مدحت العدل رداً على وجدي غنيم وياسر برهامي : يبحثون عن شهرة .. ونعطيهم أكبر من حجمهم !

" احنا شعب وانتو شعب" اسم أغنية كتب كلماتها د. مدحت العدل وغناها علي الحجار ولكنها لم تعجب ياسر برهامي نائب رئيس الدعوة السلفية.. فما أن سمع الأغنية حتى طالب مؤلفها ومغنيها بالتوبة.. والتي اعتبرها تتضمن إقصاءً للإسلاميين.. كما كفرهمها المدعي وجدي غنيم...
وقد دعا ياسر برهامي نائب رئيس الدعوة السلفية بالإسكندرية،المطرب علي الحجار "الذي قام بأداء أغنية بعنوان "إحنا شعب وأنتوا شعب..لينا رب وليكوا رب" في إشارة لمؤيدي ومعارضي الرئيس المعزول محمد مرسي إلى التوبة ، وقال الداعية السلفي في معرض رده علي سؤال لأحد رواد موقعه الشخصي "صوت السلف" عن حكم من قام بغنائها ومن ألفها "في إشارة إلي مدحت العدل" "لم أسمع تلك الأغنية القبيحة لكن نُقلتْ لي كلماتها، وهي تتضمن معاني التكفير للمخالِف بدرجة فظيعة، وإقصاءً إلى أشد الدرجات التي لو صدر عشرها من إسلامي؛ لقامت الدنيا ولم تقعد، وتتضمن اتهامًا في النوايا والمقاصد التي لا يعلمها إلا الله، ثم الاستهزاء بالهدي الظاهر والاتهام بالعمالة للغرب" ، وأضاف:"وبالقطع لا يمكن لمسلم، بل لمصري أن يرضى عن كلمات هذه الأغنية أو يرددها ، وندعو كاتبها ومغنيها وملحنها "أحمد الحجار"، وكل مَن عاون على نشرها... إلى التوبة إلى الله -تعالى-. وليتوبوا إلى الله مِن محاولة تدمير مصر".
وكان الداعية وجدى غنيم قال إن الفنان على الحجار كفر نفسه بأغنيته "أنتوا شعب وإحنا شعب .. ليكم رب ولينا رب "، لأن ربنا هو الله أما ربكم فلا نعلمه ، وتابع غنيم خلال لقائه على إحدى القنوات الداعمة للتيار الإسلامي : هما دول عملوا أيه، غير إنهم عايشين فى الفتة، وحسنى مبارك يعطيهم جائزة الدولة التشجيعية، والله يحشرك مع من تغنى له.
وفي تصريح خاص للشباب يرد د. مدحت العدل على ياسر برهامي قائلا: رفضت أن أدخل في جدال مع هؤلاء وطلبوني في أكثر من قناة للرد عليهم ولكني رفضت لأني أرى أننا نعطيهم حجم أكبر من حجمهم، وهؤلاء ينتهون تدريجيا ولذلك يبحثون عن شهرة ويبحثون عمن يرد عليهم ولكني لن أفعل ذلك، وأنا الذي أطالبهم بالتوبة، فقد رأينا كم البذاءات اللفظية التى ينطق بها هؤلاء فى قنواتهم، ويتحدثون عن أشياء غير التي نراها، فكتبت قصيدة (إحنا شعب وإنتو شعب) ذكرت فيها كيف يرى جموع المصريين مصر والدين والحياة ، وكيف يراها هؤلاء، ولكنهم اعترضوا عليها لأن لأن البطحة على رؤوسهم واضحة، وقلت في القصيدة:
إحنا شعب وإنتوا شعب
واللي هز القلب منا
عمره ماهزلكوا قلب
رغم إن الرب واحد
لينا رب...وليكوا رب
وردة برية و براءة
إحنا بنشوف الطفولة
و إنتوا شايفينها سبايا
تثبتوا بيها الفحولة
إحنا يسعدنا خيالها
لما ترسم ف الكتاب
و إنتوا لو عدي خيالها
يطلعلكوا ف ثانية ناب
إنتوا بتحبوا الجهامة
و إحنا بنحب إبتسامة
إحنا حرية و كرامة
وإ نتوا سجن وشرع غاب
إحنا شعب و إنتوا شعب
مصر بالنسبالنا ثومة
والا ناصر .. أو حليم
مصر بالنسبالكو خيمة
أو إمارة أو حريم
إحنا نفديها بحياتنا
و نحبها ونرضي بقليلها
و إنتوا عايزين تنهبوها
و تسرقوا خيرها ونيلها
إحنا يسقط منا شهدا
زينة الدنيا وشبابها
و إنتوا قلتوا كنتوا سعدا
لما داسوا فوق ترابها
إحنا أقرب و إنتوا بعدا
إحنا منها و إنتوا مردة
إنتوا غل و نار و قاعدة
أو عدو واقف ببابها
إحنا شعب و إنتوا شعب
إحنا بنشوف ربنا
رحمة للعبد اللي تاه
عفو عن مخطئ مسئ
توبة أو طوق للنجاة
و إنتوا تعبان القبور
و المقارع للحريم
سد باب الرحمة غية
و اللي يغلط ف الجحيم
و اللي يضحك يبقي كافر
و العبوس أخره النعيم
إحنا بنحب الحياة
و إنتوا أعداء الحياة
إحنا شعب و إنتوا شعب

إحنا بنشوف الحقيقة
و العقيدة ف أي دين
كنت قبطي أو يهودي
والا ضمن المسلمين
رب واحد...معني واحد
الرسالة يا مؤمنين
ماتكدبوش ماتغيروش
ف النوايا و الوشوش
حب جارك زي أهلك
إحفظه ولا تخونوش
و إنتوا تيجوا تخونوه
يختلف ف الرأي عنكوا
تحلوا دمه وتقتلوه
و تقولوا دينا قالنا
أي دين يا أدعيا
والا نبي م الانبيا
يأمر بكافر تصلبوه
والا بوذي تبهدلوه
والا شيعي تكفروه
واللي بيفكر دا ضال
و تحرموا حتي الحلال
و تحللوا فكر الضلال
و تحكمونا يا أغبيا
إحنا شعب وإنتوا شعب

إحنا شايفين الرسول
رحمة مهداة للبشر
سعي من أجل الوصول
للكمال المنتظر
إحنا شايفين إن دينا
دعوة للنور والحضارة
و إنتوا حاصرينه ف حكاية
توب قصير أو ستارة
إحنا شايفين إبن سينا
وإبن رشد و الحسين
وإنتوا شايفين بن لادن
والكهوف المظلمين
إحنا عشاق الإرادة
و الحقيقة و اليقين
و إنتوا تجار المنابر
و البخور و المجذوبين
الخادعين للخاضعين
و الأكلين الشاربين
النازلين الصاعدين
للمصالح و المناصب
وأما أمريكا بتأمر
تصرخوا بقولة أمين
إحنا شعب وإنتوا شعب
إحنا مصري بسيط وراضي
عسكري جاي م النجوع
يسمع الراديو الصغير
الأدان يملاه خشوع
يدعي ف الليل للي خلقه
يحمي عيلته يزيد ف رزقه
ف الدعا تنزل دموع
عند رب العالمين
صادقة من غير فلسفة
لا صوت جهوري ف ميكرفون
يصرخ يهدد بالوعيد
و كأنه واخد م السما
توكيل يكفر بعضنا
يهدينا نرجع مسلمين
يا عم مااحنا مسلمين
و مؤمنين و موحدين
من قبل حتي ما تتولد
و إحنا اللي وحدنا الإله
قبل الديانة ما تتوجد
ولإن مصر المؤمنة
قبل التاريخ في دمنا
عمرنا ما حنبقي زيك
ولا أنت حتكون زينا
لم غنمك أو جمالك
أو مباخرك أو عيالك
و المشانق من حبالك
و العشيرة و الخيام
خد زعيقك خد صريخك
خد فتاويك و اللجام
خد حرام حرام حرام
حلال عليك يا مسيلمة
اللي سرقته مننا
و إبعد بعيد عن أرضنا
لأنكوا...ولإننا
إحنا شعب .. وإنتوا شعب
..