«مانشيت» ل«محلب»: «ضميرنا منفس ومحتاج جلدة»

انتقد جابر القرموطي، مقدم برنامج «مانشيت» المذاع عبر فضائية «ON TV»، ازدياد وتضخم أزمة الأنابيب بسبب توغل السوق السوداء، حيث يرى أن انعدام ضمائر المسئولوين هو ما أدى إلى تفاقم هذه الأزمة، فقال: «ضميرنا منفس ومحتاج جلدة عليه، ضميرنا هو اللى عايز يتربط بصواميل، لأن ضمائر القائمين على توزيع الأنابيب منفس».
وعرض «القرموطى» فيديو يوضح عملية تهريب للأنابيب إلى السوق السوداء فى منطقة إمبابة، تحديدًا فى شارع حسين مهران، على مرأى ومسمع من مفتش التموين، حيث قال مرسل الفيديو: «دا مكان بتنزل فيه الأنابيب ومش بعيد عن مكان المخزن اللى فيه الحكومة حوالى 20 متر تقريبا، وبعدها الأنابيب بتتباع للسريحة والتجار، ومفتش التموين كان قاعد عالقهوة والحاجات دى بتنزل قدامه بينه وبينها مفيش 5 متر، أنا كنت قاعد بصور فى القهوة، والأنابيب دى كان بيتم تهريبها أمام المفتش أنا بقى كواحد عادى لو ملحقتش فى ساعتها المخزن أو ساعة نزولها باخدها ب50 أو 60 جنيه، مع إنى بسمع الحكومة بتقول ب8 جنيه».
وانفعل «القرموطى» بشدة بسبب غياب العدل عن توزيع تلك الأنابيب، التى تعد أحد الحقوق التى يجب أن يحصل عليها، وانتقد مدى إهمال مباحث التموين وعدم قيامها بدورها على أكمل وجه، فقال: «فى 30 جنيه فرق بين المستودع والأنبوبة لما بتنزل، مفيش عدل هنا، وبعدين هكلم مين؟ مفيش حاجة اسمها مباحث التموين بتقوم بدورها، دا على عينك الراجل بتاع المستودع قاعد وجمبه مفتش التموين»، ووجه «القرموطي» نداءً مستعجلًا إلى حكومة المهندس إبراهيم محلب، رئيس الوزراء، بسرعة التحرك الإيجابي، وإعادة النظر فى الخلل الذى أصاب منظومة الأنابيب، وتشديد المراقبة على ذلك.
وقام «القرموطى» بتوجيه عدة استفهامات إلى حكومة «محلب» تبرز مدى التقصير الذى أصاب منظومة الأنابيب، فقال: «السيد وزير البترول، السيد وزير التجارة والسيد وزير الداخلية بقى احنا عندنا دولة مؤسسات ومش عارفين نعمل نظام لتوزيع الأنابيب؟