عمر طاهر: قطاع من المصريين يؤمن بالثورة لكنه لا يدعمها إيمانا بقاعدة ( الحب حاجة والجواز حاجة ) !!

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
أحمد ماهر: بلاش تشاؤم يا شباب. ايه يعنى ان الموقف معقد ومحدش فاهم حاجة والنخب بتدور على مصالحها ، من زمان واحنا عالحال ده؟ هاتفرج ان شاء الله
أحمد العسيلي: الإخوان أثبتوا انّهم مش "سياسية" أصلًا ناهيك عن القوة؛ إختلطت في أذهانهم البيعة الطاعة والتنظيم المقدس وتأثير أعمال الخير بالسياسة!
أحمد سبايدر: الاخوان ردا عالفريق شفيق مرسي ماهربش من السجن اهل الخير هما اللي فتحوله امال بيقولوا البلد مابقاش فيها خير ليه
عمرو حمزاوي: أعمل حاليا مع فريق قانوني وسياسي من حزب مصر الحرية ومنظمات لحقوق الانسان على الإعداد لقانون لإنشاء لجنة ذات صفة قضائية للحق والعدل والانصاف.. الهدف من اللجنة هو إعادة التحقيق ومن ثم محاكمة مبارك وأعوانه دون اللجوء لمحاكمات أو قوانين استثنائية، وكذلك المحاسبة على الانتهاكات منذ 1981
عمرو واكد: سأقاطع يعني لن أدلي بصوتي ولكني سأذهب أمام لجنتي لأتظاهر سلمياً لفضح عوار المرحلة ولكي أعد كام واحد دخلوا اللجنة. عشان اللي يقول 25 مليون
أسماء محفوظ: الظباط بيحاولو يستفزونا عشان نشتبك معاهم.. معتصمين عند مجلس الشعب حتى تطبيق قانون العزل ومضربين عن الطعام حتى اعلان مرشحي الرئاسة والنواب اعتصامهم تحت قبة البرلمان
هبة رءوف: الزخم الذي في الشارع يجب ينتهي لحل واضح.الحشد رصيد لكن دروس سنة ونصف لها علامات على اللحم بنقش الرصاص.لابد من وضوح الرؤية والنتائج والخطوات
بثينة كامل: انا كنت شايفة انها انتخابات مزورة وكان املي ان كل المرشحين يعلنوا ده قبل الانتخابات ويدعو اللي عملولهم توكيلات لاستكمال الثورة
إسراء عبد الفتاح: هو محمد ابو حامد بتاع يسقط يسقط حكم العسكر فى البرلمان كان بيعمل ايه فى اجتماع الاحزاب مع العسكر وهو مفروض مستقل وحزبه الجديد متعملش!!!!
عصام سلطان: الحمد لله،اشكر كل الذين سألوا عنى عقب اجهاد بسيط اصابنى من حرارة الشمس وكثافة العدد بميدان التحريروسط اخوانى الذين غمرونى بشعور لا استحقه.. وانا الان بفضل الله على احسن حال ومكمل مع شفيق
خالد دياب: سمعت زمان مش عارف مين راح ورا الشمس وكان امنيتي اشوف وار الشمس ده ولو من بعيد . مع عند الاخوان شفيق هايكسب وهايطلع اوتبيسات جماعية مجانا
ممدوح حمزة: كلمة السر لتحقيق أهداف الثورة هو Think Tank بالاعتماد على الشباب وليس النخب، من خلال الشباب ومعهم تتحقق الأحلام وتتحول لحقيقة
محمد فتحي: انتخبوا أحمد شفيق..القاقان عسكراني..طويل العمر يطول عمره يزقزق عصره وينصره على مين يعاديه.. هاااي هييييي
مصطفي النجار: اقترح بدلا من الإعلان الدستوري المكمل وما يحمله من خطورة بالغة إعادة دستور 71 كدستور مؤقت مع تعديلات صلاحيات الرئيس والحكومة حتى وضع الدستور
حازم عبد العظيم: البرادعي:معلومة من مصدر موثوق" من وقف ضد توليك حكومة إنقاذ بعد أحداث مجلس الوزراء كان الإخوان ؤليس العسكر ولا أي أحد! احترس منهم
وائل عباس: قريبا حذف مشاهد رقص زينات علوي وكيتي وتحية كاريوكا والميكروجيب من افلام السبعينات وبعدين يولعوا في ام التراث كله ونخلص!!!
أنس حسن: بيقولك اتجوز ماليزية .. بتتكلم في اليوم تلات مرات بس ، ومعاها اوبشنز زيادة
أيمن الصياد: أن يصبح شفيق رئيسًا، فهذا معناه أن الشعب يعتذر عن ثورته. وأن جيلا كاملا سيكون مصيره الإحباط0 وهذا ما يخيفني0
أحمد متولي: الناس اللى عماله تقول اننا مش هنقدر نتظاهر ضد الاخوان لما يفوز ‫#مرسى‬ ..اقولهم:اللى مايقدروش يخلعوا الا مبارك بس ما يبقوش ثوار ويروحوا احسن
دعاء سلطان: اكتر حاجة بتضحكني ف الشفيق اني دايما بسبب انفعاله باتخيل انه حايبدأ كلامه ب: ولعلمك ؟! علي بابا بعد الضنا لابس حرير في حرير‎:)
عمر طاهر: قطاع لا بأس به من المصريين يؤمن بالثورة، لكنه لا يدعمها إيمانا بقاعدة «الحب حاجة والجواز حاجة».
نبيل الحلفاوي: الصراع الآن على الرئاسة بين مرجعية إخوانية ومرجعية عسكرية..المرجعية المدنية الصرفة فى المعارضة