«أسامة عرابى» ل«روزاليوسف»: الزمالك سيظل منافس الأهلى

نجم كبير واسم معروف فى الكرة المصرية.. حقق مع القافلة الحمراء 28 بطولة مختلفة وهو ما يعد رقما مميزا للغاية.. إنه أسامة عرابى نجم الأهلى السابق والذى فتح قلبه ل«روزاليوسف» خلال الحوار التالى:
■ كيف ترى الدورى هذا الموسم؟
- لسه بدرى وأنا شايف مفيش حاجة هتختلف عن السنة اللى فاتت باستثناء يمكن المنافسة على الدورى هتبقى صعبة شوية.. السنة اللى فاتت الأهلى أخد الدورى بسهولة جدا ومن الدور الأول وعموما المنافسة مش هتخرج عن الأهلى والزمالك وربما بيراميدز.
■ هل الأهلى هيحسم الدورى كعادة؟
- لسه بدرى.
■ بعد بداية رمضان صبحى غير الموفقة مع بيراميدز.. هل ترى أن اللاعب قد يندم على رحليه من الأهلى؟
- رمضان خد قرار وساب الأهلى خلاص وده كان قراره.
■ تعليقك على المشاكل الموجودة فى الزمالك.. وهل الفريق قادر على المنافسة؟ - الزمالك طول عمره منافس.
■ تقييمك لصفقة بدر بانون للأهلى؟
- لاعب كويس واضافة كويسة.
■ وبالنسبة لطاهر محمد طاهر؟
- طاهر لاعب كويس ولكن عصبى شوية ولسه مدخلش فى شكل نادى الأهلى وانصحه يجتهد اكتر.
■ هل الأهلى محتاج مهاجم سوبر؟
- اه طبعا.
■ هل حان وقت رحيل مروان محسن عن الأهلى؟
- رحيل أو لا مش دلوقتى وليس عندنا غير مروان ومحمد شريف فى مركز الهجوم الصريح.. وعلى مروان ان يراجع نفسه ويطور من أدائه.
■ تقييمك لموسيمانى حتى الآن؟
- راجل عنده تاريخ كويس وحقق بطولات وهو مع النادى الأهلى من الاسهل ان يحقق الكثير.
■ أين أسامة عرابى من التدريب؟
- هنا بعض العروض من اندية كثيرة فى الدورى الممتاز بس لسه محلصش نصيب.
■ هل افقشة خليفة عبدالله السعيد؟
- آه طبعا.. قفشة بدأ يوم عن يوم ياخد مكانته.
■ لماذا قام البعض بالهجوم على ميدو بعد نشر صورة له مع الخطيب؟
- هذا أمر مبالغ فيه جدا والخطيب أكبر رئيس ناد فى مصر واشهر لاعب والأمر طبيعى جدا.