من عرفي لطلاق لشرعي !

مساء الخير .. انا في مشكلة ادعو الله ان يكون الحل عندكم .. انا اتجوزت من بنت حبينا بعض جدا لكن اتجوزنا عرفي بعلم أحد أقاربها لتحقيق شرط الإشهار .. وفضلنا متجوزين 4 سنين لكن ماجاش في بالنا ان اللي هحكيه حالا ممكن يحصل
البنت دي اتقدملها عريس والمفروض انه كويس جدا يعني ما يترفضش المهم ان والدة البنت دي مصرة على قبول العريس , بإختصار .. مرينا بمناورات كتيرة مع والدتها علشان نبوظ الجوازة دي لكن فشلنا واضطرت البنت تعترف لوالدتها بحقيقة جوازنا راحت الأم تحايلت علينا واقنعتنا بالطلاق لغاية ما آروح لهم اتقدم رسمي انا فرحت طبعا وقلت فرج ربنا جه لكن معرفش ان فيه خطة ضدي الأم عملتها وهية أول ما طلقتها راحت ردت على العريس بالقبول ورفضتني قدام اهلي لما رحت اتقدمت رسمي , ومحدش يسألني هتجوز بنتها إزاي وهية مش عذراء لأني أحرجت من السؤال أصلا .. المهم البنت فضلت تحاول كتير مع الأم وبرضه مفيش فايدة ولسه بنحب بعض ومتمسكين ببعض جدا .. والوضع متوقف على الحال ده .. مش عارف اعمل ايه .
ع . م
فضفضة
هناك شك في نية والدة الفتاة بانها ستُخضع إبنتها لإجراء عملية تعيد بها العذرية مرة أخرى و تخدع العريس وهذا يعني أنك تتعامل مع أم ليس لديها الحد الأدنى من الضمير .. لكن انت أمام وضع يدفعك إلى إتخاذ قرار الزواج من الفتاة مرة أخرى ولكن زواج شرعي بما أن الأم علمت قصتكم , أعتقد ان زواجكما سينقذ شاب آخر ليس له ذنبا فيما ستفعله الأم وفي الوقت نفسه ستجد صعوبة في أن تفضح موقف الأم أمام العريس لحماية سمعة البنت .. والأم بالتأكيد ستظل مصرة على موقفها.. إذن تزوجا .. بالطبع ستواجهون مشاكل كثيرة من الأم لكن هذا الحل أفضل من مصائب أخرى يصعب الوقوف أمامها .. صحيح انك أخطأت من البداية في الزواج بهذه الصورة لكن قدر الله وما شاء فعل .. توكل على الله وسيجعل لك مخرجا .
نيفين حجازي