شاهد.. ساويرس يكشف سر بيعه ل"أون تي في"

كشف المهندس نجيب ساويرس رجل الاعمال، عن سر بيعه لقناة أون تي في الفضائية، قائلا:" انا زهقت من المحطة ومن الكلام ده"
وأضاف في مداخلة هاتفية مع برنامج العاشرة مساء، المذاع على فضائية أون تي في، أنه من الصعوبة بمكان أن تستمر قناة إخبارية وحدها، منوها بأن كل القنوات اتجهت إلى إنشاء ما يقرب من 5 أو 6 قنوات للأفلام والمسلسلات بجانب القنوات الإخبارية، وهذا الأمر يتكلف مئات الملايين إن لم يتكلف مليار"
وتابع: "قناة أون تي في ما بتجيبش مصاريفها، وكانت صعب إنها تستمر لوحدها، وأنا ما عنديش استعداد اعمل قنوات أفلام مسلسلات وأغاني علشان تصرف عليها؛ لأن اتجاهاتي سياسية".
وواصل أنه لم يعد قادر على إرضاء احد بهذه القناة، مستطرد: "ولا أحنا عاجبين الفلول ولا الثوريين ولا الحكومة، فهي مسألة واقفة علي بالخسارة من كل ناحية".
واستكمل "أنا وصلت لحالة من الزهق والأرف اللي خلاني أبيع القناة، وما حدش ضغط علي، لأني شخصية لا يمكن الضغط عليها، وانا أصلا متضايق من الوضع العام في البلد إحنا كل ما نخرج من حفره نقع ف دحضيره، زي ما يكون ربنا مش راضي علينا"
وقال "أنا والله مشفق على أحمد أبو هشيمة من القناة دي، لكنه هو شاب صغير وعنده جلد ومتحمس للموضوع" متابعا: "أنا قلت له يا أحمد خد المحطة وخد أسبوعين تلاتة فكر وراجع نفسك لو حبيت ترجع في كلامك تعالى خد الشيك بتاعك"