انشغل نشطاء مواقع التواصل الاجتماعى بنشر الإيجابيات والإنجازات التى تحققها الدولة ويغفل عنها الإعلام ويركزون على السلبيات فقط، إذ اكد أحد النشطاء عبر حسابه الشخصى على فيس بوك: «وأقولك إيه.. تونس فى أزمة اقتصادية وبتعلن قرب عجزها عن دفع رواتب الموظفين وهم 11 مليون نسمة .. فنزويلا أغنى الدول بالبترول بناتج قومى 424 مليار دولار سنوى بتعانى من ركود واضطرابات عنيفة وشبه شلل اقتصادى وهم 29 مليون نسمة.. ومش حاقولك مصر بتحارب إرهاب وبتسند مؤسسات وبتخوض تنمية وحركة بنا لمستقبل.. لا حاقولك مصر بتحرر بنى غازى وبتنجد سوريا وبتسند أمن الخليج.. استر بلادك واحميها.. انقد الغلط ونور طريق .. مد ايدك تبنى ما تهدش وشارك فى التغيير». وأكد آخر عبر حسابه الشخصى على فيس بوك: «مصر بتتعمر مع السيسى وبس.. تأسيس 20 مصنعًا جديدًا للجلود بالروبيكى والانتهاء من تشغيل 10 مصانع ضمن المرحلة الأولى فى أغسطس .. هل سمعت الإعلام بتاعنا بيتكلم عن الخير والمشاريع دي؟! أكيد لا ..علشان كده لازم تفوق وتعرف أن المؤامرة والرهان عليك كبير يا مصرى.. انشروا الإيجابيات خليك الإعلام البديل وشارك فى إظهار الحقائق والإنجازات التى تتم على أرض الواقع يا مصرى.. تحيا مصر وتسلم الأيادى اللى بتعمر بلادى». وأكدت إحدى المغردات عبر حسابها على تويتر: «ليه دايما بنتفنن فى أننا نتكلم عن السلبيات ونبين السواد ليه مش بنتكلم عن الجانب المشرق احنا لسا بنبى بنية تحتية للبلد وقدامنا شغل كتير والسيسى شغال بإيده وسنانه عشان لما يمشى تبقى دولة آدمية نعرف نعيش فيها بطلوا سواد بقى وشوفوا نص الكوباية المليان .. مصر بتتغير واحنا معاها».