باسم يوسف: لو أمى رشحت نفسها مش حتحمقلها كدة!

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
د. محمد البرادعي: الإصرار على المادة 28 من الإعلان الدستوري التي تحصن قرارات لجنة الانتخابات الرئاسية ضد أي طعون سيفقد الانتخابات ما تبقى لها من مصداقية
عمر طاهر: ربنا ماخلقش حاجة بدون سبب يعنى لو عايز تبقى اعلامى خلقلك حمدى قنديل علشان تتعلم ازاى تكون محترم وخلقلك عكاشة عشان تعرف الناس بتحب ايه
أحمد ماهر: هى تهمة دعاية بدون ترخيص هاتبقى تهمه مطاطه كمبرر للاعتقال زى تكدير الصفو العام وبث دعايه مثيره؟
أحمد العسيلي: و كان الليل طويل،، سهّيرة ليالي احنا؛ وحياة أبوك يا النهار، إرتاح وريّحنا
أحمد سبايدر: هل تعلم ان اذابة توكيل ابو اسماعيل مع قليل من الماء والليمون يشفيك بأمر الله من امراض الصغط والسكرى والسرطان والايدز .... كم انت عظيم يا سمعه.. انشرها لتعم الفائده و اذا لم تنشرها او تبعثها لعشرة من اصدقائك ذنبك على جنبك
علاء عبد الفتاح: الراجل تاجر الشنطة بتاع الجامعة الألمانية من كثر ما اتقمص و قعد يقول لازم العيال تعتذر لي العيال نزلت زفته، ناس مهزقة صحيح
عمرو حمزاوي: أخشي من وجود صعوبات بيننا وبين الرأي العام
عمرو خالد: اللهم إنا نسألك رحمة تلم بها شملنا و ترد بها الفتن عنا و تحفظ بها بلادنا آمين
أسماء محفوظ: بمناسبة ذكرى الاستفتاء:: قولو نعم عشان دم الشهداء... قولو لأ عشان دم الشهداء .. قول نعم للدين قول لا عشان الثورة نعم نعم نعم نعم لا لا لا لا
عزيز الشافعي: هتصحوا في يوم من الايام .. تلاقوني كاتب عالتويتر : إحنا إسفين يا ريس .. محدش يفتكر ساعتها ان الاكاونت اتسرق .. البلد هي اللي هتكون اتسرقت :(
بلال فضل: شكرا للناس اللي بتعرفني حاجات جديدة عن نفسي .بعد ما اتضح إني علماني وليبرالي وبغازل الإخوان وبأيد شفيق اتضح إني كمان قلت نعم في الإستفتاء
باسم يوسف: بعد سنة من مراقبة دراويش البرادعي وأبو الفتوح وأبو إسماعيل أحب أقول لو أمي نفسها اترشحت مش حتحمقلها كده
إسراء عبد الفتاح: فكروا هنهدي ماما مصر ايه في عيد الأم مصر مش أمنا احنا بس مصر أم الدنيا كلها
هيفاء وهبي: أبسط الأشياء إنك تكون واحد بين الناس.. والحب هو لوني الوحيد.
مصطفي النجار: المعركة قاسية جدا والقادم صعب
نوارة نجم: انا ما كنتش عارفة ان البابا شنودة عامل للسلفيين الكالو ده كله في دماغهم، ده ولا مرتضى منصور مع الشيخة موزة
حازم عبد العظيم: انا سمعت ضجة على تويتر من عدم وقوف بعض السلفيين دقيقة حدادا على البابا ؟ احنا عندنا فوق ال 100 سلفي ؟ كلهم ما وقفوش برضه ؟
شريف عامر: كان حلم مراهقتي ووكمان سوني ! و يا سلام لو أوتو ريفرس. (ماحدش يسأل من الشباب ولا عن الاول و لا الاخير عشان ماحسيش أني معاشات..)
محمد فتحي: مكالمة الصباح بين الحين والآخر من أستاذتنا الكبيرة صافيناز كاظم لتبدي رأياً أو تعلق تعليقاً أو تمدح ما كتبت أو تعلمني درساً جديداً كرم كبير
من محمود فكري لنادر بكار: لقد وقف رسولنا الكريم لجنازة اليهودى يا عم الشيخ
ونادر بكار يرد: وقف رسول الله صلى الله عليه وسلم للجنازة حين مرورها فأين الجنازة داخل المجلس؟
عبد الله كمال: قيادي ب«الحرية والعدالة» .. لا يريد ان يسمع الكلام