مساء الخير: سلطانية مرزوق

بعد تحقيق الوفاق والدخول لأعلى مراتب الاتفاق أخيرا قرر شعب العجب والأعاجيب منح الرئيس الجديد تاج الجزيرة " السلطانية " نظير ما يقوم به من خدمات واصلاحات فى جسد " مصر " وما حدث لها من تجاوزات مدعى الثورجية وأخونا النخباوية ومعهم شوية المتفزلكين فى قراءة أفكار الشعب الغلبان . أيام معدودات ويظهر عمنا "مرزوق " علشان يلبس "السلطانية " بعد الصراع طويل مع الحرافيش اللى خرجوا من حلبة الصراع وقفاهم " يقمر عيش ..!! بصراحة كده وبكل وضوح .. الاثنين حلوين هايلين محتار أخد مين ولا مين .. أسمله عليكم وحوليكم وألف سلامة ?نين ما تروحوا ومنين ما تيجو ..عين الحاسود فيها عود قصب مسوس يا حلاوة .. ! الحاجة اللى ها تجنن الشعب الغلبان ده ماشى فى الشوارع فاشخ بقه ويستطعم الفقر ويبوس أديه وش وضهر .. ولما تبص للواحد فيهم تشعر وكأنك يوم الحشر العظيم .. معظمهم لابس شوية هلاهيل ورحته تفوق خمارة ولما تتكلم مع واحد منهم تشعر أنك أمام سياسى العصر والزمان وفيلسوف أم درمان ..متقولش دبلوماسى أسمله ..ومعظم حديثه فى الهجايص ..!! وإذا فهمت جاجه من اللى بيقوله تجده يردد زى البغبغان غلباوى بنص لسان واخد كلمتين من الجهابزة المعقدين المثقفين المتشنك?ين .. ولما تسأله ها تنتخب مين ..؟ يتعمد أن يفرد جسمه لوره
ويعوج رقبته وينفخ صدرة ويرفع حواجبه ويقولك : وكأنه أعلم أهل الارض .. ما فيش حد يستاهل فيهم ..!! ولما تقوله ليه يا عمنا ..؟! يقول بكل عنجهيه الأخوان عاملين زى اللبان ما يطلعوش من الهدوم الا بطلعوع الروح ..!! أما النظام القديم ده ها يخدنا لورا وترجع عمتك ريمه من عند خالتها فى مارينا وكأنك يا أبو زيد ما غزيت ..!! يعنى عاوز يقولك ان الانتخابات ها تتزور من خلال دعاوى باطلة مش مقنعة المهم عندة عاوز يعمل عزوف جماعى للانتخابات علشان يراضى اللي مايتسموا ..!! ولو تصادفت والتقيت مع واحد بالصدفة من أنصار فلآن ولا أنصا? علان يقولك أنا وأعوز بالله من كلمة أنا هانتخب شفيق رغم أنف البلكيمى ..!! ولما تقابل أنصار مرسى يقولك أنا مجبر أخاك لا بطل لأنتخاب مرسى خوفا من الثعبان الاقرع اللى بيقرع الناس فى القبر علشان مطبقوش الشريعة ..!! وسلملى على الدولة العلية المضوبة في الخلاط بالمدنية والدينية.