
فاصل
مفيد فوزى : مهندس محمد مصطفى عايز اقولك حاجات استخدامات فى حياتنا للبلاستيك من المهم ان الناس تعرفها بعض الناس تمشى فى السكه غلابة تمشى فى السكه تلاقى واحد بيقول 5 شربات بعشرة جنية يعنى الشراب ب 2 جنية شرابات بلاستيك يشترى ستات تلبس ملابس داخلية مش قطن لان القطن غالى فا تبقى ملابس بلاستيك البامبرز بلاستيك الحفاضات بلاستيك كيف ترى هذا لاستخدام هل هواستخدام امن ام لا والذى يسمعك هو البيت المصرى
مهندس/ محمد مصطفى: البلاستيك اللى بيستخدم لاستخدامات المنزليه
مفيد فوزى : هو اللى انا بقولة
مهندس/ محمد مصطفى: اللى حضرتك بتقولة ده
مفيد فوزى : نعم
مهندس/ محمد مصطفى: تم دراسة كل مكوناته دراسة مستفيضة جدا والدراسات ولابحاث اللى وافقت على مثل هذا لاستخدام تؤكد ان هذا لاستخدام امن جدا جدا جدا حين جاء من مصدرا صحيحا معلومه
مفيد فوزى : يعنى ايه ؟
مهندس/محمد مصطفى: يعنى لو جاى البلاستيك ده من مصنع مسجل معروف تاريخة فين معروف المصنع ده منتجاته موجوده فين باسمة وليست منتجات مجهولة
مفيد فوزى : وهو اللى فى الشارع ده خمس شربات ب 10 جنية يلا يا جدع خمس شربات ب 10 جنية واشتراها ده جاى من المصنع
مهندس/ محمد مصطفى: حضرتك مختوم اسم المصنع اسم المصنع موجود عليه هتلاقى حضرتك الغلاف مكتوب علية مصنع كذا
مفيد فوزى : على البلاستيك ؟
مهندس / محمد مصطفى: اه طبعا
مفيد فوزى : الحاجات البلاستيك اللى بتيجى من الصين امنى ؟
مهندس / محمد مصطفى: حضرتك اى حاجة بتخش مصر هناك مركز للرقابة على الواردات اى حاجة بتخش تمس صحة لانسان سواء كان فى طعام او كان فى ملبس او ما الى ذلك يتم الفحص قبل ان يدخل وحضرتك احنا كمجلس فى اسكندريه
مفيد فوزى : وهو حضرتك فى الحزب الوطنى ؟
مهندس/ محمد مصطفى: لأ انا
مفيد فوزى : حاجة فى الحكومه
مهندس/ محمد مصطفى: لأ انا بقول لحضرتك انا عن نفسى مركزنا المركز بتعنا مش مركز تامين وبس لأ مركز تابع لوزارة الصناعة
مفيد فوزى : اه تبع وزارة الصناعة تبع رشيد محمد رشيد يعنى الناس هتشوفك دلوقتى على الشاشة تبع رشيد محمد رشيد
مهندس/ محمد مصطفى: الرئيس
مفيد فوزى : مش كده
مهندس/ محمد مصطفى: مش ده المقصود انا عاوز اقول لحضرتك
مفيد فوزى : اصلك انت بتدافع وبدون ما تبين للامر
مهندس/ محمد مصطفى: لأ انا متبين جدا انا عن نفسى
مفيد فوزى : يعنى لما بقول لحضرتك الملابس الداخلية القطن افضل ولا البلاستيك ؟
مهندس/ محمد مصطفى: لأ حضرتك القطن افضل
مفيد فوزى :طيب ما تقول كده
مهندس/محمد مصطفى: حضرتك ما انا قلت لك لو جت حضرتك من بره جميع الملابس لان بيضاف عليها مواد بلاستيكيه علشان تتحمل ما تتكسرش بسرعه اللى بيجلى انا بيتعمل اختبارات من جهات حكوميه وليست
مفيد فوزى : فى بلاستك غير امن ؟
مهندس/ محمد مصطفى: اه
مفيد فوزى تسمح تقول للناس ايه البلاستيك الغير امن ؟
مهندس/ محمد مصطفى: حضرتك الغير امن بس هو مجهول المصدرمجهول المصدر ولو كان بلاستيك ب
استخدامه فى المواد الغذائية لابد ان يعترف بيه كمصدر مبدئى
مفيد فوزى : قول للناس زى ايه ؟
مهندس/ محمد مصطفى: حضرتك اى حاجة بيتم اسخدامها زى لاكياس البلاستيك
مفيد فوزى : قول امثلة ؟
مهندس/ محمد مصطفى: لاكياس البلاسيتك اللى بيتحط فىا المأكولات
مفيد فوزى : زى ايه ؟
مهندس/ محمد مصطفى: حضرتك زى الكيس اللى بيتحط فى اللبن بيتحط فى الفول علب الجبنة
مفيد فوزى :ده غلط
مهندس/ محمد مصطفى: حضرتك غلط لما هو مجهول المصدرالشركات المعترف بيها
مفيد فوزى : الناس اللى فى البيوت يعرفوا مجهول المصدر من غير المجهول المصدر
مهندس/ محمد مصطفى: هذه ثقافة ما اقدرش اتحكم انا فىا مفردات هذا الكلام
مفيد فوزى : انا بقابل حضرتك فى البرنامج وباستضيفك علشان تقول للناس باسم علمك وخصوصا انك تمثل مركز تكنولوجيا البلاستيك فليس اكثر منك يستطيع ان يعطينى امثلة تفيد البيت المصرى
مهندس/ محمد مصطفى: حضرتك هناك من المواد اللى بتستخدم او بعبأ فىا المنتجات مجهولة المصدر هدف اى شركه معترف بيها العبوة بتعتها مكتوب عليها اسمها بدل اتكتب عليها اسمها يبقى الشركه معترف بيها وكل مواد يدخل لها مفحوص وكل شئ بيخرج منها مفحوص وبلاستك امن
مفيد فوزى : ماتخفش يا دكتور
مهندس/ محمد مصطفى: حضرتك انا مش خايف
مفيد فوزى : انت لن يقترب منك رشيد محمد رشيد اكثر وعيا انا لو قابتلة وقلت له جهاز البيئة جهاز حماية لمستهلك مش عايز حد يحمينى بتاع لالفى ده وهو رجل محترم يحمينى من ايه يحمينى من سلعة نظيفة او حقيقة او انا عاوز يحمينى صحيا فا قول قول طلع اللى فى قلبك
مهندس/ محمد مصطفى: حضرتك اى حاجة بتستخدم استخدام صحى بتفحص فحصا كاملا
مفيد فوزى :خلاص انت قلت لى ان الشرابات اللى ب 2 جنية الشراب الراجل يشتريه بارتياح
مهندس محمد مصطفى: حضرتك لو عليه اسم لو ليس عليه اسم ما يشتريهوش
مفيد فوزى : انا شايفك شايل حاجة فى كيس بلاستيك والناس بتقول على البلاستيك انه ضار
مواطن : ايوه يا افندم
مفيد فوزى : ايه رايك؟
مواطن : لأ طبعا فى حاجات بلاستيكات ضارة طبعا اللى هى الحمرة والحاجات دى واخد بال سعتك وطبعا الواحد يشترى حاجات يطمئن اليها
مفيد فوزى : بلاستيك اهو بلاستيك
مواطن : ماشى بس نظيف ما فىوش حاجة
مفيد فوزى : تعرف منين ؟
مواطن : اعرف ان هو ابيض اعرف ان هو ابيض
مفيد فوزى : هو كل بلاستيك ابيض يبقى نظيف يعنى
مواطن : لاسمر بيقولوا هو اللى
مفيد فوزى : مش امن؟
مواطن : اه اه اه
مفيد فوزى : الاسود للزبالة
مواطن : انما فى ناس بتحط فى حاجات لكن هو لاضمن الكيس البلاستيك
مفيد فوزى : هو الناس معلوماتها عن الصحة بتبقى منين ؟
مواطن : من الحياة نفسها من نفس الحياه
مفيد فوزى : من الحياة لكن مش من تليفزيون ولا من راديو ولا من اعلام؟
مواطن : الاعلام برضه الاعلام فى اساسى كبير قوى 99% من معلوماتنا بنأخذها من الاعلام
مفيد فوزى : اه كام %
مواطن : 99 % او 100% من الاعلام له دور صادق بيدينا بيانات سليمة
مفيد فوزى : هو الناس عندها منطق تفكر كويس؟
مواطن : المفروض المفروض
مفيد فوزى : المفروض لكن اللى بيحصل ايه ؟
مواطن : ان احنا فى ناس بتفكر كده وفى ناس بتفكركدة
مفيد فوزى: لكن الضرر بيجى من ايه ؟
مواطن : الضرر بيجى من ان احنا ما بنسمعش الكلام ما بنسمعش القوانين وبنسمع الحاجات اللى طالعة فى لاعلام او فى التليفزيون ما بنسمعش بيها كل واحد بيمشى بدماغة
مفيد فوزى : انت ممكن تشترى حاجة فى اكياس بلاستيك عادية؟
مواطن : لأ طبعا
مفيد فوزى : ليه ؟
مواطن : انا بخاف دلوقتى
مفيد فوزى : نعم
مواطن : بخاف دلوقتى
مفيد فوزى : بتخاف من ايه بالضبط؟
مواطن : بخاف تكون لاكياس دى تكون ملوثة
مفيد فوزى : بتخاف كل ما هو بلاستيك؟
مواطن : بالضبط
مفيد فوزى : طب بتخده فى ايه بتأخذ اللحمة مثلا فى ايه؟
مواطن : انا ما بروحش اشترى ما ما هى اللى بتشترية هناك
مفيد فوزى : بتشترى ازاى ؟
مواطن : بتشتريها فى اكياس بلاستيك عادية بس تكون لاكياس اساسا نظيفة
مفيد فوزى : ايه هتشتريها من السوبرماركت ؟
مواطن : لأ بأشتريها من الجزار
مفيد فوزى : وانت واثق فى الجزار؟
مواطن : اكيد بتبقى لحمتة مختومة
مفيد فوزى : اه يحطها لك فى بلاستيك ولا زمان انت عارف زمان
مواطن : كان فى ورق
مفيد فوزى :فى ورق بالضبط الافضل بالنسبة لك ايه ؟
مواطن : الورق طبعا
مفيد فوزى : اللحمه اللحمة يا دكتور طول عمرنا
د/ مجدى مطاوع : بنلفها فى ورق لحمة وكانت الجزار بيوزن بيها فا يعتبر انة باع للناس
مفيد فوزى : مش مشكلة
مواطنة : لأ دى كانت مشكلة ايامها
مفيد فوزى : كانت مشكلة ليه ؟
د/ مجدى مطاوع : ان هو بيبيع لحمة بيبيع كيلو الورق بكيلو اللحمه كان بيحطها تخينه قوى علشان يحط عليها اللحمة فا يوزنها لك بيها
مفيد فوزى : دكتور مجدى مطاوع مش الورق اكثر امانا دلوقتى هو بياخذ اللحمة يقطعها يحطها فى اكياس
د/ مجدى مطاوع : لأ يحطها فى طبق من الفوم الغير ملوث ولا يؤثر على الطبق ابدا نوع بلاستيك
مفيد فوزى : بالمناسبة هل الفوم ده الفول ؟
د/ مجدى مطاوع : فوم
مفيد فوزى : لأ انا بتكلم عن الفول اللى هو ..؟
د/ مجدى مطاوع : الفويل
مفيد فوزى : الفويل اه اسمه الفويل
د/ مجدى مطاوع : اه
مفيد فوزى: هل الفويل لما بتحفظ فى لاشياء صح ولا خطأ؟
د/ مجدى مطاوع : هذا خطأ
مفيد فوزى : خطأ ارجوك تقول للناس فى البيوت ليه ؟
د/مجدى مطاوع : ارجوكما انتم ارجوكوا انتم كا رجال للاعلام افتوحوا لابواب والنوافذ لهذا الكلام
مفيد فوزى : دكتور مجدى حضرتك دلوقتى بتقول ارجوكم افتحوا لابواب انا فاتح لحضرتك من باب انا فاتح لك
د/ مجدى مطاوع : ماهو القنوات الثانية
مفيد فوزى : سيبك من القنوات الثانية احنا بنتكلم عن حاجات متعلقة بينا ولما اقولك بينا يعنى بمشاكل الشارع المصرى
د/ مجدى مطاوع : لك ما تشاء
مفيد فوزى : نناقش دلوقتى الفويل اللى بيتحط فى العيش واحيانا الفاكهة هل دة خطر؟
د/ مجدى مطاوع : فى نوعين من انواع الفويل اللى بيتلف بيه انواع الجبنه بعد ما يشترى جبنة او اى حاجة يقوم لفيفها له هذا النوع مصنوع من مادة الدى فيى سى مش شغلهم ولكن مادة عليها اضافات كثيرة ممكن تأثر ا ذا تم لمسها للجبنة سايبنها تاخد وتدى منها فده خطأ طبعا مش عايزه كلام
مفيد فوزى : امال نعمل ايه يادكتور؟
د/ مجدى مطاوع : هقول سعتك تعمل ايه يعنى بالنسبة لدة
مفيد فوزى : الفويل خطر لاكياس الزبالة السودا
د/مجدى مطاوع : لا يجوز استعمالها
مفيد فوزى : خطر الميه تعبتئتها فى الزجاجات الميه اللى كانت موجوده قبل كدة البلاستيكيه خطر
د/ مجدى مطاوع : مش خطر
مفيد فوزى : مش خطر يعنى انت موافق على انك تحط ميه فى زجاجة شييفو خطر بالونات لاطفال خطر
د/ مجدى مطاوع :خطر بلاش كدة اكبر الفنادق فى مصر واكبر محلات اكل فى بعض احنا باكل فول وطعمية فى بعض الناس بيكلوا كباب وتجد الطبق اللى بيحط فى سلطة الطحينة وطبق سلطة الطماطم طشوط بلاستيكيه وجرادل بلاستيكيه هذا الجردل نظيف هو نظيف جدا وغسلة ومصبنه
مفيد فوزى : ا يه اعتراضك ؟
د/ مجدى مطاوع : اعتراضى اما جينا نصنع البلاستيك ما عملنهوش نحط فى سلطة اللى فىا خل وليمون وزيت وبروتين وبلاوى يحط فىا صابون ما يستعلمهوش فى غير استعمالة
مفيد فوزى : تنصح باية ؟
د/ مجدى مطاوع : صاحب المطعم او صاحب لاوتيل لو كان هو من ا لاصل خالص ما ا خذش الطشوت
والجرادل يحط فىا دى لو عنده حب هذه الثقافة حب ذاتى
مفيد فوزى :دكتور مجدى فى رمضان فى رمضان الكريم بيحدث انك تروح عند الراجل بتاع الفول فتجد جرادل فيهافول
د/ مجدى مطاوع :فيها فول
مفيد فوزى : لالالأ فيها اللفت والزيتون
د/ مجدى مطاوع: وكما عفوا بعد اذنك فىا لاضافات بتاعت البلاستيك والشحومات بتاعت البلاستيك ويدى منها للناس
مفيد فوزى : هل هذا خطر؟
د/ مجدى مطاوع :هذا خطر
مواطنة: والله كل الناس بقت عارفة معظم الناس بقت عارفة ان لاكياس النيلون معظمها ضارخاصة الغامق
مفيد فوزى : الغامق؟
مواطنة:الغامق اللى هو لاسود ايوه اه لان ده بيتصنع من الزبالة فا مينفعش حد يستعملة نحط فى عيش غلط
مفيد فوزى : هل فى وعى غذائى؟
مواطن : هو المفروض الوعى الغذائى دة ممفروض ان هو يبقى مكتسب
مفيد فوزى : حضرتك بتقول
مواطن : مكتسب حضرتك انا اقرأ اسمع واخد بال حضرتك بالتالى اقدر انفذ حضرتك انا لما بروح اشترى لب انت بتشوف بتاع اللب بيفضل ينفخ لك فى الكيس قول له ما تنفخش
مفيد فوزى : لأ فهمنى بينفخ فى الكيس ليه ؟
د/ مجدى مطاوع : يفتحة علشان يقدر يعبيه
مفيد فوزى : بتاع اللب؟
د/ مجدى مطاوع : حضرتك روح لاى واحد بتاع لب
مفيد فوزى : قصد ك القرطاس؟
د/ مجدى مطاوع : القرطاس ماهو لما بيجيب القرطاس اهو وبيحطة انا بقول له
مفيد فوزى : ما تنفخض فى القرطاس ليه بييقولوا لى لما تيجى تروح مقلة اوعى تخلى ا لراجل القرطاس طلع لى واحد او خلى حد ينفخ
بياع لب : ينفخ لك فى طبعا
مفيد فوزى : ليه بقى فهمنى ؟
بياع لب : لان طبعا انت كل انسان يختلف عن الثانى ممكن يكون عندة مرض عندة مرض معدى نفسة مش كويس انت تقبل انا ما اقبلش فا النفخة فى النفس اصلا فيها عيب
مفيد فوزى : بتنفخ ازاى ؟
بياع لب : لأ انا ما بنفخش
مفيد فوزى : اه هو بينفخ ا زاى؟
بياع لب : هو بيحط الكيس فى بقة وبينفخ
مفيد فوزى : هوا
بياع لب : فبيطلع
مفيد فوزى : هوا
بياع لب :اه بيفتح الكيس وبيروح نافخ فى اه اه
مفيد فوزى : ليه بينفخ ليه ؟
بياع لب :هو علشان يفتحة مش صنايعى فا ده راجل على قدة انما صناعى فى المهنه عمرة ما ينفخ فى الكيس
مفيد فوزى : انت قولى الكيس بتطلعة ازاى؟
بياع لب : بطلع الكيس بطريقة معينه اى كيس له فتحة الصغير والكبيربفتح الكيس كده بطريقة كه حلو
مفيد فوزى : اه
بياع لب : افتح الكيس من فوق امسك يمين وشمال يفتح معايا على طول من غير اى حاجة انما اللى معدوش خبرة فى اى حاجة ده بيمسك الكيس وينفخ فى فطبعا ما اعرفش جواك انت فى ايه ممكن يكون سليم ومعاه شهادة صحية 100 100 اللى قدامى مش عارف ان انا سليم نفسة تشمئز يكون عندى مرض وعرفش فلازم ياخذ
بالحيطة والحذر
مفيد فوزى : انا شايفك انك انت بتحط الفول ده فى كيس بلاستيك وطبعا ده بيقعد فتره طويلة وحاطت الحاجات دى فى كيس بلاستيك
مواطن : نعم
مفيد فوزى : فهمنى طب ما هو ده غلط زى ما بيقول الطب ؟
مواطن : هو غلط فى ايه سياتك فى كل حاجة فىا الكويس وفىا الردئ وفى الشنط البلاستك والبلاستيك عامة فىا الكويس وفيها الردئ فى نمرة واحد ونمرة 2 وفى خامه بتبقى نظيفة وخامة سيئة كلة فاهم وصاحب المصنع نفسة فاهم ان الكيس البلاسيتك درجة اولى مفيش ريحه
مفيد فوزى : علمنى ازاى اعرف ان ده كيس بلاستيك درجة اولى ؟
مواطن : البلاستيك بتعها نعمة جدا مفىاش اى ريحه خالص ورقيقة جدا جدا وريحتها نظيفة واخد بالك
مفيد فوزى : انت بتبيع على طول حاجات فى قراطيس ورق؟
مواطن : فى كيس ورق علشان الورق نفسة صحى وفى نفس الوقت المهنه بتعتنا بتفرض عليا انى لازم ابيعها فى التخصص بتعها ده
مفيد فوزى : اه يعنى فى كيس ورق
مواطن : اه بس مش معنى ذلك انى امنع الشنط الشنط حضرتك فىا الكويس وفىا الردئ
مفيد فوزى : يعنى انتوا ممكن حد يأخذ حاجات المقلة دى فى كيس بلاستيك
مواطن : بعض الزبائن بتيجى تقول حطوة فى شنطة بلاستيك مش فى كيس ورق
مفيد فوزى : ليه ؟
مواطن : فى بعض ا كياس الورق اللى بتبقى الطبعة بتعتها بهته وتيجى فى جرايد بتاعت الجرايد مثلاالصحافة ولاهرام وحاجات زى ديت الطبع بتاعة يطلع فى لايد فا الزبون يقولك ايه ما تحطش ليه فى حاجة ورق عامتا لانه بيخشى ان الحبر ده يطلع فى الطباعة من جوا احنا بنجيب ورقة بيضى خالص من جوا كدة فيجى زبون يقول انا عايز فى كيس بلاستك بيخشى من حاجات الطباعة دية
مفيد فوزى : الاطفال الصغيرين لما بيمروا علشان يخدوا عصير البرتقال ولا عصير قصب بتحطوا القصب ولا البرتقال ده فى ايه ؟
مواطن : فى اكياس
مفيد فوزى : نعم والبتاع ..
مواطن : الشاليموه
مفيد فوزى : برضه بلاستك ؟
مواطن : اه بلاستك
مفيد فوزى : اه مفيش طريقة غير ده؟
مواطن : لأ مفيش طريقة لا ده
مفيد فوزى : بس ده بيتقال لى الميه كمان فى زجاجات بلاستيك
مواطن : اه والميه المعدنية فى زجاجات بلاستيك
مفيد فوزى : وعصير المانجو فى بلاستك؟
مواطن : لأ عصير المانجو فى الاكواب
مفيد فوزى : كبايات ايه ؟
مواطن : كبايات زجاج
مفيد فوزى : طب ما بتديش الناس ليه كبايات زجاج؟
مواطن : الكباية باربعه جنية
مفيد فوزى :اه ونفس العصير بكام
مواطن : العصير بجنية
مفيد فوزى : العصير بجنية ومادام الكباية باربعه جنية مش معقول تبيع فى كباية طب والشخص اللى عندك بيشرب فى الكباية بيشرب فى كبايات زجاج
مواطن : اه
مفيد فوزى :وهو الكباية الزجاج اكثر امان
مواطن :اكثر امان اه بتتصبن على طول
مفيد فوزى : بتتصبن على طول اما الثانى
مواطن : لأ داكيس مقفول يخده يترمى فى الشارع بعد كده
مفيد فوزى : يترمى فى الشارع ؟
مواطن : اه
مفيد فوزى : بيقولوا الدكاترة العقلين ان فى مادة من البلاستيك بتتحلل وتخش على ا لعصير بتاعك
مواطن : لأ طبعا
مفيد فوزى : لأ طبعا ازاى هو الكيس البلاستيك بكام؟
مواطن : لل يجبوه الكيلو ب 12 جنية
مفيد فوزى : كيلو البلاستيك ؟
مواطن : اه
مفيد فوزى : وهو انت ضامن البلاستيك ده معمول من ايه ؟
مواطن : طبعا لأ الواحد مضمنش
مفيد فوزى : مضمنش
مواطن : مضمنش
مفيد فوزى : لكن بتبيع ؟
مواطن : اه هيبيعوا
مفيد فوزى : ماهو مش معقول هتسكت ؟
مواطن : كلها المحلات هتبيع
د/ مجدى مطاوع : فى ثقافة برضه حضرتك زجاجة المية تبقى محطوطة حضرتك بتشرب وانا باشرب
كلة بيشرب ورا بعض
مفيد فوزى : بيشرب من
د/ مجدى مطاوع : من نفس
مفيد فوزى : هل يترى ينبغى ؟
د/ مجدى مطاوع : ماهى دى ا لثقافة ماهى دى حضرتك الثقافة مفروض ست البيت وهى بتطبخ
مفيد فوزى : الميه المحطوطة فى زجاجات بلاستيك
د/ مجدى مطاوع : مناسبة
مفيد فوزى : مناسبة ؟
د/ مجدى مطاوع : اه اكثر من سنه لأ
مفيد فوزى : اكثر من سنه التخزين ده يضر
د/ مجدى مطاوع : لكن وضعها بقى فى الشمس وبرة السوبر ماركت على الباب وضعها خطأ البلاستيكات ديت ما هى فى حكومات بدأ ت تفكر انها تبطله لحد لما تطلع مادة تكون امنه
د/ مجدى مطاوع : كنت زمان انا وانت من 25 سنه كان فى حاجة اسمها الكيس الكيس اللى البقال بيحط فى واللحمه بالكرتون واخد بالك هل الحاجات دى انهارده انقرضت ليه العيا كثر ليه السرطانا ت كثر ت لان عندنا زى ما انت بتقول كده معندناش الناس بتأكل وخلاص وتشرب وخلاص ليه الدول اخذت قرار وبسرعه
مفيد فوزى : مثلا زى دولة الامارات ؟
د/ مجدى مطاوع : لازم تمنع البلاستيك
مفيد فوزى : لازم
د/ مجدى مطاوع: ويستعمل مكانة بس فى بقى بديل لما اجى اقارن اقارن الورق والبلاستيك ايهما افضل اجد نفسى فى حيرة اجد نفسى فى حيرة كبيرة ايهما افضل ليه
مفيد فوزى : الورق فى مشكلة؟
د/ مجدى مطاوع :نعم لان الورق كل 17 شجرة يعملوا ليا طن ورق هتيجى تأثر على البيئة من جهة ثانية لما
قطعت الشجر علشان اعمل اكياس ماهو نفس المشكلة هتجيلى ثانى مهو نفس لاشكال لانها دلوقتى اصبحت منظومة علاقة لان دى مرتبطة ببعضها اول حاجة وثانيا الطن الورق هيدى طاقة اد ايه علشان اعمل الورق هل
مفيد فوزى : البلاستيك لانه ارخص المواد؟
د/ مجدى مطاوع : طبعا ظروفة متوفرة وسهلة نموه بسرعة وسهل وكويس
مفيد فوزى : هل الزمزمية من البلاستيك ؟
د/ مجدى مطاوع : نعم احد انواع البلاستيك الذى يكون من ا لبلاستيك لامن الذى لا يضر الصحة لازم استخدمه فى هذا ولايمكن ابدازى ما انا كتبت فى كل الكتب جملة دائما بقولها لا يجوز يحظر يحظر استخدام البلاستيك المعاد تدويرة فيما يمس صحة لانسان من غذاء وشراب
مفيد فوزى : هل يعلم الناس ؟
د/ مجدى مطاوع : ودواء ويؤثر فى البيئة
مفيد فوزى : هل يعرف الناس هذا الفرق؟
د/مجدى مطاوع : اجهزة لاعلام