علي رأي ال facebook

أيمن أبو حسن
وأنت ترى القرآن يعرض دعواه ثم يدع أمر الاعتقاد بها إلى عقلك وقلبك: فمن شاء فليؤمن ومن شاء فليكفر، ولا مشيئة بلا عقل يوازن ويقرر ويختار.. فلا إيمان بلا عقل، ولا تكليف لمن لا عقل له ولا حساب.
ثم ترى الإسلام يترك لك الحرية بعد أن تدخل فيه لتخرج منه إذا رأيت رأيا آخر، أو إذا ارتاب عقلك ولم يطمئن فؤادك ، انصت إلى قوله تعالي:
إِنَّ الَّذِينَ آمَنُواْ ثُمَّ كَفَرُواْ ثُمَّ آمَنُواْ ثُمَّ كَفَرُواْ ثُمَّ ازْدَادُواْ كُفْراً لَّمْ يَكُنِ اللّهُ لِيَغْفِرَ لَهُمْ وَلاَ لِيَهْدِيَهُمْ سَبِيلاً النساء137
ثم ترى الفقهاء يحدثونك عن قتل المرتد.!
ألا فلتعلم أن العقل وحريته كلية كبرى من كليات هذا الدين، وغاية تشير إليها الآيات وتصعد إلى مقامها الجزئيات المتفرقات.. منقول من جروب أولياء أمور طالبات
Notre Dames de Sion . • جانى عدلى
البقاء لله للإخوة المسيحيين والإحساس مختلف!! هقولكم ليه .
النهاردة مراتى وبنتى وابنى و100 طالبة كانوا فى رحلة لمدرسة نوتردام دى سيون ومعاهم الراهبات وفى أتوبيسات مكتوب عليها «كلية نوتر دام دى سيون - راهبات قلب يسوع»..
كان المقرر إن الرحلة دى ترجع إسكندرية بعد صلاة الجمعة اليوم وفجأة الأخبار باستهداف أتوبيس المنيا..
ودب الرعب والخوف.. عدد 5 إتوبيسات متجهة من مطروح لإسكندرية عليهم عدد كبير من الراهبات و100 طالبة غير أولياء الأمور المرافقين..
الإحساس مختلف لما تحس إنك مهدد إن أهلك وأولادك حاليا فى خطر.. ممكن يموتوا.. آه ممكن يموتوا.. وبدأت التليفونات والتشاورات
- ناس بتقول الراهبات يغيروا لبسهم ويقلعوا الصليب
- ناس تقول هاتوا ستيكرات وغطوا اسم الرهبنة من على الأتوبيسات
- ناس تقول باتوا النهارده كمان
- وناس تقول نرجع سوبر چيت
المهم.. الراجل العظيم جدا جدا جدا مسيو ممدوح.. أخد بعضه وراح على مدير أمن مطروح وقام السيد مدير الأمن بالتحرك وطمأنة الراهبات ووقف بنفسه لغاية ما ال 100 بنت يركبوا الأتوبيسات ويتحركوا لإسكندرية ومعاهم قوة تأمين مسلحة وعربيات شرطة أمام وخلف وبجانب أتوبيساتنا..
واستمرت رحلة القلق من مطروح لإسكندرية لغاية ما وصلوا جميعا بخير..
بس المرة دى الإحساس مختلف.. المرة دى شيء أكتر من التعاطف أو الحزن.. المرة دى أنت حسيت إنك أنت اللى ممكن تكون ضحية الإرهاب..
وعرفت إن هو ده الإحساس الواجب عليك تحسه فعلا مش مجرد تعاطف وتعازى ومواساة.. ربنا يصبركم جميعا مسيحيين ومسلمين.. مش عارف أشكر إزاى قوة الشرطة اللى صحبت الأولاد من مطروح لإسكندرية.•
أسامة القوصى
سألتنى إحدى صديقاتى على الفيس قائلة:
عندى سؤال لحضرتك لا أجد له إجابة لكل صديق مسلم أو صديقة مسلمة من أصدقائى
ما هو تفسير حضرتك لسورة التوبة آيه 29
قاتلوا الذين لا يؤمنون بالله وباليوم الآخر ولا يحرمون ما حرمه الله ورسوله من الذين أوتوا الكتاب حتى يعطوا الجزية عن يد وهم صاغرون
هل الله سبحانه وتعالى ينتظر من البشر أن يأخذوا دوره فى الدفاع عن كلامه وهل الله يأمر بقتل من لم يؤمنوا به؟
فكيف الله المحب الرحيم العادل الديان يأمر بدفع فلوس مقابل ما أعتنقه من علاقة شخصية بينى وبين خالقى ولو مش معايا فلوس أيام زمان لدفع الجزية هل ده معناها أنى أقتل؟
فعلا محتاجة إجابة لسؤالى من شخص يوثق فيه مثل حضرتك؟
بنحبكم إخواتنا المسلمين وأتمنى يكون شهر رمضان بداية جديدة للتقرب لله وأمانة الإنسان فى عمله وحبه لأخيه الإنسان Osama Elkoussy
فأجبتها: ببيان الفرق بين القتل والقتال:-
فقلت :- السر كله فى كلمة (قاتلوا):-
أولا: ليس فى الآية (اقتلوا) من الأصل.
ثانيا: (قاتل) على وزن (فاعل) وهذه صيغة مشاركة فى الفعل ومعناه من طرفين فأكثر ولكى اْوضح بمثال أقول: (جلس) يحتمل جلوسه وحده أو مع أحد شاركه الجلوس .
(جالس) لا تحتمل الجلوس وحده فلابد من مُجالس أو جليس شاركه الجلوس.
بالتالى قاتل يعنى توجد حرب فيها جيشان على أقل تقدير فلا يصلح أن يقاتل نفسه أو يقاتل من لا يقاتل ولا يصلح أن يقاتل مسالمين لم يرفعوا السلاح من الأصل.
فالآية معناها قاتلوا من يقاتلونكم من الصنف المذكور فليس هناك قتال لمسالمين وإذا حدث يكون اسمه قتلا لا قتالا.
ثالثا: الآيات نزلت فيمن نكثوا العهود أو بدءوا بالعدوان من أهل الكتاب ولهذا لم يقاتل نصارى نجران مثلا ولم يوجه إليهم أى جيوش من الأصل (صلوات الله وسلامه على ) لأنهم مسالمون لا خونة ولا معتدون. •
سعد عبدالرحمن
قال الإمام أبو محمد على بن حزم الأندلسى فى كتابه الأشهر «طوق الحمامة فى الألفة والآلاف»:
ومن غريب أصول العشق أن تقع المحبة بالوصف دون المعاينة، وهو أمر يترقى منه إلى جميع الحب فتكون المراسلة والمكاتبة والهم والوجد والسهر على غير الإبصار، فإن للحكايات ونعت المحاسن ووصف الأخبار تأثيرا فى النفس ظاهرا.
وخلاصة ما يريد الإمام ابن حزم قوله هو أن العشق قد يحدث عن طريق غير طريق الرؤية ومنها العشق بالسمع فقط، وهذا ما لخصه بشار بن برد فى قوله:
يا قوم أذنى لبعض الحى عاشقة.. والأذن تعشق قبل العين أحيانا.•
رباب كامل
تعليقا على عبارة «كلنا كفار فى نظر بعض» التى يرددها شيوخ الإرهاب على اختلاف مسمياتهم سواء سلفى أو أزهرى من عينة سالم عبدالجليل ومن تبعهم من المسلمين الذين أطلقوا على أنفسهم وسطيين
لو كلنا كفار فى نظر بعض..
يمكن أنا لست متابعة للأحداث فى مصر
حاول أن تتذكر معى آخر مرة فجر فيها المسيحيون مسجد أثناء صلاة الجمعة
حاول أن تتذكر معى آخر مرة أطلق فيها المسيحيون النار على مسلمين فى أتوبيس وهم فى طريقهم لأداء العمرة
حاول أن تتذكر معى آخر مرة منع فيها المسيحيون صلاة المسلمين فى مسجد فى الصعيد
حاول أن تتذكر معى آخر مرة قذف فيها المسيحيون مسجداً بالطوب والمولوتوف احتجاجا على ما يحدث للمسيحيين فى الصين!!
حاول أن تتذكر آخر مرة قام فيها المسيحيون بتفجير أنفسهم فى مسجد أثناء صلاة التراويح وخرج من بعدها من يقول منهم» هؤلاء لا يمثلون المسيحية» متوجهين بحديثهم «للمسلمين بينما يدفنون أولادهم القتلى
قصة قصيرة جدا
داعشيون ولكن ظرفاء. •

رشا رفعت
# أغرب_ العرسان - فى- التاريخ
الهاشتاج ده كان على على تويتر.. بس فيه حاجات عجيبة!!
ودول شوية حاجات متنقية من عليه
من على وش القفص
• واحدة صاحبتى اتخطبت لواحد نزلوا يشتروا جزم قعد يقول لها خدى دى ودى وبعدين سابها تدفع وطلع المحل بتاع صاحبه وبينفعه
• عريس ومراته داخلين الشقة بعد الفرح، لاقوا فار معدى من قدامهم، العروسة صوتت قالها متخافيش هو دخل يمين واحنا هانخش شمال
• عرفت إنه إخوان وهو عرف إنى ضده فضل طول القعدة عنده هاجس إننا هنسمه من كتر الحب اللى أظهرناه ليه
• واحد كان متقدم لخالتى وكان الجو شتا ببص عليه لاقيته لابس بنطلون بيجامة مخططة تحت بنطلونه.. طبعا قولت لها وباظت الجوازة
• واحد كان هيتقدم لصحبتى ف 2004 وقبل ما يروح يتقدم قالها مش هينفع نكمل سوا ده كل حاجة غليت وإزازة الزيت بقت ب 7 جنيه
• بيحكيلى عن حبه لصاحبته قلت نفسى حد يحبنى بالطريقة دى زيهم، فركشوا واتجوزنا وخلفنا
• أبويا وهو كل يوم يستنى أمى ويمشى وراها بالعربية لحد ميوصل لبيتها واتقدم كتيير واترفض أكتر بس وبعد 10 سنين اتجوزوا
• واحدة اتقدملها واحد طلق مراته.. أبوها عرف منه أسباب الطلاق وراح لمراته وصالحهم على بعض
• أول مرة أبويا شاف أمى بالصدفة بتقدم على شغل بمكتب صاحبه قالها امشى ده نصاب سلم عليها وقالها سعيد بمعرفتك هنتجوز امتي؟
• حضرت فرح لواحد بيتجوز تانى مرة، أهل الأولانية خطفوه وخدوه يطلقها.
وأخوه كمل الفرح بداله »ببدله برتقاني»
• أبو العروسة شاف العريس لأول مرة حضنه وقال دا ابنى وقال لبنته لو ما اتجوزتيش الراجل ده مش ح أعرفك!
العريس ابويا
• اشتغل فى مدرسة إنترناشيونال.. راح اتقدم لأبوها وقاله أنا اشتغلت ممكن توافق.. قاله.. لما تحوش شوية..
• بيعرف نفسه: اوعى تفتكرى إن شخصيتى مهزوزة
• عروسة بتهزر مع عريسها يوم الفرح طلبت من الدى جى يشغل »بحبك يا حمار« وقعدت تغنى معاها وتشاور عليه.. طلقها والفرح باظ
• سألني: حد مسك إيدك قبل كده؟ آه والله
• قولتله عاوزة اشترى سمك من محل السمك الزينة قال هجيبهوملك أنا وجابلى سمك بلطى وقالى ده أفيد XD
• واحد صاحبى فركش عشان خطيبته ساكنة بعيد وبيتعب فى السواقة لما يزورها
• أخت صاحبتى الصغيرة جالها عريس باباها حب يرفضه بذوق قاله مش هاجوّز الصغيرة الأول.. راح جاب صاحبه يخطب الكبيرة
• أهله كانوا متضررين. أهلها قالوا احنا بنشترى راجل.. أمه ردت: واحنا ما بنبعش ضنانا
وباظت الجوازة
• بنت خالتى جالها عريس بيسألها بتحبى رياضة إيه؛ قالتله التنس.. ضيق عينيه وقالها »ممم تنس.. أبو مضارب ده؟»
• مامته قالتلى معندناش بنات بتدخل على النت أوعى تكونى بتقعدى على النت قولتلها لأ هو النت اللى بيقعد عندنا
• ابن خالتى أم العروسة قالتله انت والله مافيك حاجة تتعيب بس انت أول واحد يتقدملها لازم نرفضك عشان الناس ماتكلش وشنا
• عريس بنت عمى لما فركشت الخطوبة حاسبهم على اللى صرفه عليها فى الخروجات والكافيهات والمطاعم
• واحدة صاحبتى اتخطبت لواحد كان بيبعتلها رسائل باللغة العربية الفصحى »لماذا تعاملينى هكذا« والجوازه باظت للسبب ده. •